1 At Tuhan Allah nen at Musa wene itigisogon jogokhikhe: 2 "Hat it akhuni Istrael meke jogisan: 'At he etnogo eak elege ket itakhe halok he etnogo at tujuh hari negen at owaharedek dogosak. At alep hak elege itakhidek elawutla werekolrek kain dakulik welaga talak kain iti at he iti owa ugu dekelek welagasikmo kain owa weak hulriagap werek. O hari ke delapan etnogo waga elege ket itago etnogo oado palogo bino. 4 He etnogo o esanogo waga dogoluk nen o iki tiga puluh tiga hari o elanogo hagat lagakolrek at owa sowaluksak owa serogo wealgikhe at elege itakhikhe meep weak meke elege itakhikhe meke emenogo horogo lausak owa, jimeke timeke weak meke etoma owa hagat lasu etnaga iluk hano kudus tegelek meke nen at iti ato hanoma kudus tegelekma etoma alukusakdek, at huk at werekma-werekma o at owa meep weak meke emenogo hosusak owa hagatlasuak. 5 At he etnogo nen eak holroak it ekhe halok, at he etnogo at owa weak meke meep emenogo dua minggu wesa pere waga meep weak meke etoma horedek dogogin, at he iti alep hak elege iti awan itaklagi dek kolrek kain dakulik welaga talak; o ilugun owa meep weak meke emenogo hosusak owa serogo welagikhe meep elege itakhe dogolik usagikhe meke emenogo horogo busak owa. 6 O meep emenogo hosusak awan hagat lagidek kolrek serogo dogolik elege itago emenogo elege inom homalrugi inom it inewe itago wogisik wam domba opakiat umur satu tahun opakiat meke warogo palogo werago nen inom sue eak merpati opakiat meke inom nen sue terkukur inom warogo palogo nen dosa weak meke horogo nen o Tuhan Allah ane jakulharekma sukhamsu holaga pema esamala bilalok nen, it imam lak wogisano. 7 It imam nen mrprtsembahkan hagarogo biluk nen at Tuhan Allah elokhoma buak nen he etnogo at dapulogo bino. Nen he etnogo at nen elege itakhemo ke etomla meep powa dawulik werek etoma owa horogo bino. Etoma hukum elege ket ita isalok inom homalrugi ket itaisalok inom hukum iti hagarogo bisuka. 8 Meke at sanen wam kambing inom domba inom hulogo busak owatne dek halok, at nen sue tekukur pere inom waganhik nen sue merpati eagi pere meke waganhik hatno, nen wam domba kambing inom sue terkukur merpati emenogo opakitek owa horogo bino, nen it imam emenogo nen it humi emenogo dapulogo bisasukha, nen it humi emenogo inowa weak emenogo horogo hanorogo hagarogo bisasukha."