¹ At Tuhan Allah nen at Musa jogokhikhe, ² "Hat nen it akhuni Israel meke jogisano nen it jogisalan: 'An newe Tuhan Allahmu hit meke hit hinopase. ³ Hit nen it akhuni ato o agat Mesir owa dogolik hagakhe lagakha etnogo sogon hagakhuksep palep at hit welagigip mo emenogola, hit dogowak iluk it welagukha talak dogosak dek. ⁴ Hit nen hagasuok iluk halok dogowok iluk halok an nen sabokhogon igi meke etoma waga dogono; an newe Tuhan Allah mu, hit hinopase. ⁵ An nen hit wene werogon at meke jokhisekhe lagi an nen wene hagarek welarlarek owa meke jokhisigi joma hit nen hinikimo abet hogon serogo serogo dogono. It akhuni ato nen wene ji inikimo ab et hogon hagodolik harik lagadogoak, hit hano dogogun wene hano meke harek jiwaga nen; an newe Tuhan Allah. ⁶ It akhuni hit hinom dogogun etoma nen inom hano agikhe nege dogolik nen weak meke inom hagasusak dek nen inom horogo at hunikdogolik nen at meke kemaluan iki hakhasak dek at; newe Tuhan Allah. ⁷ Hat nen hopase age meke, hat hagosa meke hinom noge usak dek, he iti hat hopeseage; at he iti hagosa, hat nen it akhuni ap erek inougi inom weak hagasusak dek. ⁸ Hat hopase hait lakhalok nen at age mek hat hinom hagasusa dek, at he iti hat hopase age meke. ⁹ He hat heru meke hinom param hagasusak dek, he hat hopase abut meke inom hat hagosa eak meke inom, hat hopase kogokhe meke inom' nen o hinom opakimo hinom welagep meke inom, hat hinom param haga suak dek. ¹⁰ Nen hat habut elege inom habut holrak inom it param weak meke hagasuksak dek, it nen param weak meke etoma hagarik lagadogogun halok it meke inaburi meke it ago etoma it inewe weak akla dogolik nen it inewe weak akla nen wikhalarik lugun. ¹¹ Hat haburi nen it ap aperek inaburi meke inom nen it humi aperek welrak meke ineagi inom param weak meke hagasusak dek, it homabruk iti inewe hit meke hinerugi. ¹² Hat nen hat hopase he eri etbogo hat nen param weak meke hat hinom hagasusak dek, at he iti hat hopase agot opolrik meke ma. ¹³ Hat nen hat hagosa agot holrak iti hat himom param weak meke hat hino hagasusak dek, at iti hat hagosa agot opolrik meke ma. ¹⁴ Hat nen hat hopase agalrak age hat hinom param weak meke hagasusak dek, at he iti hat hopase agalrak age meke ma. ¹⁵ Hat nen hat hagalrak age meke hat hinom param weak meke hagasusak dek, at iti hat habut age meke ma, elro itigisogon ma hat hat nen he iti hat hinom param weak meke hagakhulek. ¹⁶ Hat nen hat hagalrak ap agikhe age meke hat hinom parom weak meke hagasusak dek, at he hat hagalrak age iti ite at hat ap agalrak iti at age ite meke. ¹⁷ Hat nen he iti inom nen he iti eak iti inom hat nen param weak meke iti hagasusak dek, it inewe iti he hak hat heru nen at he iti eak holrak iti hat habut. ¹⁸ Hat nen hat hagalrak age iti hat nen wagabnusak elro dek hat hage iluk werek alrek. ¹⁹ Hat nen holrak iti ameep wagakoklrek hat hinom param weak meke hagasusak dek, hat nen param weak meke hagasigin etoma weak iti owa dekelek motok dogogin. ²⁰ Hat nen hagalrek inaugi param weak meke hagarinakhum, nen hat inom he iti inom hit hinewe pere iti weak meke etoma hinowa dekele dogogin. ²¹ Hat nen hat haburi etoma mempersembahkan hagarogo nen motok weak meke hogorak harek meke iti wogosusak dek, hat nen o motok weak meke iti owa hat meke persembahan owa biluk nen at hogorakhen halok at Tuhan Allah etaga weagarogo bigin; at Tuhan Allah hit hinopase at he. ²² It apa-ap hagat-hagat usak elrodek it ap humi inom param weak meke hagakharek etnogo talak, itisogon hagakha halok weak meke etoma inowa dekeariogo. ²³ Hat nen jiwalro tiwalro etoma an nage iluk waganudek, hat hat nen walro etoma an nage iluk wagan hen halok hat dok walro iti dok hit hinowa weak meke iti dekelasigin. ²⁴ Hat hekarek nen weak meke etoma hat hekagarek nen hathowa dekelogo bakhasak dek, it akhuni etoma sabokhogon weak meke etoma an nelalokhoma it inowa dekelogo bakhiliogi halok an it inewe sabokhogon degerogo bisagin. ²⁵ It werrekma negeri etoma weak meke owa dekelasigin nen it weak meke apik hagariogi etoma ako an nen it inasigin, it o werekma negeri itila an nen mukhogo wulaisagin penduduknya it inewe iti. ²⁶ Meke hit akhuni hinewe ji an nen wene hano meke hagarogo bisigi keke joma hit hinikimo ab et hogon senogo dogono nen hano hagarek walgarek owa meke inom nen hi nen weak meke inowa delagarek meke hit nen hagasusak dek motok, hit akhuni Israel asli meke werekma inakla tubumo hogolkelrekma welagep inom. ²⁷ Jimeke timeke weak meke etoma hagakhe lagukha alep agik ha hit o negari esomala hit awan ukilagidek kolrek anekhe? Jimeke timeke weak meke etoma weagikhe, meke jogotakne joma waga hak onegeri itila weak meke etoma dekelek werek. ²⁸ Hit weak meke etoma hit hinowa dekelek dogosak dek hit o negeri welagepma itila hit mukhogo wulainagisu nogo, hit nen weak meke iti hit nen hinowa dekelogo bekhe dogogun halok, it akhuni bangsa alep agik we lagukha meke it mukhogo wulaisagikhe iti talak hit igigisogon at mukhogo wu lainagasigin. ²⁹ It akhuni aperek sabokhogon itigisogon at weak meke etoma hagarik liliogi halok, it akhuni itigisogon at weak meke etoma hagarik liliogi halok, it akhuni itigisogon hagarikogi meke iti it inewe degerogo bisagin it akhuni bangsa werek iti tulrumo inakla kelrekma etomala nen. ³⁰ Itigisogon ma nen wene ji akin werek meke hit hinowa werek ma hit nen hinikimo abet werekhogon serogo dogono hit an nelokhomake dogono, nen hit wene weak meke it akhuni ato hagariogi etoma hit nen hagasusak dek, hit nen weak meke etoma sabokhogon hit hinowa dekelogo bakhasak dek; an newe Tuhan Allah hit hinopase.