¹ I dadǝgǝri. 'yaganaucinga. a dlamina kuno i kunu mǝgǝnyi na sukuna tarnekun bitku be ɗagai dukshibai i riga. Bitku a cirǝptanakun. ² A dlamina ankal na jaɗin. A dlamina ankal na ndak wana kǝmangar. Adlamina ankal na ndak Wuda tika tuku ³ Gaɗa jane nda wuda kǝ sǝkur. Gaɖa jane ndak nakwana i kakasku dari nunwa gǝri. Jane ndak fariya ikun masihu yeso, jana ɗawa aɗabai i kunu lawan da. ⁴ Koda iyew na aɗaga nabik fariya i kunu tǝka. In nancudu nin, ɗagai adumu na kuraram fariya i kunu tǝka nin iyew na ɗikana aci. ⁵ Nda wuda 'yu gafa yuwan dandahuɗu, iyew nǝn Israila, Kǝ Kadugum Biliyaminu Bayahude Kǝ yahudaucin; I fara shariya Iyew Bafarise. ⁶ Iri himma na gǝzati i coci. I ri wana adalta ke Kǝ dumaya. Iyew go bik aipu. ⁷ Amman gǝd bitku mi dlamingara sukuna i riga, namanakshi asar gaɗa Mashihu. ⁸ Auwo, Kansunu na mana tamke asar gaɗa dukshi zǝgaya Masihu yeso mǝgǝnyi ga. Gaɗa gǝri ne na dlamna asar betawanke. Na katinakshi bebai gaɗa na dlab kǝ Masihu ⁹ Ndabayu i kunugǝri na adalta aɗagabai dari dumaya Isirǝm gu, iyew na adalta dari barijirewa i kunu Masihu adalta mi dari Suku dari barjirewa. ¹⁰ Intuga nin na zǝgi Masihu na Kǝrmai tlayigǝri da mutu na dlab i ɗagayi na Aci iǝ kunu sa dakinekinegǝri. Na dlaɓi ka Aci dari mutu gǝri ¹¹ Gaɗa da dǝvǝ taw anke nabi na tlayi da kunu mutu. ¹² Na ramma na bana bitkubai dugo, ko na dlamga nai ganiyak o'o Amman na naceta i ɗǝga gaɗa na jib na be mi Masihu yeso jibe iyew gaɗau ¹³ Yaganaucin, na ramma na najib na biwubai dugo, amman nabe gayi mina dlamau na tuwayu na beǝ mi a akau na ɗawa aɗa i ɗa be mi a kǝma. ¹⁴ Iyew na ɗawa aɗa i kǝma gaɗa nabi lada ɗaura mi nda dlama i dǝsku mi Sǝku dari Masihu. ¹⁵ Gaɗa kasunu, duk wa mi wa ardatinawa se wa ɗǝgi rama, tuku.in miya kun dlab gayi bai i ɗa be ɗagai nin to suku a tatǝkedikun sunu. ¹⁶ Se dai ri wa jidu nin, war i kasunu. ¹⁷ Yaganaucinga duk kun a gugzina da riga, kwaki ndawa wara mbasakshi bǝlan na gatǝr wara na buzikun . ¹⁸ Ndawa gawa wara na sa ramekun, gusku yaye na ramekin har na samurai, akshi ma a ɗiga Yeso injakshi, Amman ndak kur dǝm dliga Yeso. ¹⁹ Dadǝgǝrakshi nin hagata, Sukwakshin nin bashakshi bik zhirukshi nin atune bǝdlǝ, impana arokshi i ɗa bik duniya. ²¹ A palta na tǝkawa kǝ mbotu, da dlaɓi ka kǝri mi saksakta, na kǝrmai, gǝri mi a ɗawa na tamke I diɗa gǝri.