1 Kuruku apa papwire, vantu vamu Moab ntani Amon, ntani kumwe navo vamwwe vamaunite ava va kumwe mukurwanita Jehoshafat mukutura vita. 2 Makura vamwe ava yamutantere Jehoshafat, kughamba, '' Limumbunga kuna kuya kurwanita ove kutundilira kushelikunya lyalifuta lyamfa, kutunda kuEdomu. Kenga, vavo muHasesoni Tamara, ''Oyo, Engedi. 3 Jehoshafat atukuka nakukutura mwene apapare Karunga. Ghuye ayuvita lidiliro mushirongo nsahintje shaJuda. 4 Juda ayi kupongayike kumwe mukupapara Hompa; vano ava ya mukuya papara Hompa munkurumbara nadintje damu Juda. 5 Jehoshafat ashapuka mumbunga yaJuda na Jerusalem, pandjugho yaHompa, kuuto yakandjugho kakape. 6 Ghuye aghamba, '' Hompa, Karunga wavanyakulyetu, kapishi ve Karunga wamuliwiru ndi? Kapishi ve mupangeli wamauntungi naghantje ghadimuhoko ndi? Nkondo na unene mumahoko ghoye vya kara, kwato wakukuvhura kukukanana ove. 7 Karunga wetu, nani kapi wa tunditiremo vatungi vamuno mushirongo kumeho yavantu voye vaIsrael, nakushitapa shikare naruntje kuvaro rwaAbraham ndi? 8 Vavo ava tungumo nakukutungira ve livango lyakupongoka mumwalyo mulidina lyoye, kughamba, 9 Ntjene mahudi aye papetu-mbere, lipanguro, ndi mauvera, ndi lirumbu-atwe ngatu yimana kumeho yayino ndjugho, ntani kumeho yoye ( mukondashi lidina mpolili muno mundjugho), ntani ngatu lilira kukoye mukutu yowora, ntani ove ngautuyuva ntani ngautu yoghora.' 10 Kenga weno, vantu va Amoni, vaMoab, ntani vakundundu ya Seira ava warenkire Israel ashi kapishi va ngene mushirongo apa va rupukire mushirongo sha Egipite; hana, Israel mukudira kuvapirukira ntani kudira kuvadjonaurapo. 11 Kenga ashi weni omo vanakutufutita atwe; vavo kuna kuya vaya upemo mushirongo shoye eshi watupa mukushipinga. 12 Karunga wetu, ove kapi uva pangura? atwe kwato nkondo mukurwanita yino mbunga yayinene yavakavita eyi yina kuyo nakuya turwanita. Atwe kapi tuna yiva ashi vinke turughana, ene ngoli mantjo ghetu kukoye.'' 13 VaJuda navantje ava yimana kumeho yaHompa, kumwe navana vavo vavadidi, vakamali, ntani vana. 14 Makura pakatji kambunga mpepo yaHompa ayiya paJahaseli, monaSakaliya, mona Benayo, mona J eseli, mona Mataniya, muLevi ntani wamuruvharo rwaAsfas. 15 Jahaseli a ghamba, ''teghererenu, vaJuda namuvantje ntani anwe vatungivamuJerusalemu, ntani hompa Jehoshafata. Vino mbyo ana kughamba Hompa kukwenu. Mwashakara nawoma; mwasha pira lihuguvaro mukonda lyavakavita vavayingi, vita kapi vina hamene kukwenu, ene ngoli kwaKarunga. 16 Anwe muna kughurumuka mukarwane navo yona. Kanga, vavo kuna kuya vakanduke mundjiraya Ziz. Anwe ngamuvawana kuuhura wamurambura,kumeho yamburundu yaJeruweli. 17 Anwe ngamu vawana kuuhura wamuramba, kumeho yakurwa vita vino. Yimanenu pamavango ghenu, yimanenu ndjikiti, nakukenga lipopero lyaHompa kukwenu, Juda na Jerusalema. Mwashatjira ndi mudire lihuguvaro. Yendenu yona kukwavo, Hompa nanwe anakara.''' 18 Jehoshafata a nyongeka mutwe wendi kumwe nashipara shendi palivhu. Vayuda navantje ntani vatungi vamuJerusalema tongamenenu kumeho yaHompa, nakumupandura. 19 Valevi, ovo va kaliro vauruvharo rwakoroti ntani korati, ava shapuka mukupandura Hompa, Karunga waIsrael, naliywi lyakudameka. 