Pasal 10
At Nadab Dok Nen Abihu Dok Watlagukha
1
It Harun aburi emenogo, agikhe Nadab nen agikhe Abihu inasokhotek hetu waganik lagukha, oagikhe hetu akla bisukha nen owasi hano meke hetumo etnogola akla kolaisukha. It igisogon hagarogo disukhasik nen it nen mempersembahkan at Tuhan Alah elokhoma ogarogo bisukha hetu at Tuhan Allah nen bini iluk igidek meke etnogo inom.
2
At hetu etnogo at Tuhan Allah elokhoma nen dukhi agikh, etnogo nen it elege pere at Harun aburi eranogo inewe hali nasukhe nen it inewe watlagukha at Tuhan Allah elokhoma.
3
At Musa at Harun jogokhikhe, "Wene hagat laga ji at Tuhan Allah nen waga ekhesikhmo hagat laga: it akhuni an nayawula hagario meke etoma an nowa kekudusan tegelek werek meki iti, nen it akhuni bangsa Israel meke etoma inelokhoma etoma an netaga kogokrakhe dogosak." At Musa nen itigisogon isikheno nen at Harun etnogo anelrek at huk agikhe.
4
At Harun etnogo nen at Misael inom nen Elsafon inom waisasikhe, at Uziel aburi at Harun agolrak, at nen it jogosasikhe, "Hit jomake witni iluk jogisasikhe, hit hinagalraklak warek ji woginawitni it inewe sukham kudus tegelek janogola warek hit nen wogisik uma lati iluk jogisaikhe."
It Imam Nen It At Tuhan Allah Ane Jakuluok Iluk Halok Itihunuk Palharek Meke Etnogo Nasak Dek O Iluk At Tuhan Allah Nen Wenemuk Palogo Bisikhe
5
It wagukha, nen it warek emenogo inewe pere at wogisik lagukha, it inewe su upuwaga meke kemeja ugu welagukha, it inewe sikman haga welagukha, at Musa nen isikhe talak at.
6
At Musa nen at Harun jogokhik nen at Eleazar jogokhik nen at Itamar jogokhik nen at Harun aburi josigik hagakhikhe: "Hit nen werekma etomala dapulik wealgup o, hit watlasunogo nen at Tuhan Allah nen hukuman it umat Israel meke, hit hinagalraklak, it akhuni bangsa Israel meke sabokhogon inowa bilik hagasunogo, it nen de akhik dogoak o at Tuhan Allah nen hatu jiwalrogo bekhesikmo.
7
Hit lasak dek o at Tuhan Allah ane jakulharekma holaga pema sukham etomala, hit etomala lagep halok hit arat watlasugun, minyak at Tuhan Allah nen dawulogo tegelogo bisekherek meke hit hinowa upuwaga werekma." It nen at Musa nen jogosasikhe talak at hagarik laga lagukha.
Imam Nen Wam Domba Warogo Palogo Bekhe Dogosak Meke At Tuhan Allah Nen Hagarogo Bisikkhe
8
At Tuhan Allah at Harun jogokhikhe,
9
"Hat nen i anggur apusu inom nen i hunuk palharek meke inom nasak dek o, hat inom hat haburi inom hat nen at Tuhan Allah ane jakulharekma etomala ukigiluk halok, hat watlasunogo weneji hat haburi hopai it aklago helago ini limo hago motok dogoak iluk hagarogo bigi.
10
Hit nen hanorogon hagatno jike kudus tegelek jike nen jike kudus tegelekdek jike iluk hanorogon penatno, nen agikhe owa hulriagap dekkhajike nen hulriagap werekhak jike iluk hanorogon penatno,
11
Hat nen it akhuni Israel meke hanorogon jakulisano, at Tuhan Allah nen at ane waga hukum weneji hagarogo bisikhe meke ji at Musa owa nen."
