1
At Tuhan Allah nen at Musa yogokhikhe:
2
"It akhuni inowa u kusta wagalaga iti hukuman at inowa at inowa wagalaga meke u kusta iti dek asusak owa halok: it akhuni u kusta inowa werek etoma it wogisik it imam inowa lano.
3
It imam emenogo it uma nen dukiluk nen it akhuni u kusta inowa werek meke emenogo inowa wogisik lano; nen it imam emenogo nen u kusta ewe penatluk nen, u penyakit kusta iti arat dek aga o iluk ugu it akhuni etoma inowa.
4
Nen itibimam nen wene wulakhukha, it akhuni u inowa degenogo bisogo meke etoma it nen sue pere meke owa hano meke iluk meke inom, o arat inom, su kain kirmizi inom, nen hisop inom wolok wisuak isukha.
5
It imam nen wene agikhe wulakhukha at hit sue opakiat palogo nen belanga agat meke hagarek iti waga i alrolro liliogo etoma inom henago nen inom akla ukhalrogo bino.
6
Meke sue etnogo iluk waganiluk nen o arat etnogo inom waganino, kain kirmizi inom nen hisopinom, nen sue etnogo inom sabokhogon sue etnogo warogo nen amep emenogo owadawulogo nen ialrelro liliogo etnogo la meke inom henago nen inom akla ukhalrogo bino.
7
At etnogo owa tujuh kali horogo biluk nen u kusta etnogo owa horogo bino nen iti isogon hagarogo biluk nen at owa horogo bino, nen sue etnogo iluk heredisano at okama esoma loak nen.
8
At akhuni u owa dke aga meke iti at su ugu welaga meke etoma sowalogo buak nen isi sabokhogon palusak nen at owa ima sowaluk at owa hano sowalek hagat lasuak nen etoma sabokhogon arat owa etoma karelogo biluk nen at uma aila ukusak meke at uma ukigidek sikman haga o tujuh hari dogosak.
9
Nen o hari ketujuh etnogo waga at isi etoma sabokhogon sowalusak: iti ukuloakma etoma, opare etoma, ilaga etoma nen omosi etoma sabokhogon palusak, su ugu welaga meke etoma sowalogo busak, nen at owa ima sowalogo busak; at owa etoma hano meke hagat lasuak nen.
10
O hari ke delapan iti waga at iti at nen wam domba kulok tek pere waganuak owa agalumo paledek meke nen wam domba halri umur tahun opakiat meke owa agalumo paledek meke agikhe inom nen tepung henagan owa hano sowalek meke minyak owa werago meke inewe nasak hasik dipersembahkan hagarogo bino, nen ohali etaga gelondong iti waganiyak owa inom worago bino.
11
It imam nen at owa hanorogon hanorogon haganogo nen o hanorogon welagakharekma etomala jimeke timeke persembahkan hagarek meke etoma inom at Tuhan Allah etaga kogokharekma etoma elokhoma bino.
12
At nen wam domba kulok agkhe opakiat meke waganiluk ewe okopalogo nen mempersembahkan hagarogo biluk nen minyka opakiat meke inom bino, at nen iki upu waga owa dukhogo biluk nen mepersembahkan sebagai persembahan at Tuhan Allah elokhoma bino.
13
Wam domba kulok iti opalharekma esoma nen palogo nen inowa dosa weak meke horogo nen warogo werago, tegelek kudus etomala bino, wam domba iti warogo palogo nen dosa weak etoma horogo bino, itigisogon at wam domba warogo palogo nen weak dosa nen dosa weak meke etoma horogo bino, itigisogon at wam domba warogo palogo weak dosa etoma owa horogo bino, etoma it imam meke it hasik harogo bino; etoma sabokhogon nit weak dosa hagokho iluk hasik inom nen, weak dosa etoma inowa horogo bisalok nen inewe kudus tegelo bisano.
14
It imam nen meep hemulruk at agikhe waganusak it akhuni weak dosa meke oko palogo bisega meke etoma waga nen jimeke timeke agikhe busak dek meke agikhe inom busak inasuk oakdekma etoma alainasuk aweleken eweke at akhuni weak dosa meke owa horogo bugun iti nen iki isa eweke inom nen isok isa eweke inom owa horogo bino.
15
It imam nen minyak hemulruk at owa walhalok nen at imam ekagarek iki ago wemawagake aweken paike tisalogo usaikhe at imam alrigat nen.
16
At ekagarek nen iki ekaka sabokhogon iki weke meke minyak hemulru at akla usaigik nen iki paike owa aweleken wema wagake tisalogo usaigik hagakhike nen minyak iti hemulruk at waganiluk nen at iki paike tujuh usakhikhe at Tuhan Allah elokhoma.
17
At imam nen minyak agikhe inom waganikhe owalrek meke agikhe inom waganikluk nen asuk oak kemake awaleken eweke itike usaikhe at akhuni etnogo owa, iki isa eweke inom nen isok isa eweke inom, meep oko palek meke etoma waga o werek meke agikhe isa eweke inom nen isok isa eweke inom, meep oko palek meke etoma waga o erlrek meke agikhe inom owa usaino.