20 21 kungura-ngura yayinene ava shapuka nakuyenda mumburundu ya tekoya. pa tupu vayendire varupuke. Jehoshafata a yimana nakughamba, ''teghererenu kukwande, Juda, ntani anwe vatungi vamuJerusalema! Huguvarenu Hompa Karunga wenu, ntaniuye katu vatera. Huguvarenu muvaporofete vendi, ntani anwe kuvi mutompoka.'' Kuruku apa a manine kutantera vantu, uye a horowora ava va yimbiliro Hompa ntani ava va mupanduliro mu nkondo dendi daupongoki apa va yendirekuuto wa vakavita, kughamba, ''Tapenu mpandu kwaHompa, mukonda likukwatakano lyendi lyalipuro lyakutikitiliramo ngali karerepo naruntje.'' 22 Apa vatamikire kuyimba nakupandura, Hompa a renke vakafumu mumbunga yavantuvaAmoni, mowabantani dundu yaSeira, ava va yiro va ya homone Juda. Vavo ava vava fundupo. 23 Makura vantu vaAmon ntani vaMowaba a shapuka varwanite vatungi vandunduya Seira, mumdjira yakuvadipaghapo navantje nakuvadjonaurapo. Apa va manine navatungi vapandundu yaSeira, vava navantje ava kuvatere vakudjonaurepo naumwavo. 24 Apa vaJuda ava va yire mulivango mukukengurura mumburundu, vavo kenge pavakavita, kumona, vavo vana fu, vanawere palivhu; Kwato ogho a tuliropo nampiri umwe. 25 Apa Jehoshafata ntani vantu vendi va yira mukuyashimba vinke vyamuvita kukwavo, vavo ava kawa vininke vyaviwa vyaviyingi mukatji kavo, vikoverero, ntani vininke vimwe vyamulyo, evi va upire vi kare vyanaumwavo,kapi vavi vhulirekuvishimba. Kwava upire mayuva matatu mu kushimba vininke evyi vyamuvita, vya kalire viyingi unune. Muliyuva lyaune ava ka ponga mumuramba waBaraka. 26 Munya mo vakapandulire Hompa, lidina lyalivango olyo ali kara,'' Muramba waBaraka'' nakuliyuva lino. 27 Makura vavo ava vyuka, kehe muntu wa muJuda ntani Jerusalemu,ntani Jehoshafata muumpititi wavo, nakuyenda nka kuJerusalema naruhafo,Karunga omu ana va renke vakare naruhafo pava nankore vavo. 28 Vavo ava ya kuJeusalemantani kundjugho yaHompa na vikitara navighamba ntani marumbendo. 29 Utjirwe Karunga kwa kalire mumauntungi naghantje ghadimuhoko apa va va yuvhire ashi Hompa ana rwana navanankore vaIsrael. 30 Makura muuntuni waJahoshafata kwakalire una mwena, mukonda Karunga wendi a mupire mpora yimukundirikide. 31 Jehoshafata a pangere Juda: Uekwakalire namwaka dimurongo ntatu nantano apa a taikire kupangera, ntani uye kwapangilire muJerusalema dimurongo mbiri nantano.Lidina lyavawina kwakalire Azuba, mona mukamali washilihi. 32 Uye kwa yenire mumdjira yaAsa,vashe ; Uye kapi a tundirekokukwavo, uye a rughana evi vya kaliro ashi vina hungama kuuto waHompa. 33 Ene ngoli,mavango ghakuwru kapi vaghaupiremo. Vantu shimpe kapi va tunditireko dimushima davo kwaKarunga wava nyakulyavo. 34 Kutwara kuvinke vimwe vya kuhamena kwa Jehoshafaa,kutameka ntani kumanita,kenga, vyavyo vyavitjanga mulihstoli lya Jehu mona hanani, evi vatura patjangwa yamumbapira yavahompa vaIsrael. 35 Kuruku yavinoJehoshafata, hompa waJuda akupakerere mwee kumwe naAhasiya, hompa Israeli, oghu a rughanino vyavidona unene. 36 Uye akupakerere kumwe naye mukutunga shikepa eshi ngashi yendango kuTarshisha. vavo ava tungu shkepa pa Esiyni Gabere. 37 Makura Eliyese mona Dodavahu waMaresha,a pumbu kuhamena Jehoshafata; uye a ghamba,''Mukonauna kupakereree naumoye naAhasiya,Hompa ana djonaurapo maghano ghaviruhana vyoye.''Shikepa shadjonauka mposhi ngamu dire kuyenderamo.