¹ Apa mwa yire mushirongo eshi Hompa Karunga wenu ana kumupa yira mushipinge, po mu shi pangera na kutunga mo, ² muna kona kughupa dimuyangu dakuhova nadintje damushirongoodo mwa yitre mo da kutunda mushirongoosho a mupire Hompa Karunga wenu ana kumupa. Muna kona kuditura pavikumba muditware kulivango lyakupongeka. ³ Mwa hepa kuyenda kumuruti ogo kamupoperengo mayuva aka pito, na kughamba kukwendi, na tambura namuntji kwa Hompa Karunga na ya mushirongo osho Hompa Karunga a ghanine kuvakurona vetu vetu nga shi tupa.' ⁴ MUruti nga ghupa vikumba mumaghoko ghenu na kutongamena kumeho ya shidjambero shaHompa Karunga. ⁵ Anwe muna kona kughamba kumeho yaHompa Karunga, vasha vetu kwakalire vayendaghuli ku mbunga vaAramena. Ghuye a ghurmuka a yende kuEgipite nakukara momo, ntani vantu vendi vasheshupire mushivaro, shirongo shinya shanenepire, ashi kara mughnankondo wavo, ava fughura shirongo shinya. ⁶ VaEgipite ava tu hepeke mwamudona nakutudipagha. Vavo ava tura virughana vyaghudito papetu. ⁷ Atwe atu lilire kwaHompa, Karunga wavashetu., ntani ghuye a tu yuvhu liywi lyetu nakukenga lirenkereromo lyetu, mudigho wetu, lihepeko lyetu. ⁸ Hompa atu ghupu mo muEgipite nalighoko lyankondo, nalighoko lyakudira kufupipa, kumwe naghutjirwe waghunene, kumwe naviyivito, ntani kuvitetukita; ⁹ ntani ghuye a atu ghupite mo tuye kulivango lino nakutupa shirongo shino, shirongo shapupango namashini ntani ghushi. ¹⁰ Weno kengenu, ame namuyitire muyangu wakuhova wamushirongo shino, Hompa, ana mpa ame,' Muna hepa kuyi tulira ntere kumeho yaHompa Karunga wenu nakumu karera kumeho yenu; ¹¹ ntani muna hepa kukara naruhafo rwarunene kunavintje vinintje vyaviwa vyo Hompa Karunga wenu ana mu rughanene mumapata ghenu-anwe,ruvharorwavaIsrael, kuva ntundjwa virongo vana karo mukatji kenu. ¹² Apa ngamu mana kutapa vitapa vya murongo naghuntje mumwaka waghutatu, ogho, ngo mwaka wakutapa vitapa vya murongo, kuditapa kurud rwaLevi, kuvantundjwa virongo, kuva vakudira vasha, ntani kuva fita vavya, mposhi ngava vhure kulya mukatji kamavero gha shitata nakuvarera. ¹³ Anwe muna hepa kughamba kwaHompa Karunga,' Ame namana kughupa mo navintje vininke mundjugho yande vyahameno kwaHompa Karunga wenu, naku vi tapa kurudi rwaLevi, kuvantundwa virongo, kuvafita vya, kukwama kudimuragho doye, nkwandi ame kuna vi vhurama. ¹⁴ Ame kapi nalirepo kehe shino mulinguvho lyande, ndi nina vi tura kwapeke nka apa ma kalire ninanyata, ndi na vitapire kehe vino mukufumadeka vafe, ame kwa tegherera kuliywi lya Hompa Karunga wande; ame nalimburukwa kuvininke navinntje a ndawira muku vi rughana. ¹⁵ Kenga kulivango lyakupongoka oko watunga , muliwiru, nakuragopita vantu voye vaIsrael, nashirongo eshi wa tapa kukwavo, yira momu washighaninine kuva shetu, shirongo shakupupa namashini ntani ghushi.' ¹⁶ Namuntji Hompa K arunga kuna kuturawira ashi tu limburukwe kuveta namanangwiro ghano; anwe ngani di tikitemo ntani kudi rughana nadimushima denu nadintje ntani monyo denu. ¹⁷ Anwe muna ghamba namuntji ashi Hompa Karunga wenu, ntani anwe ngamu yenda mundjira yendi nakutikitamo veta dendi nadimuragho dendi, ntani manangwiro ghendi, ntani ngamu tegherera likuywi lyendi. ¹⁸ Namuntji Hompa Karunga ana purara ashi anwe vantu va ghupingwa wendi, yira momu avi mu twenyedera, ashi anwe mu tikitemo dimuragho dendi nadintje, ¹⁹ ntani ghuye ngamu tura kuliwiru lyadimuhoko dapeke edi a rughana, ntani anwe ngava mu kanganga, kuyivikwa, ntani ngava mu fumadeka. Anwe ngamu kara vantu ava a tulira Hompa Karunga wenu kuntere, yira momu avi ghamba.''