18
Nen minyka iti agikhe inom hagatlaga halok at akhuni iti ukuloakma tisalogo usaino at owa weak meke etoma hotlasuak nen. Itigisogon hagarogo biluk nen it imam nen at akhuni iti at Tuhan Allah elokhoma dapulogo bisukha.
19
It imam nen wam domba warogo nen weak dosa etoma horogo biluk nen mepersembahkan hagarogo bino itigisogon hagarogo biluk nen at akhuni iti dapulogo bisalok nen it weak meke inowa dawulik werek etoma inowa horogo nen hatumo werago buak.
20
Itigisogon hagarogo biluk nen it iman nen wam domba warago palogo nen hetumo warogo biluk nen mepersembahkan hagarogo bino nen wam domba warogo palogo nen o mezbah pelragoma upuwaga dukhagon biluk nen hetumo werago nen nano itigi sogon hagarogo biluk nen it iman nen it alkhuni iti dapulogo bisa mo nen, it u inowa iti dek asuak nen.
21
Meke it akhuni iti inameke jimeke timeke dek meke nen inowat dek meke, at nen wam domba hulok apakiat meke an weak dosa hagakhi iluk nen persembahkan etnogo wagaiki owa upuwaga dukhogon biluk nen, at akhuni iti dapulogo bino, nen persembahan agikhe satu kilo tepung hano meke minyak owa werago nen nasak meke hagarogo bino nen agikhe opakiat minyak tiga liter meke inom.
22
Nen agikhe sue etaga terkukur iti pere inom agikhe sue merpati pere inom mengikhe an nowatne waga hagasik iluk hagatno, apakiat halok weak dosa ji horogo buak iluk hagarogo bino nen opakiat agkhe warogo nen hetumo werago bino.
23
O hari ke delapan etnogo waga at nen etoma sabokhogon walok it imam inowa wolok laok, nen it imam nen etoma owa horogo nen wolok holaga pema at Tuhan Allah etaga kogokhorekma etomala at Tuhan Allah elokhoma biloak.
24
It imam nen domba eak agikhe waganiluk nen it weakkla lagakha meke oko biluk nen minyak apakiata satu liter it imam iniki owa dukhogon biluk nen it imam nen persembahan mempersembahkan Tuhan elokhoma bino.
25
At nen domba iti warogo palogo nen weak dosa etoma oko palogo biluk it imam nen wam domba warek palek weak dosa oko palek meke o meep hemeelrukkat. Waganiluk nen at akhuni iti asuk sweke oak dek make iti inom nen iki isa eweke meke inom nen isak isa eweke inom wam domba warek iti ameep dawulogo bino.
26
It imam inekagarek iniki agot wemawagake aweleken paike iti owa tisalogo dawulogo bakhoak.
27
Nen minyka iti hemulruk at waganiluk nen it imam inekagarek nen iniki ekaka eweke tujuha kali owa dawulogo bakhilik loak.
28
Nen minyka iti hemulruk at waganiluk nen it imam inekagorek nen minyak iti hemulruk at waganiluk nen at akhuni iti at owa weak meke dekelek welagasikmo osuk oweleken eweke oak dekmake itike owa horogo bino, nen iki isa eweke inom nen isok isa eweke inom, meep iti it akhuni weak meke inowa werek meke werek iti oko palogo bisalok nen inowa horogo bisano.
29
Nen minyak iti agikhe inom werek halok it akhuni weak meke welagakha meke iti it inowa horog bisano, nen it akhuni iti dapulogo bisano at Tuhan Allah elokoma.
30
Iti nen at iti nen sue etaga terkukur pere inom nen merpati agikhe inom, mepersembahkan hagarogo bino, it akhuni iti nen mepersembahkan hagarogo buak iluk halok it nen busak inak apega waga meke hagarogo buak.
31
Agikhe apakiat meke warogo nen weak dosa etoma horogo bino, nen agikhe apakiat warogo nen hetumo werago bino, agkhe aliluke warogo nen weak dosa ayakhe meke dapulogo biluk nen at Tuhan Allah elokhoma bino.
32
Ji hukum it akhuni u etaga kusta ji hagat hagatlogama nen it akhuni uji inowa werek meke degorogo bisano nen oko busak inowatne dek meke hasik hagarogo bisukha."
33
At Tuhan Allah nen at Musa inom at Harun inom jogisasikkhe:
34
"Hit oagat kanaan owa ukilano an mn wokhisigima itila hite asuaki nen iluk nen an nenu u kusta iti nilekelrogo nen umake hinaiklake hinasokhote dopok hinailake laisigin etnogo o ohi ite asugunmo etomala,
35
Nen it akhuni o etomala ite asugun meke etoma it nen it imam lak jogisasuak: it nen it imam lak jogisawok iluk halok it nen uma nire-rekma i kusta etnogo elokhoken werek hakene o iluk it jogisalano.
36
It imam nen hit o welagepma etomala here disalok nen welrek make dukhilani o iluk jokhisoak nen, at nen u kusta iti penasigiluk awan wagidek werek kolrek, jimeke timeke ino akhuni inom it uma itila wek meke it u kusta iti inowa hagat latluk nen it inowa weak meke dekela sunogo, nen etoma arat hagatlaga halok it imam witluk nen penasisuak.
