¹ Mumwaka wamurongo nantano namwaka ntatu wahompa Jeroboyamu,Abiya a tameke kupangera kupangera muJuda. ² Uye kwa pangilire mwaka ntatu muJerusalema;lidina lyavawina kwakalire Makayiya, mona wamukali wa Uriyeli wakurudi warwaGibiyoni. Kwa kalire vita pakatji ka Abiya ntani Jeroboyamu. ³ Abiya a yendi muvita kumwe navakavita vendi vankondo,vakavita valihuguvaro, 400000 vakafumu ava a horowire. Jeroboyamua tura dimutunda davita kutunda kwendi navakafumu 800000 ava a horowire, vakavita vankondo. ⁴ Abiya a shapuka pandundu yaZemarayimu, eyi yakaro mushirongo sha ndundu muEfurayimu, nakughamba,'' Teghererenu kukwande,Jeroboyamuntani vaIsrael namuvantje! ⁵ kapi mwa yiva ashi Hompa karunga kwa tapa upangeli wauhompa wavaIsrael kwaNdafita ntani vamurudi rwendi naruntjemulikukwatakano lyamungwa? ⁶ Shimpe Jeroboyamumona Nebati, mukareli wa Saromo, mona Ndafita wamukafumu, shapuk anakuyarwanita nturaumbo yendi. ⁷ Vakafumu vanyanya,vakavita vaunyendi,ava kupongeke kukwendi. Ava yendi nakumurwanita Rehoboyamumona Saromo wamukafumu, apa Rehoboyamua kalire mwanuke a deghukire mumushima, ntani vavo vakalire nkondo unene kukwendi. ⁸ Makura anwe weno kuna kughayara kushwena uhompa waHompa oghu va turamumaghoko gharudi rwa Ndafita,mukonda shi,anwe vakavita vava yingi,ntani muna kara nantanayangorodoeyi a mu rughanena Jeroboyamu vakarunga venu. ⁹ Ene ngoli anwe kapi muna kutjida vapristeli vaHompa ,varudi rwaArona,ntani vaLevi, ntani kurenka ko vapristeli vanaumwenu yira mundjira yakukufanayira vantu vavirongo vyapeke? Kehe uno ana kurughano yira vmupristeli, kutapa ndjambo yantwedughonantani ndjwi ntambiri, uye a kara mupristeli wavi ashi kapishi vyakarunga. ¹⁰ Ene ngoli kwetuko atwe,Hompa karunga wetu, ntani atwe nakumushuva shi. Twa kara vapristeli,varudi rwaArona,vana kukarero Hompa karunga, ntanivarudi rwaLevi, ava vana karo muvirughan vyavo. ¹¹ Kehe ngura ngura nangurova vavo kushorera Hompa ndjmbo dakushwakererantani vidumba. vavo nka kuwapayika mboroto davitapa pashitafura shakukushuka; vavo nka kutweda ramba pavitenkeko vyado vyangorodo,vavo kushora kehen ngurova . Atwe kutikitamo dimiragho daHompa,karunga wetu, ene ngoli anwe muna mushuvu. ¹² Kenga, Karunga kumwe natwe ana kara padimutwe, ntani vapristeli vano namarumbendo ghavo mukutapa viyivito vyamuyoyo kukwe. Van vaIsrael, anwe kapi ngavi mu tompoka.'' ¹³ Ene ngoli Jeroboyamua wapayikire vakavita vava kundurukide kurukurwavo; vakavita vendi kwakalire kumeho yaJuda, ntani vakavita ava vakundurukida kunyima yavo. ¹⁴ Apa juda a kengire kuruku, kukenga, kurwana kwakalire kumaruha naghantje kumeho yavo ntani kuruku rwavo. Ava lilire kwa Hompa , ntani vapristeli ava fudu marumbendo . ¹⁵ Makura vakafumu vaJuda ava kughire; apa va kughire, apa ya shirugho apa Karunga a toghonine Jeroboyamu ntani vaIsrael navantje kumeho yaAbiya naJuda. ¹⁶ Vantu vaIsrael ava duka kumeho yaJuda, ntani Karunga ava tapa mulighoko lyaJuda. ¹⁷ Abiya ntani vakavita vendi avava dipagha nalidipagho lyalidona; vakafumu vaIsraelvahorowire 500 000 ava dohoroka. ¹⁸ Mundjira yino,vantu vaIsrael kwava pongayikire shirugho osho; Vantu vaJuda ava fundu mukonda shi va huguvalire paHompa,Karunga wavanyakulyavo. ¹⁹ Abiya a hepeke Jeroboyamu; uye a upu nkurumbara dakutunda kukwendi: Jeshana kumwe nadimukunda dado, ntani Efuroni nadimukunda dado. ²⁰ Jeroboyamukapi nka a kalire nankondo nka mushirongo shamayuva ghaAbiya; Hompa a mutoghona, ntani a dohoroka. ²¹ Ene ngoli Abiya a kara nkondo unene; a ghupu vakamali murongo navane vanaumwendi ntani vana uye akara sha wavana vavakafumu dimurongo mbiri navaviri ntani vana vavakamali murongo nantayimwe. ²² Virughana navintje vyaAbiya, ukaro wendi, ntani nkango kwa di tjanga mulihitori lyamuporofete Iddo.