12
Etnogo nen at Musa nen at Harun jogokhik, nen at Eleazer jogokhik nen at Itamar jogokhik, nen at Harun aburi iniluk werek meke hak emenogo jogosigik hagakhikhe: Hit nen wam domba waganilani warogo palogo nen neke dogoak nen werek meke eta warogo palogo nen hetumo werago nen at Tuhan Allah elokhoma bino, nen roti hano meke etoma inom nano o Mezbah pelrogo iti aliluke etoma nen etoma kudus tegelek meke.
13
Etoma hit nuok iluk halok o hanoma kudus `tegelekma etomala nen nano, etoma ikhok hagarek motok dogoak iluk hit hasik hagarogo bisikhe nen hat Harun haburi nen wam domba warogo palogo nen hetumo werago nen at Tuhan Allah hasik bekhedogoak, etoma at Tuhan Allah nen hat nen itigisogo hagatno iluk joknekhe.
14
Amioak persembahan hagarogo biluk nen hiki upuwaga owa dukhogon bino nen alrisu alrigat persembahan hagarogo biluk nen hit nano o hanoma weak welagarek dekma esomala nen nano, hat inom hat haburi elege hak inom nen homalrugi inom, etomala sabokhogon hit hinikimo hago motok dogowaik nen iluk hit wokhisekhe nen hat haburi nen wam kambing kulok iti warogo palogo nen it akhuni bangsa Israel meke nawulral hawulral hagarogo bisoak.
15
Wam kambing kulok iti warogo palogo biluk nen alrisu alruk at hagarogo begarek owa hagarogo biluk nen amok apusu etoma inom hetumo werago biluk amok apusu etoma inom hetumo werago biluk nen amok apusu etoma inom mempersembahkan hagarogo bino, nen diprsembahkan persembahan biluk nen hilik upuwaga owadukhogon biluk nen at Tuhan Allah elokhoma bin. Iti ikho motok it inupu inopa itaklago helalago inom motok dogoak iluk hagarogo bigi hat hasik inom hat haburi hasik inom hagarogo bigi at Tuhan Allah nen isikhe talak."
16
At Musa etnogo wam kambing kulok hanohak meke herosilagikhesik nen warogo palogo nen dosa weak meke emenogo horogo bisikhe, at Musa nen wam kambing etnogo bekhasikhe meke wam kambing etnogo hetumo werago ilikhen hasikhe, nen at Musa etnogo nen at Eleazer inom nen Itamar inom wenagisasaskhe:
17
Nenaluk nen hit wam kambing kulok warek palek dosa weak owa harek meke joma hit nenaluk nen nikidek hagakhep o kudus tegelekma nen nikidek? Iti Maha Kudus tegelek meke at Tuhan Allah nen wokhisekhe meke, hit nen it akhuni bangsa Israel meke inaweak etoma hit nen qwaganiluk nen it akhuni Israel meke etoma dapulogo bisowaik nen at Tuhan Allah elokhoma?
18
Hat hileken bakhan, Meep etoma o kudus tegelekma etomala wolok ukigidek; etoma hit nen wolok o kudus tegelekma etomala wolok ukiluk masak an nen hit jokhigitalak hagasusak!"
19
At Harun etnogo nen Musa jogokhikhe: "Hat nen egen iti ewerogon at, o hari jiwaga it nen wam kambing kulok iti warogo palogo nen mepersembahkan hagarogo biluk nen wdosa weak meke etoma sabokhogon hogorogo palogo nen mepersembahkan hagarogo biluk nen dosa weak meke etoma sabokhogon hogorogo bisasak it nen wam kambing kulok iti warogo palogo nen it hetumo werago nen at Tuhan Allah elokhoma bino meke hat waganiluk halok jogotak ja hat howa hagatlariago meke etoma hagatlaga halok nen waganini. It waga nen jogotak wam kambing kulok warek palek dosa weak meke hasik horogo begepma iti an nigin at o, meke ji at Tuhan Allah nen elrokigin a?" Elrodek igin a.
20
At Musa nen wene iti asuk hasikhesik nen elrok o ilukhe.