Pasal 5
1
It akhuni nen dosa weak hagakhahalok, it akhuni ato inom dosa weak hagarik liliogiluk at asuk holhehalok, at inom lasak saksi nen at iliken bekhalok nen at ilu asuak nen, meke at at alrigat nen wene hilinerogon jogosau ait halok, at meke aweak at alri gat nen aweak karelasak.
2
It akhuni ato wene weak meke ini owa hagatlaga halok, inewe inolroka at luk nen weagaharek walro helo okama meke owa hulri agap dawulik etnogo tatak, ant weak hagakhi illuk halok, at weak at hulri agapat dawulik dogogin.
3
Nen at owa weak hulriagap akhuni inowa meke at owa hagat laga halok, weak hulriagap iti ja nen ta nen at owa wago motok dogogin, at nen an nowa hagatlariogo ya nenaluk agat lari ogo iluk akha ewekhi dek nen ileken bikhigidek hagari ogo halok, meke jawokane dogolik-dogolik at ilu asigin, meke at weak asigin.
4
It akhuni ato nen nit weak hagakho iluk inane kulri palogo nen nit weak hagakho iluk igidek hagakha halok it inapema nen agikhe weak meke dukhisigin nen agikhe hano meke dukhisigin, hi nen nit weak hagakho iluk hinone bogokhogon palogo bugun meke hit hinane dapukhogon palogo bugun iti hanorogon hagat laga dogogin dek, hit nen nit weak kggat hagakhogo iluk egep dek halok, meke jawaka meke at an wahagakhi iluk iluasigin, hit nen nit weak hagakho iluk hinane bogo khogon palogo bugun meke hit hinane dapukhogon palogo bugun iti hanorogon hagat lG gogogin dek, hit nen nit weak kogat hagakhogo iluk egep dek halok, meke jawokkameke an wak hagakhi iluk iluasigin, nen at weak opaki at hagakhe iti anek.
5
At nen weak meke agikhe hagakhe halok, at nen dosa weak hogakhe etnogo at ekarek nen an dosa weak hagakhi o iluk at ekagarek nen bualogo buak.
6
Nen at nen nopase Tuhan Allah an dosa weak hagakhio iluk at non wam domba hobri agikhe inom, wam kambing hilri agikhe inom mepersembahkan hagorogo nen at Tuhan Allah elokhoma liaino o kopalogo an dosa weak hagakhi o iluk, wam domba kambing etoma dosa weak etoma lologo horogo dek asuak nen iluk it imam nen it akhini dosa weak hagakha meke etoma it nen dapulogo bisoak.
7
Meke at nen wam domba kambing etoma dosa wweak hasik hulogo busak owatne dek halok, at nen an dosa weak hagakhi o iluk dosa weak iti oko palogo biluk nen, sue merpati pere meke mepersembahkan hagarogo nen at Tuhan Allah elokhoma liaino, agikhe dosa weak etoma hogakhi iluk dosa weak etoma owa horogo sowalogo liaino nen ikhe warogo nen hetulno werago bino.
8
Etoma at nen wolok it imam iowa wolok wisuak, nen it imam nen sue etoma it nen alowagik warogo dosa weak etoma hasik mepersembahkan harogo liauak dosa weak meke etoma lologo horogo harogo buak nen. Nen at hakhega hako ukuloak palogo launogo, iti at asok ne at pisalogo bino.
9
At sue iti warogo nen meep hemulruk at waganiluk nen dosa weak meke etoma horogo degerogo bino, nen meep ato o mezbah pelrogo iti waga alilike dawulogo bilik lano. Meke meep apik at halot hit hiniki nen peselogo waganiluk nen o mezbah pelrogo iti aweleken wemawagake dawulogo bilik lano. Sue warogo ne dosa weak meke horogo hotnelogo begarek itigisogon.
10
Nen, apalrik pere meke palogo nen hetumo werago nen bino, aturan agarogo begarekma welagarek owa hagarogo bino. Itigisogon hagarogo biluk nen it imam nen at akhuni dosa hagakhe meke iti at ewe dapulogo bino at nen dosa weak hagakhesikmo at meke dosa weak meke iti horogo nen degerogo bino.
