¹ Makura atwe atupiruka nakughupa ruyendo rwetu mu mburundu kundjira ya lifuta lya mbu, momo a ghambire Hompa kwande; twayendire tukundurukide ndundu ya Seyira mu mayuva gha mangi. ² Hompa aghamba kukwande, na kughamba, ³ 'Muna yendaura mukukundurukida ndundu yino shirugho sha shire sahakugwaneka; pirukenu kuucuma. ⁴ Rawira vantu, nakughamba, ''Anwe muna hepa kuoitira pamurudi wa vakuru venu va vakafumu, varuvharo rwa Esau, ovo vatungo mushirongo sha ndundu sha Seira; vavo ngavakakara na ghoma kukwenu. Mpo ngoli shi una hepa kutakamita shirongo ⁵ kapishi nga muvarwanite, ndi kapi nganimupa kehe ruha rwa shirongo shavo, hawe, kwato nampiri livango lya kuhura pa malyatero gha mpadi, mukondashi natapa ndundu ya Seira kwa Esau yira limona. ⁶ Anwe nagmukaghura kukwavo na maliva, mposhi ngamu kalye; anwe ngamu kaghura nka kwavo, mposhi ngamu kanwe. ⁷ Hompa Karunga wenu amukandayika muvirughana vyenu navintje mwa rughananga na maghoko; ghuye ayiva ruyendo rwenu muno mumburundu ya yinene. Mumwaka dino dimurongo ne Hompa Karunga wenu ana kara nanwe, ntani kwato ovyo mwahepire.'' ⁸ Twapitire vakuru vetu va vakafumu, varuvharo rwa Esau ovo vatungiro mu Seira, kutundilira kushitaura sha Araba, sha Elatha ntani sha kutundilira ku Ezioni Gebere. Makura atupiruka tukapite ya ndjira yamu mburundu ya Mowabu. ⁹ Karunga aghamba kwande, kapishi mukape Mowabu maudito, ntani kapishi mukarwane navo muvita. Ame kapi nganimupa shirongo shendi ngashikare shenu, mukonda ashi ame natapa Ari ku vana va ruvharo rwa Lote, yikare mumpangera yavo.' ¹⁰ (VaEmite mo vatungire pakutanga, vantu va vavene, va vayingi, ntani vavare yira mbunga yavo Anakimu; ¹¹ vavo nka navo kwa vahamitilire ku vaRephaimu, yira mbo bnka va Anakimu; ene ngoli mbunga ya vaMowabu kuvayita ashi Emite. ¹² Mbunga yava Horite navo pakuhova kwatungire mu Seira, ene ngoli vana vaEsau va vafundire. Vavo ava vadjonaurapo kutunda kumeho yavo nakuyatunga mu mavango ghavo, yira momo varuwanine va Israeli kushirongo osho avapire Karunga.) ¹³ ''Weno shapukenu muyende ku brook Zerede.' Atwe atuyendi tupite mu brook Zerede. ¹⁴ Ruvede runya kutunda po twa tundililire mu Kadeshi Barneya dogoro tuyavindakane brook Zerede, kwakalire mwaka dimurongo ntatu na ntantatu. Kwakalire muruvede runya dimuhoko nadintje da vakafumu vakuvhura kurwa vita vatundire mu vantu, momo gha ghanine Karunga kukwavo. ¹⁵ Ntani nka lighoko lya Karunga kapi lya kwatitireko muhoko unya mukurenka ashi va vadjonaure kuvantu dogoro vanapiti. ¹⁶ Mpo ngoli vya shorokire, opo vyakalire ashi vakafumu navantje vakuvhura kurwa vita vanafu ntani vanatundu mumburundu ya vantu, ¹⁷ kovinya Karunga aghamba kwande, nakughamba, ¹⁸ 'Anwe muna kona kupita pa Ar, murudi rwa Mowabu. Opo ngamukatika pepi na musheli munya ya vantu va mumbunga ya Ammoni, kapishi ngamukavape maudito ndipo kavarwanita, mukondashi ame kapi ngani kamupa kehe ruha rwa shirongo sha mbunga shikare mumaghoko ghenu, mukonda ashi ame navitapa ¹⁹ kare mumaghoko