¹ Dari Bulus na Timoty, guzabcin Masipu Yeso, i nye ndawa mii go aipu ii kunu Masipu Yeso mii a kunu filibi, na ndak ankalta na coci na ndak wana kunu. ² Herr na salam kǝ Sǝku Afǝkwa na Mǝgǝngyi Masipu da dlaɓa na kun. ³ Na sabarkata kakasǝku ga fatawanke na tani na kun nǝn. ⁴ Fatawanke i kunu magita mii na dlamau kun gǝd, na arawai gǝshi na dlamau. ⁵ Na sabarka gaɗa ɗawa aami kun na 'yu ii rii wagǝr herr Sǝku tun gafa sǝkur harr i nye gusku. ⁶ Na barna jirewa i ɗa bitku, A ci mii ɓandi wana bǝlan i kuna kun a dama duhar ii nye gafa Masipu Yeso. ⁷ Dlamun gara ii riga na jǝb tanakun kasau, kun dǝk, gaɗa kwa gǝshi ga, gaɗa gǝd kun kwa dlam na kun mangǝtu wana ga kǝ herr Sǝku dari mǝɗa mii nda dlama, zam na kare ta wagǝr na nanata gara ⁸ Gaɗa Kakasǝku a ci ne saida ga ii ɗa ɗawa gǝshi ga ii ɗakun gǝd, na zadak intu mii Masipu Yeso dlamu. ⁹ Magitaga atune intukun da jǝb sukuna na zǝgaya na asǝm mii go dadǝgǝri. ¹⁰ Gaɗa kwa kwa cikdi be mii bǝlalmin, kwa dlam nda kalau Sǝku ndawa mii go aipu harr ii nye gafa Masipu. ¹¹ Kwa dlab na tuamanja wana adalta mii a bayi dari Yeso Masipu, sutuku gǝd gaɗa saksakta Sǝku na gǝdliɓ gǝri. ¹² Yaganaucin nancu kwa zǝgi, lamarr mii wakatu na 'yu, dlam na bana ii wagǝrma. ¹³ Harr dlamǝn gara ga zǝgayak ii ri Askarabu ngwapate na kakǝni ndawa, ma mǝɗa ga gaɗa Masipu ne. ¹⁴ Harr ngum yaganaucin ii kunu mǝgǝnyi bana ɗauzata gaɗa mǝɗa mii nda dlama, harr da vǝrai ii patata, da ram rama Sǝku go kalau. ¹⁵ Tabbas ndawa jǝgab dlam wagirma herr Sǝku i kunu ta gǝshi na gamɗaya, jǝgab na bǝlan ufta. ¹⁶ Ndawa mi a wagirma herr Sǝku i kunu ntu, Zǝgadu ndanpayu i ri tuku gaɗa nan na dlab baci kareta labar herr Sǝku. ¹⁷ Amman ndawa jǝgab a wagirma herr Sǝku ntu aɗa na rashi jirewa. I tumanshi a bara nai bone i kunu dilo ga. ¹⁸ Se tam? da dǝvu tawanke , ko na jirewa bai ko na jirewa wagirma Masipu nda dlamau, I yu na kuno, na sunu kasunu na dlam kuno. ¹⁹ Gaɗa nasgadu su ayadu i di ga dari magita na lata dari Nǝnuwa yseo Masipu. ²⁰ I ɗa be na gǝshi na tuman gu na kasakta na kǝmu zhirau gaɗa kasunu, na awayugu gǝshi gǝd ka ki fatawanke, na gusku cam, i na buri ni na saksakta i Masipu i kunu tǝka. iyu na dawa aro Masipu dabi saksakta i kunu tǝka ga ko i kunu aro ko i kunu mutu. ²¹ Gaɗa I yu i ri ga aro a tune Masipu, mutu ye sukuna. ²² Amman mbasu ga i kunu tǝka nin, dlamungara gaɗa wana Sǝku tlaparr nin. Nasga be na cikɗu bai. ²³ Gaɗa na gadava be shirin. Buri ga nai naivi na tǝka gaɗa na dlaɓ i da gayi na Masipu mi ɗikadu tlapar, ²⁴ amman mbasu ga i kunu tǝka dǝkadu i bǝlan gaɗa kun. ²⁵ Tunda Iyu na tabas i ɗa sau, Nasgadu Iyu na aro i kǝma wam, na ci kǝma na dlaɓa na kun gaɗa ta kǝma wam, na ci kǝma na dlaɓa na kun gaɗa ta kǝmakun, na purdai i kunu iman kun. ²⁶ Gaɗa i kunu ga kwabi na sukuna kǝ takama kun kǝ fariya i kunu Masipu Yeso na de i ri kun nin wam. ²⁷ Se de a dlamina mbasa kun kalkal na rama kǝk herr Suku, gaɗa ko nade na ki kun, ko na riwu bai na kǝmi kwa mbasu i kunu Nǝnuwa gayi, na nufi gayi kwa wana dlaparr i da gayi gaɗa iman tuku kǝ herr Sǝku. ²⁸ Kwa kalwabai da pali tawanke gaɗa ndak kurakun su a dlaɓa gǝnawa kǝ damakshi, amman kǝ ra i kun, sutuku ro da ri Sǝku. ²⁹ Gaɗa da dlame kun herr, gaɗa Masipu, bar jirewa i Masipu rugara bai har na sa bone gaɗa gǝri. ³⁰ Kun na sa bone zadaka mi kwa i kau, na mi kwa kǝmau na sau har gusku.