¹ At Tuhan Allah nen at Musa inom Harun inom jogosikhe, hit wene an nen jokhisigi joma, ² Hit nen it akhuni Israel meke jogisano, hit nen jogisawuok iluk halok jigisogon jogogisano: 'Hit nen jiwalro tiwalro iki isok pere nen pere werek meke etama hit nano oagat joma waga werek meke etoma: ³ Jiwalro tiwalro isok abil pere bagalek etoma, nen isoka biluatek etoma, nen etoma sabokhogon etoma hano hit nasak. ⁴ Meke walroisok abit pere kagalek meke hit masak dek khak weak meke ha ji isokab it pere kagaledek; Iti weak hit nasakdek. ⁵ Nen walro hit nasak dek meke etaga ji pelanduk, jiweak, meke isokabil pere kagaledek hat etoma, weak meke hit nasak dek. ⁶ Agadikhe kelenci, ji hak hano nasak. ⁷ It talak wam helo okama meke, wam helo okoma meke iti isok abil pere kalek, at isok hilru aluan at, meke weakdek hano, meke iti hit hasik. ⁸ Waro ino etoma hit nukusep, walro ewe warek meke hit nukusep weak meke, etoma hemulruk at hit hinowa dekelasisunogo; etoma sabokhogon weak hit here aisano. ⁹ Jimeke timeke ima iluk welagarek meke hak hit nasak: kuning podi ikan law oado sikman haga meke bukalogo laisalok nen owa sowalino ima, ilaut akla meke etoma, nen ima isungai akla meke etoma sabokhogon hit nano. ¹⁰ Meke etoma sabokhogon sabokhogon ikan awumo ke meke esoma inom nen jiwalro tiwalro imailuk welagarek meke esoma inom sabokhogon weak meke etoma hit heredisano. ¹¹ Ewerogon at etoma sabokhegon weak hit nen heredisano; walro weak meke etoma ino hit nukusep, nen jimeke timeke alroka agikhe meke weak agikhe meke etoma sabokhogon weak hit nasak dek. ¹² Jimeke timek ikan ima laut welagarek meke etoma inom, buaya inom sue ayam isok alrowaga welagarek meke etoma inom, etoma sabokhogon weak. ¹³ Joma sabokhogon ewak meke sue joma, hit nasak dek sue joma weak meke, etoma sabokhogon weak meke; sue raja wali ering janggut nen elang laut. ¹⁴ Elang merah nen elang hitam inewe talak; ¹⁵ jisue tisue gagak talak; ¹⁶ Sue unta, sue hantu, eamar nen elang sikap erawut dopok-dopok; ¹⁷ Sue pungguk, sue dendang ima meke nen sue hantu, kogat; ¹⁸ Sue hantu putih, sue undan, sue ering; ¹⁹ sue ranggung, bangau erawut dopok-dopok, meragai nen kelelawar. ²⁰ Jiwalro tiwalro agat owa kigigi lagarek meke inom nen abikha werek meke inom nen at holak lagakluk iki isok perenem pere owa lagarek meke inom etoma sabokhogon weak meke hit nasak dek. ²¹ Meke hit nasak eweja walro agat kigigilagarek meke nen abikha pere merek meke nen holak lagaluk iki perenem pere werek meke, ewe isok alrisu werek meke isok aweleken upuwagake welagarek meke at podagigiluk agat owake pakdagekherek meke. ²² Hit neke dogosak agikhe ji: jiwalro inom at erawut talak, jiwilra at alino hogarek talak ne ato at ewetalak, jiwilra owapodi at ewe it ato talak, nen jiwilra padi at ewe it ato talak at. ²³ walro aperek agat owa kigigi lagarek meke inom nen abikha werek meke inom nen walro iki isok pere nen perek meke etoma sabokhogon weak motok hit nasak dek motok. ²⁴ Jawo kone hit sabokhogon at hitnowa weak meke dekelasigin jia akhuni ti akhuni sabokhogon watlasungun, it akhuni sabokhon uweak meke etoma inowa werekkolrek-werekolrek o mulekin orat dagioga. ²⁵ Nen it akhuni sabokhogon at nen akhuni warek meke wago nawigiluk halok it ugu worek etoma sowalogo nen busak, nen it inowa weak meke dekelek etoma dekelek motok werek kolrek mulikin iti dukhisuak. ²⁶ Nen jiwalro tiwalro isok abit pere kagalek meke etoma, at owauan at sowa ledek halok, nen wam kerbau kambing etoma nasak dek; etoma sabokhogon weak nen it akhuni aperek sabokhogon weak meke iti inowa hagatlhalok, weak at meke iti it inowa dekelek motok dogogin. ²⁷ Iti talak it qato inosok agot wemawagake dekelogo bilik liliogi meke etoma inom nen it ato iniki inisok perenem pere werek meke etoma inom, etoma sabokhogon weak hit nasakdek; it akhuni ato owalro weak alroka meke inowa dekelaga halok, weakme ke iti inowa dekelek motok werekma o mo etnogo dukhisigin. ²⁸ Sa nen ji meke ti meke weak alroka meke etoma wolok waga halok, at meke su etoma sabokhogon sowalogo busak nen it akhuni etoma inowa weak meke dekelek motok werekma o mo dagisigin jimeke timeke weak meke etoma hit nasakdek. ²⁹ Joma weak meke hit nasakdek walro holak agalokwak kigigi liliogo meke etoma nen o agat joma waga werek meke inone unone uok iluk olelratak inape lumuk-lumuk iliagi meke etoma: nen bagi iliken puk etoma talak, bagi ato etoma, nen