37
O halekma etomala aliluke u iti it penakharek meke nen penakhukha meke u iti o umake hebeleake etoma apik motok welagikhemo ineleken penakhukha u ewe owa oka kereka hakene hasukha at men owa meep dawulekha kene hasukha at, ineleke penakhukha meke u etnogo akman hagat welagikhe o uma etnogola alikluke hebetlake.
38
it imam etomala dogosak dek it dukhuak, it dukhilalok nen metek uma itila holaga pema dgoak, nen ouma itila su larek tujuh hari dogoak.
39
O hari ke tujuh etnogo waga it imam inopoke wisuak; u kusta iti peakhukha meke u iti uma o hebet owa dekelek kogot wikhalagikhemo ineleken hasukha.
40
It imam nen wene wulakhukha helekit o heraga owadukhogon lagawek welaga meke hilri agama etoma u iti owa hagt lagama nen o etomapo laisalok nen o kota agikhela u owa dekeledekma meke lano.
41
Nen at nen o helra helekit meke lagawekma o helraga owa dukhogon lagawek meke hilri agama uma itila aweleken akman hagake aweleken dagak-dagak owa dawularik lagama, nen owa dawulaga meke plester dekelogo nen helekit etoma sabokhogon powulaisano welrekmake etoma o owa weak meke dawulik werekma itila nen.
42
Nen it akhuni etoma nen helekit ato aperek waganiloak, nen helekit aperek etoma owalikmo dekelogo bilik lano helekit jogotakne meke, nen pelester aperek waganiluk nen o uma etoma dekelogo buak.
43
Nen u iti apoke ouma itila winam aga halok, helekit etoma bua logo lailuk nen o uma iti plestter dekelogo bino, arat hagarogobiluk nen apoke owa dekelogo bino.
44
Nen it imam witluk nen u iti bekhega meke u iti o uma itila kogot wikha lagama, nen u kusta etnogo o uma itila werek hukun. Nen ouma etnogola owa weak meke dekelasigin.
45
O uma iti misalino, helekit helraga lagawek etoma etoma inom nen o etoma inom nen etoma inom nen pelester o uma owa dekelek meke inom, etoma sabokhogon wolok dukilano o kota itila nen wolok oweak meke werekma itila.
46
O uma itila akla it akhuni ukuak iluk meke o uma itilah su larek molok welagikhe, nen o uma itila etnogo owa weak meak meke owa dekelek motok omulikin dukhi agikhe.
47
It akhuni o uma itila noge uok iluk halok it su ugu meke etoma sowalogo biluk nen noge ekhedogo ak; iti talak at it akhuni o uma itila akla ukiluk nen hipiri nuoka iluk halok it su ugu werek meke etoma sowalogo buak.
48
Meke it imam witluk nen u iti penasugun meke u iti o uma itila kogat wikhalasigin motok dek, arat owa dekelatluk nen, it imam nen o uma irila arat weak meke owa dekelek werek eme nogo owa arat horogo dek agama o iluk ugun. U o uma itila owa dekelek welaga meke nalaga iti nen.
49
Etnogo nen, o uma etnogola weak meke owa dekelek welagikhe emenogo horogo bisukha, at akhuni etnogo nen sue pere inom, okyu aras inom, su kain kirmizi inom nen hisop inop wago nen sue pere inom, su kain kirmizi inom nen hisop in op waganikhe.
50
Sue opakiat warogo nen palogo upwaga belanga agat meke hagarek etomago waga belanga agat meke hagarek etnogo waga upuwaga i akla ukahalrogo nen i alrero liliogo ma etnogo bino.
51
At akhuni iti nen o kayu aras inom nen bisop inom nen hisop pinom, kain kirmizi inom nen sue iluk werek iti inom, nen sue werek palek etoma sabokhogon biluk bino, nen o uma iti owa tujuh kali dawulogo bino.
52
it akhuni iti nen o uma etomala itigisogon hagarogo biluk nen sue etoma ameep owa o uma etoma owa orogo buka, i alrelro liliogo etoma inom, sue etoma ilukeke inom, okoyu aras inom, hisop inom, nen kain kirmizi inom.
53
Sue iluk iti po heredino at o kota etoma nen okama limo etomala laok nen. Itigisogon hagarogo biluk nen it imam nen o uma itila dapulogo buak nen o uma iti weak meke etoma owa harek dogoak nen.
54
Hukum upenyakit kusta, silra pilrak inukuloakma welagarek mekeewe etoma,
55
U kusta ugumo inowa welagarek meke inom nen o uma owa dekelek welagarek meke inom ewe etoma
56
Nen u inowa hikherek meke inom, u inoado owa kit hagatlarek meke inom nen inoado nen inoado waga panu hagatlagarek meke inom ewe etoma.
57
U inowa weak meke dekelagarek meke jogisegarek jigisogon nen inowa hotlatluk nen dek agarek meke inom, etoma sobokhogon hukum ewe etoma.