¹ Jehoshafata akalire naungawo waungi nalifumano; ghuye akupakere kumwe na Ahab mukughupa umwe walikoro lyendi akware monendi wamukamali. ² Kuruku damwaka dangandi, ghuye yendi aghurumuke kwa Ahab muSamaliya. Aha amudipaghere n djwi na ngombe dadingi naye ntani navantu vakaliro kumwe naye. ³ Ahab a mushongawire nka aka homone Ramoti Giriyati kwa Jehoshafat, hompa wa Juda, ''Ngauyenda kumwe name kwa Ramoti Gireyati?'' Jehoshafat amulimburura ashi, ''Ame shi yira ve, ntani vantu vande shi yira vantu voye. Ngatu kakara kumwe nove muvita.'' ⁴ Jehoshafat aghamba kwa hompa wa Israel, ''Nakanderere pamuhovo papara nkango daHompa kulilimbururo lyoye.'' ⁵ Makura hompa waIsrael apongeke pamwe vaporofete, vakafumu mafere mane, nakughamba kukwavo, '' Kuvhura tuyende kwa Ramoti Gireyati kuvita, ndi nashayendako? '' Vavo avaghamba, 'Kahomone, Karunga ngavitapa mumahoko gha Hompa.'' ⁶ Ene ngoli Jehoshafat aghamba, '' Shimpe pato pano muporofete umwe wa Hompa oku tuvhura kuwana makorangedo?'' ⁷ Hompa wa Israel aghamba kwa Jehoshafat, '' Mpwali ko shimpe mukafumu umwe oku tuvhura kuwana makorangedo gha Hompa, Mikayiya mona Imira, ene ngoli ame namunyenga mukondashi kapi apumbanga vyaviwa kuhamena ame, ene ngoli kehe pano vyavidona tupu. ''Ene ngoli Jehoshafat aghamba, ''Hompa nakuvhurashi kughamba ovyo. '' ⁸ Makura hompa wa Israel akughu muna mberewa nakughamba. '' Kwangurenu wangu muyite Mikayiya mona Imira.'' ⁹ Makura Ahab hompa waIsrael na Jehoshafat hompa waJuda ava shungiri kehe uno pashipuna shendi shauHompa, vavo vana dwata mumarwakani ghavo, mushandjara palivero lyakungenena muSamaria, ntani vaporofete vavo kuna kupumba kuhamena mo. ¹⁰ Sadekia mona kenana akurughanene mwene mbinga davikugho nakughamba, '' Hompa ana ghamba vino: kumwe navino anwe ngamutindika va Arami dogoro ngava pwepo.'' ¹¹ Vaporofete navantje kwapumbire mwakukufana, kughamba ''Kahomonenu Ramoti Gilead nakufunda, mukonda Karunga ana mutapa mumahoko gha hompa.'' ¹² Ntumi eyi yayendiro yika kughe Mikayiya aghamba kukwendi, 'Kenga, nkanga dauporofete dakutunda mukanwa kamwe kuna kutanta lifundo kwahompa. Renka nkango doye vadipure kumwe nedi davo, na kughamba lifundo.'' ¹³ Mikayiya alimburura, moomu akarererapo Karunga, ovyo mbyo ana kughamba Karunga mbyo niya ghamba nka.'' ¹⁴ Apa ayire kwaHompa, hompa kukwendi, ''Mikayiya, tuyende kjwa Ramoti Gilead kuvita, ndi hawe?'' Mikayiya amulimburura, ''Kahomonenu nakukafunda! lyalyo kuli kakara lifundo lyalinene.'' ¹⁵ Makura hompa aghamba kukwendi, ''Vikando vingashi nipura koye mukughana mukudira kuntantera ene ngoli untantere ushiri mulidina lya Hompa?'' ¹⁶ Makura Mikayiya aghamba, ''Ame namono vaIsrael navantje kuna kukuhanena kumandundu, yira ndjwi edi dina diro mukungi ntani Hompa ana ghamba, ' Vano kapi vana kara namukungi. Renka kehe muntu avyuke kundjugho yendi mumpora.'' ¹⁷ Makura hompa wa Israel aghamba kwa Jehoshafat, '' kapi kani kutantere ashi kapi ngayapumba vyaviwa kuhamena