walrohukhak etoma ewe asokhotek dopok etoma hit nasak dek motok. ³⁰ Nen walro owadoaga alrok werek meke inom, puna inom nen, walro hulritna cecak isok pere nen pere iti meke inom, walro iti alrowaga ima laut welagarek meke inom nekarek meke inom iti inom, nen walro at owaga weagarek meke iti inom, etoma hit nasak dek motok. ³¹ Walro etoma sabokhogon weak meke hit nasak dek motok walro ati ewe kogat hagat lagarek meke iti inom jiwalro tiwalro etoma it akhuni inom jawuagakha halok walro etoma sabokhogon weak lagakharek, nen it akhuni etoma inowa sabokhogon weak meke emenogo inowa dekelek motok-motok o milikin dukhiagarek. ³² Nen jiwalro tiwalro etoma owa weak meke dekelek werek, walro etpma o waga nen tun usalut nen watlaga halok; jimeke timeke hagakhorek meke o inom meke sabokhogon su inom o oado inom karung inom jimeke timeke etoma hanarogon hago dogolik etoma hit nen ima akla bino nen weak meke owadekelek worek etoma owadelek werekma-werekma o mulikin dukisuak, nen it inaweak meke dekelek werek-werekma o mulikin dukisuak, nen it inaweak meke dekelek werek etoma hat lasuak. ³³ Jiwalro tiwalro etoma owagadikhogon warega halok, at walro iti at owa weak meke dekelaga halok, nen belanga agat meke hagarek iti, nen jiwalro tiwalro obelanga iti akla ukalrek etoma weak meke owa deklek werek nen o belanga iti hit nen selrelogo bino. ³⁴ Iti sogon halok jimeke timeke etoma nasak meke halok hit nasak, nen o belanga iti owa i dawulaga halok, o belanga iti owa weak meke deke laga, nen o belanga iti meke hakene iakla henogo werek halok hit nen nugun halok, weak meke iti hit hinowa dekelasigin. ³⁵ Nen walro alro weak meke opakiat iti o waga nen tun usaga halok nen o waga warekhe halok iti weak meke owadekelek werek; roti hetumo werago nen hetumo werago nen iniki nen pusu parakhogon haga rogo nen begep halok, etoma sabokhogon weak meke owa dekelek werek nen hit hinowa weak meke dekelek werek. ³⁶ Meke i alrelro usari ogoma inom i hulelekma ijekelek werek etoma inom, etoma sabokhogon etoma owa soawalek, meke sanen walro alreka weak meke etoma hagat laga halok it inowa weak meke emenogo dekelasigin. ³⁷ Nen walro alroka weak meke upuwaga nen tun jimeke timeke owa kilelego owa usaaga halok, o eken iti owa hano sawalek. ³⁸ Meke walro etoma o pakiat watlaga halok hit nasak, nen jimeke timeke alroka weak meke etoma weak hit hinowa dekelek motok-motok omo dagisuak. ³⁹ Nen walro etoma opakiat watlaga halok hit nasak, nen jimeke timeke alroka weak meke etoma weak hit hinowa nasak, nen eken etoma weak meke hit nasak dek. ⁴⁰ Sa nen jiwalro tiwalro alroka weak meke etoma neke halok, at su ugu etoma sowalogo bino, nen jimeke timeke weak meke etoma at owa dekelek motok-motok o modagisuak. ⁴¹ Jiwalro tiwalro agarowa kigigi liliogo meke nen walro leltalak apeumun agarowa joma werek meke, hinait lakhekhe lagep meke etoma hit nasak dek. ⁴² Walro halok lagaluk agarowa elawut nen hokol higik lagarek meke nen walro aperek iki isok pere nen pere werek meke, nen walro aperek iki isok doalek werek meke, walro ato sabokhogon holak inelawut owa hotno-hotno lagakharek meke nen walro aperek lel talak doalek dapulik agak owa upuwaga nekharek meke, hit nasakdek, walro etoma sabokhogon weak meke. ⁴³ Hit hinekarek nen weak meke etoma weak hagarogo hinowa bakhugupiti halok jiwalro tiwalro halok agarowa kigigi liliogo meke etoma nen walro lelha kene doal iluk lagakharek hakene etoma nen etoma waga nen hit hine kagarek nen weak hagarogo hinowa bakhugup. ⁴⁴ An newe hit hino pase Tuhan, Allahmu, hit hinewe kudus tegelek hagarogo biluk dgoni nen hit hinewe kudus tegelek dogoni, an newe kudus tegelek welagarek, nen hit hinewe hinekarek nen weak meke hinowa weak hagarogo bakhugup jiwalro tiwalro weak meke werek agat owakigigi lilikogo agat jama waga upuwaga werek etoma. ⁴⁵ Newe Tuhan Allah nen hit o Mesir nen wokhisik dukhiagi, hit an newe ji hit hinopase Tuhan Allah hagatlaigimo; hit hinewe kudus tegelek hagat latni, an hino pasi newe ji kudus tegelek. ⁴⁶ Walro isok pere nen pere etnogo at owa wene welaga ja, sue inom nen walro ato awolrok werek ima welagarek meke jiwalro tiwalro lel haken ape lumuk-lumuk iliogo emenogo hakene upuwagat joma waga werek emenogo hakene. ⁴⁷ Hit nen hineleken bekhalok nen hagatno jike hano meke nen jike weak meke iluk hagatno, nen walro hasik jike nasak meke nen walro jike nasak dek meke hanorogon hagatno."