¹ Paulu, kapostolu ua Kilistu Yesu ku kuyongola kua Kalunga, na Timoteu mukuenje uetu, ku vitembele via Kalunga ovio viamu Kolintu, na kuvantu voshe va kujela va Kalunga na mukunda ua Akaya. ² Ngozhi yathe kukala nove na chivovo kutunda kuli Kalunga tata na Muene Yesu Kilistu. ³ Ngozhi ya Kalunga Tata ya Mwene uetu Yesu Kilistu vayi shangale. Endi yakeye Tata ua ngothzi na Kalunga ua kulembezheka kuoshe. ⁴ Kalunga ueku tu lembezheka mu vitanga vietu vioshe, linga netu tu lembezheke ovo vali mu nkala vitanga. Tu lembezheka vakuetu na kulembezheka cimolika chije chaka tulembezheka nacho Kalunga. ⁵ Mukonda lia tuyando ngue tua Yesu tuje tuhitila mulietu, ngoco naua kulembezheka kuetu kuhitila hali Kilistu. ⁶ Vunoni nga tuli na mavezhi, chikala ca ku kulembezheka na kuovoka; nga vana tulembezheka, ocho kulembezheka chove. Kulembezheka chove chipanga muachili mu kuovoka cha tuyando tuje vene tuayandele natuo netu lalo tuyanda. ⁷ Kuthselela kuetu kutuala kuliove kokue kujaja, ngue omo tunazhivuka mu uekutepela tuyando, yove lalo ueku tu tepela kulembezheka kwetu. ⁸ Muomu kutua yonguele ukale ku uezhivile , vamunanana, kutuala ku vitanga viotuakele navio mu Asia. Tuakele vana tunthsena kupulakana ha nzhili yetu kamane tujeneke kuyongola nambe kuyoya. ⁹ Mukemo, tuakele naku tutumbuila kututhsiha haliyetu. Vunoni ovio viakelelele kutulingitha tujeneke kuhaka luthselelo muliyetu vavenia, vunoni kamane muli Kalunga, uje ua hinduile vathsi. ¹⁰ Ua tuovola ku kuthsa, a ka tuamena lalo. Muli yendi tua thselela nguavo a ka tuamena. ¹¹ Aka vipanga evi ngue omo yove uatu kuathele ha kulomba kuove. Kunahu vavengi va kahana kushangala ku tu kuatelamo omo lia vuana vuangozhi va tuhanene kuhitila ha kulomba kua vavengi. ¹² Tuna vijolela evi: Mana etu ali vukaleho mu ku kundama kuli yetu nguavo tualimuethele etu vavenia mu lifuti na kujela na vuKalunga, kujeneka kuthselela mana ahanthsitu vunoni ha kavumbi ka Kalunga. ¹³ Viahi tunathona linga mujeneke kuatha kutanda na kuviuvua, njina thselela nguange eni muviuvua vuino ¹⁴ ngue momua tuvuile kumutamba, linga mulishangale kutuala kulietu mulitangua lia Muene uetu Yesu, ngue omo tuka lishangala omo lieni. ¹⁵ Momu njakele na luthselelo luevi, nja yonguele kuija kuliyove mbangelo, linga utambule luvali ngothi ya vuana. ¹⁶ Njina hakele vutumbe mukua ku kutalelaho mungila ya ku Masendoniya. Kunahu nja yonguele kuaku ku talelaho lalo mu vungenzhi vuange kutunda ku Masendoniya, na momu liove una njitumu mungila yange ya kuYunda. ¹⁷ Omo nja thinganiekele ngila eyi, Nja yithembuluile? Njika hake vutumbe vua viuma kushuama ku visheteko via vuntu, linga nji handeke nguange, "Mukemo, mukemo" na "Kuahi, kuahi" hanthsimbu yimo lika? ¹⁸ Vunoni ngue omo Kalunga yikeye muka kuthselela, kotueku handeka vioshe "Mukemo" na "Kuahi." ¹⁹ Omu lia muan Kalunga,Yesu Kilistu, yiya Silivanusa, Timoteo oshe Nja longethele mukati keni, keti "Mukemo" na "Kuahi." Te nga, endi nkalaha "Mukemo." ²⁰ Kuthselela kuoshe kua Kalunga anapu "Mukemo" muli yendi. Hakeho muli yendi tuhandeka "Amen" ku vumpahu vua Kalunga. ²¹ Ngeci Kalunga yakeye na tuhaka kumo nove muli Kilistu, ngocho lalo uatu vuavuethele, ²² na hake litavathano liendi hali yetu oshe uatuhana Sipilitu mu zhimbunge zhetu mukukala chithseleletho kuli ovio vikeja. ²³ Hakeho, Nji thana Kalunga kukala mukaleho uange nguavo vionjina jenekela kuya kuKolintu mukonda linga hamo Nji miovole. ²⁴ Evi keti vikevio tuyonguela Kalunga mu kuthselela kuove. Nkuma co, tupanga nove kumo omo lia njolela yove, omo unemana mu kuthselela kuove.