gha vana varuvharo rwa Lote vikare viweka vyavo. ²⁰ [osho nka va hamitulire kushirongo sha Efurayimu. mbunga yava Efurayimu mbo vatungiromo pakuhova-Ene ngoli va vaAmoni kwavayitanga ashi zamumimu- ²¹ vantu vavanene,vavyingi,ntani vavre yira vaAnakimu. Ene ngoli Karunga ava djonaunawire kumeho ya mbumga yava Amoni,ntani vavafundire nakuyatunga mumavango ghavo. ²² Hompa ghuno nka a rughanine kuvantu va Esau,ava va tungiro muSeira,apa va djonawirepo vahorite kumeho yakuya vavo , ntani vana va Esaunavo vavafundire ntani va tungire mumavango ghavodogoro kunamuntji. ²³ Kwava Avvire ovo vatungiro mumukunda waure yira Gaza ,kafotorimu, ovo vatungiro kukafotore, vavadjonaulirepo na kushungira mumavango ghavo.] ²⁴ Weno shapukenu, twikirenu naruyendorwenu, ntani mu pitire mulidamenena lya Arononi;kengenu ,ame natapa shihonimu kurudi rwaAmoni,Hompa wava Heshibomi , nashirongo shendi mumaghko ghenu. katamekenu kushiweka ntani mukarwe naye vita. ²⁵ Namuntji kuni tameka kutura ghoma ntani nautjirwe wenupa vantu ovo vana karo munda yaliwiru nalintje; ava ngava ka yuvo mudi yakuhamena kukwenu ntani nkangav kakankama ntani kukatukuka. ²⁶ Na tumu vantumi va kutunda kumurundu ya kedemote kwa Shihoni, hompa wa vaheshiboni, nankango dampora ,dina kutanto ashi ,' ²⁷ mpulitire ni pitire mushirongo shenu; ngani ya pita ndjira yayire, kapi ngani piruka kulighoko lyarulyo ndi po kurumondjo. ²⁸ Ngani ya ghulita ndya kuvimaliva ,mposhi ngani ya vure kulya; mpenuko mema namaliva, mposhi ni vhure kunwa; mpulitirenu tupu ni pite mushirongo shenu parupadi; ²⁹ yira varudi rwa Esauovo vatungiro mu Seira,ntani yira momo vamowaba ova vatungiro mu Ar ava vanduwanino dogoro ni pite ngani yende kuJorodani mushirongo osho Hompa karunga a tupa. ³⁰ Ene ngoli Shihoni, hompa wava Heshiboni, kapi a ngatu pulitira ashi ngatu pite, Hompa karunga ngakukutika ndunge dendi ntani ngamu pa dimushima dakumanguruka , ashi mumufunde munkondo denu, ovyo mbyo ana rughana namuntji. ³¹ Karunga kuna ntantere ashi, kengenu , ame na tameke kutapa Shihoni nashirongo shendi kukwenu, tamekenu kushiupa, mukurenka ashi ngamu pinge shirongo shendi. ³² Mkura Shihoni a rupuka nalikupiro kukuyuva natwe, uye navantu vendi navantje tukarwere paJahasi. ³³ Karunga wetu amu tu pa ntani atu mu fundu kumwe navana vendi vavakafumunavantu vendi. ³⁴ Atu ghupu vitata vyendi navintje paruvede runya ntani ghatu djonaura kehe shino shitata- vakafumu navakamali navanuke vavadidi, kwato muntu ogho a parukiro. ³⁵ Atwe kwaupire ngome tupu mukukuhafita naumwetu kumwe nka nakukuhafita navitata ovyo twa ghupire. ³⁶ Kutunda kuArrore,eyi yakaro kuntere yalidamenena lyaArononi,kundjira nadintje da Giliyata,okunya kapi kwakalire shitata shayerukiro kukwetu. Hompa karunga wetu ava tapire mumaghoko ghetu . ³⁷ Kwakalire tupu shirongo sharudi rwaAmoniomu twa dilire kuyenda, yira kumaruha ghamukuro waJaboko, ntani vitata vya pashirongo shapandundu-kehe kuno Hompa karunga wetu a tu pulitilire tu yende.