ame, ene ngoli lihudi tupu?'' ¹⁸ Makura Mikayiya aghama, ''Mposhi nanuvantje muna hepa kuyuva nkango da Hompa: Ame namono hompa ana shungiri pashipuna shendi shauhompa, ntani va Engeli navantje vamuliwiru vana yimana kulihoko lyarulyo rwendi ntani nakurumontjo. ¹⁹ Hompa ana ghamba, ''Are aka korangedo Ahab hompa waIsrael, mposhi avhure kushapuka ayende nakukagandapo Ramoti Gilead?' Umwe mbyo ana ghamba vino ntani umwe nka vinya. ²⁰ Makura mpepo ayiya kumeho nakuyayimana kumeho ya Hompa nakughamba, '' Ame kuni kamukorangeda. Hompa aghamba kukwendi, Weni?' ²¹ Mpepo ayi limburura, 'Ame kuni yenda nirupuke ntani kuni kakara mpepo yamapempa mutunwa twavaporofete navantje, Hompa limburura, 'Ove ngau mukorangeda, ntani ove nka nagvi kakutompoka. Yenda weno nakukaviruwana ngoli.' ²² Kenga weno, Hompa ana tura mpepo yamapempa mutunwa twa vaporofete voye, ntani Hompa ana kutokwere lihudi ove.'' ²³ Makura Sedekia mona Kanana, apa ayire, kuya kapura Mikayiya kulitama, nakughamba, '' Mundjira munke mpepo yaHompa yina tundu kukwande nakughamba kukoye? ²⁴ Mikayiya aghamba, '' Kenga, ove ngauyiva ashi muliyuva olyo, apa ngautulira mundjugho dimwe damunda ngau kavande.'' ²⁵ Hompa wa Israel aghamba kuvakareli vamwe, ²⁶ 'Anwe vantu upenu, Mikayiya nakumutwara ku Amoni, ngughuru wankurumbara, na Joyashi, monande. Anwe ngamu kaghambe kukwenu, ' Hompa aghamba: Tura uno mukafumu mudorongo nakumutekura tupu na mboroto yayididi ntani natumema, dogoro mpopo ngani kavyukira nimuwawa.''' ²⁷ Makura Mikayiya aghamba, '' Ntjene ngau kavyuka umuwalika, makura Karunga Hompa kapi aghamba name.'' Makura awederereko, ''Teghererenu kuno, anwe vantu namuvantje.'' ²⁸ Makura Ahab, Hompa wa Israel, ntani Jehoshafat, hompa wa Juda, ava yendi vavahomone Ramoti Gilead. ²⁹ Hompa wa Israel aghamba kwa Jehoshafat, '' Ame kuna kudwata mudwato ogho vakandira kukandimburura ntani nakuyenda muvita, ene ngoli ove turako lirwakani lyoye lyauHompa.''; Makura Hompa wa IKsrael akutjindji mwene muvidwata, nakuyenda muvita. ³⁰ Ngoli Hompa wa Aram arawilire mukurona wavakavita, kughamba, '' Mwasha kahomona vakudira mulyo ndi vakavita vamulyo, nani ngoli, kahomonenu tupu Hompa wa Israel makura.'' ³¹ Apa vaya tikire vakurona vavakavita vamonine Jehoshafat ava ghamba, '' Ogho ndje Hompa wa Israel. '' Ava piruka nakuyenda vakamuhomone, ene ngoli Jehoshafat atakuma, ntani Karunga amuvatere. Karunga ava pirura vayende kwapeke kapishi kwendi. ³² Apa vayire vakurona vavakavita ava mono ashi kapishi Hompa wa Israel nani, ava vyuka mukumukwama. ³³ Ene ngoli mukafumu aponyo ngumba yendi na kukakwata HYompa wa Israel mukatji kavakavita vendi. Makura Aha aghama kumushingi wakarukara kavita, ''Pirura nakuntjimba untundite muvita, mukondashi naremana mwamudona.'' ³⁴ Vita avi yendi mwamudona liyuva linya, natni Hompa wa Israel kwa mutulire mukarukara kendi kavita nakutamba ku Aram dogoro kungurova, paviri apa liyuva lyakangenine, ghuye makura adohoroka.