11
Meke at nen sue tekukur iti pere inom sue merpati iti eagi pere inom at tulogo nen nalohorogo bisau owatne dek halok, at nen persembahan negen 1/10 o efa tepung iti waga minyka up uwaga dukhogon bugusep nen ji meke ti meke eloma inom ikan inom eloma sabokhogon owa upuwaga dukhon buguse etoma warogo waganogo nen dosa weak meke etoma horogo korogo hagarogo buak.
Dosa Weak Meke Hagat Luk Halok Wam Domba Warogo Nen Nosa Weak Meke Iti Horogo Korogo Bekhe Dogono
12
Etoma hit nen wolok it imam inowa wolok lano nen iti imamnen at iti waga werekma waganuak nen doalekhakat ikimo waganiluk nen at akla eworek dogoak nen; o efa tepung etoma hulogo bino o dosa weak etoma horogo buak ne.
13
At ap iti at dosa weak meke owa werak'ma nen it imam nen at iti dapulogo buak wene opakiat werek iti, at iti dosa weak meke hagokhen iluk iti abua hagarogo nen bino at wene hano meke iti hago dogoak nen. Iti imam nen at iti itisogon hagarogo bino, hipiri nasak meke isago begarek etnogo talak.
14
At Tuhan Allah nen at Musa jogokhikhe.
15
It akhuni ato nen it inerawut hanorogon io iluk dogosak nen it nen dosa weak hagasusak dek o, iluk iniluat dogolik nen dosa weak meke hagakkha halok it nen ji meke agikhe kudus tegelek meke agikhe at Tuhan Allah hasik diprsembahkan hagarogo bino, at wnen wam doma kulok oppakiat meke owa agalumo palendek wam kambing domba etoma waga dosa weak etoma oko paologo nen owa horogo korogo bino kambing inom domba inom, ji oko hagarek welagarek owa uang logoam kut iti waga hagarogo bigik, nen kudus tegelek iti at owa dogoak nen.
16
It akhuni iti it dosa weak meke hagasusak dek o iluk inilu at meke it weak dosa hagakhukha waga wene kudus tegelek etnogo weak agikhesikmo it akhuni iti nen oko busak it nen nit alep hak weagarogo bogosik nen jawoka ne hanorogon hagarogo bigidek hagakhosikmo iluk, it nen weakkhakham meke oko bega meke etoma iti imam lak wogisano. It imam ne wam domba kulok iti warogo palogo nen it akhuni dosa weak hagakha meke iti dapulogo bisalok nen it weak dosa hagakha meke etoma haro bino, nenat hano meke iti owa hagarogo bino at nen hano meke iti hago dogoak nen.
17
At Tuhan Allah nen hit ji akhuni ti akhuni hit nen weak hagasusak dek o iluk ekhe meke inilu at dogolik nen it inokodek-inokodek dosa nen himago-himago it ato jogo sigidek hagorigi halok, dosa weak meke iti hago susak dek o iluk at ilu at hagakhe halok at aweak dosa iti at ekarek owolropok.
18
At nen wam domba kulok opakiat meke owa agolumo palekdek meke it imam inowa wolok wisuak kambing domba etoma, arat ineleken bekhe ga meke etoma, it nen warogo nen palogo nen an dosa weak hagakhi o iluk umo nen it nen dosa weak iti horogo buak nen. It imam ne at dosa weak hagakhe meke iti dapulogo hagarogo biluk nen at iti at dosa weak hagakhe iti an dosa weak meke iti an hagasigin iluk iludek hagakhesikmo nen at nen it ato jogosigidek hagakhesikmo, iti nen at dosa weak hagakhe meke iti hanorogon haganogo bumo nen at nen hano meke iti inom dogoak nen.
19
Dosa weak hagatlukmo nen wam domba kambing warogo palogo nen dosa weak meke etoma horogo buak; at iti nen dosa weak etama at Tuhan Allah elokhoma kogat hagakhe lagasik mo."