Pasal 7
Wam Domba Kambing Warogo Palogo Nen Dosan Weak Meke Horogo Korogo Berkhelagukha
1
Hukum ji it akhuni dosa weak hagakhe lagukhe meke wam domba kambing warogo palogo nen dosa weak meke emenogo korogo korogo bisekhe lagukha. Wam domba kambing warogo palogo nen persembahkan kudus tegelogo bekhelagukha.
2
Wam domba kambing warogo nen palogo o akhuni rekma nen hetumo werago bekhelagukha, o etomala nen wam domba kambing warogo palogo nen it akhuni dosa weak inowa werek meke emenogo horogo karelogo bisekhe lagukha, nem wam domba kambing ameep emenogo o mezbah pelrogo owa emenogo aliluke ewetlak-ewetlak kisalogo bekhe lagukha.
3
Wam domba kambing warek palek emenogo amok apusu dipersembahkan hagarogo lagukha amok apusu emenogo inom nen amok apusu emenogo inom at wam etoma elawut owa dekelogo bino.
4
Nen Pere alilu ewetlake-ewetlake inom nen amok apusu owa dekelogo lano, watewe holokerek nen elautlake eta, etaiken agikhe inom at asokneai pisalogo bino ewe inom elawut winom amiok inom.
5
Etoma sabokhogon warogo biluk nen it imam nen o mezbah pelrago iti owa upuwagaa dukhogon biluk nen at Tuhan Allah hasik hetumo werago owasi hano meke at elokhoma liaekhe dogomo; wam domba kambing etoma warogo palogo nen dosa weak meke etoma waga oko palogo nen horogo korogo laisekhe dogono.
6
Wam domba kambing warogo palogo nen dosa weak hasik oko palogo nen owa harogo korogo bega meke etoma it api imam etoma nekedo goak; Etoma nuok iluk halok kudus tegelek ma etomala nen nekedodogoak, O kudus tegelekma etomala.
7
iti talakat wam domba kambing warogo palogo nen dosa weak etoma horogo korogo laisekhe dogono, iti talak at wwam domba kambing warogo palogo nen etoma waga oko palogo nen dosa weak meke etoma horogo korogo laisano; hukum agikhe wopakiat negen meke agikhe pere meke upuwaga werek wam domba kambing warogo palogo nen it imam nen dapuwaga werek: wam domba kambing warogo palogo nen it imam nen dapulogo bisekhe dogoak, dosa weak etoma horogo korogo bisekhe dogosak wam domba kambing etomaga.
8
It akhuni nen wam domba kambing warogo palogo biliogi etoma it imam nen mempersembahkan hagarogo bekhe dogoak, wam domba kambing oado karek etoma inom it imam nen di persembahkannya hargarogo bekhedogoak.
Wam Domba Kambing Warogo Palogo Nen Nawuralha Wulral Hasik Hagarogo Bisukha
9
Jimeke timeke dogosak meke etoma hulogo biluk nen etoma akla inom biluk nen werago bekhe dogoak, nen jimeke timeke etoma isasuok iluk halok o kuali owa isakhe wdogoak nen upuwaga biluk nen agaken erogo bekhedogoak nen it imam nen mepersembahkan hagarogo bekhe dogoak.
10
Jimeke timeke nekedogosak meke etoma hulogo biluk nen minyak owa isago biluk nnnnnen welrelogo biluk nen it elege at Harun aburi etoma sup usogo nen waganik loak, at agikhe wganhidek it inewe sabokhogon waganik lasak.
11
Jihukum nawulral hawulrak hasik wene palogo biluk, it akhuni nen dipersembahkan hahagorogo nen at Tuhan Allah wogokhe lagukha.
12
At nen mepersembahkannya ji biluk nen at Tuhan Allah heagi wasiginluk halok, hat nen mepersembahkannya roti hupulreken meke owa hulriagap dek meke minyak owa werago meke inom bino, roti hupulreken iti wtepung meke iniki nen awel dagak pagak hagarogo nen, minyak owa werago bino.
13
At nen persembahkan iti mempesembahkan roti hupulreken owa hulri agapdek meke iti inom buak, agikhe aliluke nen jimeke timeke agikhe hagarogo biluk nen at Tuhan Allah heagiwatluk nen agikhe jimeke timeke nawulral hawulral hasikha at Tuhan Allah heagiwatluk nen agikhe ji meke timeke nawulral hawulral hasikha garogo busak.
