¹ Jotamu kwa kalire namwaka dimurongo mbiri na mwaka nantano apa atamikire kupangera; uye kwapangilire mwaka murongo nantano namwka umwe muJerusalemu. Lidina lya vawina kwkalire Jerusha; ² Uye kwa rughanine vyauhunga kumantjo ghaHompa, kukwama shionena shavashe, Usia, munavintje. Uye nka kukushwenekanga naumwendi mukuyenda muntembeli yaHompa. Ene ngoli vantu shimpe kava neghedanga ukaro munkedi dadidona. ³ Uye atungu livhero lyakuwiru lyakudjugho yaHompa ntani pandundu yaOphel uye tungupo dadiyingi. ⁴ Ntani nka uye tungu nkurumbara mushirongo shapandundu muJuda, ntani mukatji wiya a tungu mo ndjugho yayinene yakukora nalikuma lyankondo ntani ndjugho yayire. ⁵ Uye nka kwa rwanine nahompa wavantu vaAmmon nakumufunda. Moomo mumwaka wakukufana, vanu mu Ammon ava mupa siliveli dakutika ku 7,500,mayovi murongo gharukokotwa ghameta,mayovi murongo ghavilya. Vantu vamu Ammoni ava mupa vyakushetakana mumwaka wauviri nau wautatu. ⁶ Makura Jotamu a kara nankondo unene mukonda shi uye kwa yendire ndikiti kumeho yaHompa Karunga wendi. ⁷ Kutwara kuvininke vimwe kuhamena Jotamu, vita vyendi navintje, ntani ndjira dendi, kenga, vyavyo vavi tjanga mumbapira yavahompa vaIsrael ntani muJuda. ⁸ Uye kwakalire namwaka dimurongo mbiri namwaka ntano apa a tamikire kupangera mwaka murongo nantano namwaka umwe a pangilire muJerusalemu. ⁹ Jotamu a rara kumwe navanyakulyendi, ntani vavo ava muhoreke mumkurumbara yaNdafita. Monendi, Ahasi, a kara hompa mulivango lyendi.