14
Nen at isi owa nen, jimeke timeke ato persembahkan etoma dipersembahkannya roti opakiat persembahan at Tuhan Allah alrigat hasik hagarogo bino. Persembahan iti it imam nen domba kambing meep meke nawulral hawulral hasik hagarogo buak.
15
Nen wam domba kambing ino palek etoma at
tuhan Allah heagi wasu hasik nen wam domba kambing warek palek etoma ato nawulra hawulral hasik etoma nuok iluk halok o wam domba kambing warek palek meke dipersembahkannya hagarogo bugun isiwaga nano. Hemulruk ato here dugusep hit nen nasi nasi motok o huwen hagatlasuak.
16
Wam domba kambing warek palek etoma dipersembahkan etoma an nen wam domba kambing warogo palogo biluk nen an hagasigin o iluk wene inane bogokhogon palogo biluk nen persembahkan iti dipersembahkan hagarogo bino nen wwam domba kambing gagikhe palogo nen an netaiken owa nen hagarogo bigin o iluk nen hetaiken owa nen hagarogo bino, iti nuok iluk haloko mepersembahkannya hagarogo bugun etnogo waga at nano agikhe daolek at hagal laga halok huwenke inom agikhe nano.
17
Meke wam domba kambing warek palek emenogo agikhe doalek at iniki henagan hasik inom at laga halok, it nen sabokhon hetumo werago bino.
18
Wam domba kambing warek palek nawulral awulral hasik mempersembahkannya hagarogo bega emenogo iniki henagan owa nasi motok halok, at Tuhan Allah nen akla abreken it inomwa bigidek at Tuhan Allah nen etoma dek o jawoka neke halok o an hasik iluk isikhe, eme nogo weak hulriagap hagatlagikhe nen it akhaeni nasukha meke emenogo iti inaweak etoma inowadopok dosa weak etoma horogo korogo bakhilik loak o iluk isikhe.
19
Wam domba kambing inopalek emenogo weak hulriagap hagatlagike, hit nukusep o iluk isikhe, etoma hetumo kolaisano hetuwukmoakmen o. It akhuni etoma sabokhogon inowe dosa weak hagorogo bega etoma horogo bega etoma horogo karelogo bega halok it wam domba kambing warek palek ino joma narogo karelogo bega halok it wam domba kambing warek palek ino joma nasak o ilu at Tuhan Allah nen isikhe.
20
Meke it akhuni etoma sabokhogon at wam domba kambing warek ino palek nawulral hasik at Tuhan Allah meke etoma at owado sa weak dogolik nen nilikogo halok it akhuni etoma inewe nalosugun akhuni it meke inom werek etoma inakla nen.
Wam Domba Inom Kambing Inom Amok Meep Etoma Neke Deogosak O Iluk Wene Palogo Bisukha
21
Nen it akhuni wene weak meke inowa hagat lagikha halok, nen wene weak meke iti elro akhuni inowa meke nen agikhe wam domba kambing lembu sapi owa meke nen agikhe walro agarowa higigilikiogo etoma owa meke it akhuni etoma inowa hagat lariogo weak meke iti, nen it akhuni etoma o weak meke iti inowa werek kolrek it wam domba kambing warek ino palek nawulral hawulral hasik at Tuhan Allah meke etoma niliago halokit akhuni iti inewe nalasugun it it akhuni it meke inom werek etoma inakla nen.
22
At Tuhan Allah nen at Musa jogokhikhe,
23
Hat nen it qakhuni Israel meke jogosisan: Nen wwam lembu amok inom, domba kambing kulok inom it nasak dek o iluk jogi wsano.
24
Wam okama meke wwarek meke amok inom walro okoma meke nen warogo bu meke inom hit nasak dek o meke hit walrok meke hagasuok iluk halok palogo nen hit walrok meke hagasusak, meke hit agikhe nen hinakla palok nukusep.
It Imam Meke Wam Domba Kambing Warogo Palogo Nen Nawulral Hawulral Hasik Hagarogo Bisukha
25
It akhuni sabokhogon at it nen wam domba kambing emenogo it nen at Tuhan Allah meke auak hagarogon nen mepersembahkan hagarogo nen hetumo werago nen bega, meke wit nen amok apusu emenogo it neka halok it akhuni neka meke emenogo it inewe emenogo, arat watlasugun o it akhuni it meke emenogo inakla nen.
26
It italak athit nen ji meke ti meke emenogo ame neke dogosak dek o hit hinaila dogolik nen, sue amep inom wam domba kambing lembu sapi etoma sebokhogon o mep neke dogosak dek o.
27
It akhuni sabokhon at wam domba kambing lembu sapi amep jugun at niliagi halok, at akhuni iti it inewe sabokhogon nalasugun akhuni it meke etoma inakla nen.
28
At Tuhan Allah nen at Musa iti gisogon jogokhikhe,
29
"Hat 1nen it akhuni Israel meke jogisan, it akhuni Israel meke nen wam damba kambing warogo palogo nen mempersembahkan nawulral hawulral hasik at Tuhan Allah owa wolok wagadogoak, it nen wam domba kambing warogo palogo nen nawulral hawulral hasik at Tuhan Allah owa wolok wagadogoak persembahannya hagarogo biluk nen.
30
Wam domba kambing warogo palogo hrtumo warogo biluk nen hit hinikimo hinalrik at hinikimo wolok wolok st Tuhan Allah owawe lok wetmo; at amok apusu inom athe, hit nen amioak inom at iniki apuwaga owadukhogon biluk nen persembahan upuwaga dukhogon persembahan dukhogon biluk nen at Tuhan Allah elokhoma wolok wetno.
31
It imam nen amok apusu etoma o mezbah pelrogoma itila biluk nen werago buak, meke amioakha at Harun hasik inom nen at Harun aburi hasik inom bino.
32
Alrisu aweleken kananke itike hit nen it imam wagisano aburi gat persembahan wam domba kambing warek palek etoma inom nawulral hawulral hasik bino.
33
At Garun aburi sa nen wam domba kambing warek palek meke inom meep inom nen amok apusu inom mempersembahkan nawulral hawulral hasik bekhe halok, at iti wam domba kambing alrisu aweleken kana kemeke iti at iti meke.
34
Nen wam aiaoak iti inom alrisu iti inom atiki upuwaga owadukhogon biluk nen persembahan buak nen alrisu iti alrigat an waganigin it akhuni Israel meke nen wam domba kambing nawulrak hawulral hasik bega meke iti an nen at inom Harun wogosigin nen at imam Harun aburi inom wogisagin; iti at Tuhan Allah nen hagarogo bisikhe ikhok motok hagarek dogoak iluk hagarogo bisikhe.
35
Etoma at Harun hasikdok nen at Harun aburi inowasikdok wam domba kambing warogo palogo nen hetumo werogo nen at Tuhan Allah hasik bisukhama nen it inewe jogisasukha hit witni jabatan inom ji waganuaik nen at Tuhan Allah hasik.
36
Etoma sabokhogon it winomlak wogisasukha at Tuhan Allah nen it akhuni Israel meke jogisasikhemo nen it inewe tegelinakhukha; nen wene iti at Tuhan Allah nen palogo motok bisikhe it akhuni Israel meke wene palek iti it inaburi itaklago helalago inikimo molok serogo dogoak iluk.
37
Iti hukum wam domba kambing warogo palogo nen hetumo werago bekhe dogosak hagarogo bisikhe at Tuhan Allah nen, iti wam domba kambing warogo palogo biluk nen hetumo werago biluk neke dogosak hasik hagarogi bisikhe, nen agikhe ji it nen wam domba kambing warogo palogo nen dosa weak meke harogo korogo bekhe dogoak iluk hagarogo nen wene palogo bisukha nen agikhe ji wam domba kambing warogo palogo nen wenewene dosa weak meke inowa werek meke oko palogo bekhe dogoak iluk hagarogo palogo bisukha nen agikhe wam domba kambing warogo palogo nen wene nawulrak hawulrak jiwadapukhpgpn hogorogo bisukha.
38
At Tuhan allah nen at musa wwene owa bisikhe tom Sinai etnogo owa upuwaga nen o etnogo waga at Tuhan Allah meke ma at nen it akhuni Istrael meke emenogo wene inowa bidsikhe mempersembahkan persembahan at Tuhan Allah meke bekhe dogosak hasik o limo to Sinai iti upuwaga etomala nen at Tuhan Allah nen at Musa jogokhikhe.