¹ Gada kasǝn garva dusku a dlǝn gǝnawo na dababkin guma mi wara ngwa petǝlak shi gaɗa dauci miya ango. ² vaɗ da gadavakshi nda gǝrayu vaɗ ke kakaɓawaɗ. ³ Lakwtu miwara kakaɓawaɗ dababkin ma petǝlak shi tun, akshi ma sǝkuna mǝrak bai. ⁴ Amman dababkin nda gǝrayu da mǝ na kugitu mǝrak iɗa gayi na petǝlak shi. ⁵ Ango gu ngeztǝn gǝri tunu gwid shi se da ɓanji na zǝngagaɗ se yuwan da mǝna akshi. ⁶ Amman dǝrtǝ kuk se nda dlam wagǝrma; soti Ango zaden gǝri! o vǝri ne wuta miya gǝri. ⁷ Se dababkin gu guiɗ da tli da ɗalmǝ na petǝlakshi. ⁸ Kakaɓawaɗ dababkin gu da rami nda gǝrayu gu, "A bari nèja rab da kun mǝrak kun gaɗa petǝla ja atka mutu nakshi." ⁹ Amman nda gǝrayu da ramikshi "mǝrak gu ro a bacaja na kun cam bai, se kwayi rin nda ɗǝbǝɗ gu kwa mase i ɗa kum." ¹⁰ Sartu mi wara ji nakshi i masa masa mǝrak gu, se ango gu datfai, akshi miwa ra gashiryatak gu, da tǝfǝ akshi i ɗa gayi na aci iri zǝbau, se nda cim na mavgu. ¹¹ Aku lakwtu rab, gagzhin dababkin gu da kate nakshi tun da jab ramo maya, " Baci wunduwa, baci wunduwa, a ribci ja mavgi" ¹² Amman da wurikshi maya, "jirewa na rame kun, iyu nazga kun bai." ¹³ Gaɗa kasǝn, se kwa dlam ankal gaɗa kwazga yuwan ko lakwtu bai. ¹⁴ Gaɗa a gǝnawa na nǝn ɗagai wara ayan gǝri i lardǝ ɗagai. Da ɗaure guzabcin gǝri da barikshi lǝman gǝri. ¹⁵ i nǝn gayi bari ci talenti vaɗ, i nǝn gayi bari ci shirin, i nǝn gayi ke bari ci talenti gayi. Tike nda barici i ɗa zǝgaya gǝri, se wazo gu da dlam rakǝn gǝri. ¹⁶ I miyag da se nǝn mi wara nda bari a talenti vaɗ da ɗauwu na kǝri i asǝk, dabǝ na sukuna talenti vaɗ wam. ¹⁷ kasǝn ke nǝn mi wara gǝnǝ talenti shirin da bǝ na sukuna shirin mam. ¹⁸ Amman guzub mi wara gǝnǝ talenti gayi tum, se da dlam rakam gǝri, aci da zǝi vug da dabgǝ na daguda baci wunduwa gǝri gu. ¹⁹ To, aku lakwtu gawa se baci wunduma guzubcin gu da katen gǝri, gaɗa da capci dagu dak shi ²⁰ Guzub miraza gǝnu talenti vaɗ tun, dami na kǝri na sukuna vaɗ wam. Aci mayo. Baci wunduwa, a bara ni talenti vaɗ, sotai nabe na sukuna vaɗ wam. ²¹ Baci wumduwa geri da ramci 'sambaska, guzub bǝlam baci jirewa! ka dlam na jirewa i ɗa be sap. Nampina ci i ɗa be gama. Atfi kwakunu, ka dlam kuna na baci wunduwa ci. ²² Guzuɓ miwara gǝnu talenti shizin ke, danai da sam maya, 'Baci wunduwa na bara nai talenti shishin. satai na be na sukuna shishin wam'' ²³ Baci wunduwa gǝri da slami ci "sambarka ci guzuɓ bǝlam baci jirewa ka dlam na jirewa i ɗa be rap. Nan pi naci i ɗa be gawa. Atfi kwakunu ka dlam kuno na baci wunduwa ci ²⁴ Se guzuɓ mimara gǝnu talenti gayi da nai da ram maya, "Baci wunduwa nazga du kǝmu miya ci tǝta. ka kasam i si mimaza ka dlam zǝgǝm bai, ka capta baya i su mimaza ka wayi ke bai. ²⁵ Na kǝma kalau gaɗa kasǝn naji na dǝɓsǝna talenti ci i kun vug. aiki, otai be mimara kǝci. ²⁶ Amman baci wunduwa gǝri da wai ci maya ci munafuk guzuɓ taskin kazga du i baci kasam i ri mimaso na dlam zǝgǝm bai na cicpa baya i si mimasa na wayi bai. ²⁷ To ba se kayi na dagudo ga i banki bai, ri na katen se na gǝne biga na sukuna. ²⁸ Gaɗa kasǝn a gumbina na talenti dasu gǝri kwa basdi i baci talenti guma tǝn. ²⁹ Atǝro nǝn mimara na be nǝn, nda sǝkune ci has nda sǝkune ci tlapas. amman nǝn miwara na bigɗu bin be kǝrin gum nda gum du ³⁰ A vǝrki na munapǝk guzuɓ tǝku miwara na paida bai i kun vuk pǝɗǝm miwara aiwa pǝlǝ wara nda aɗam na gada yanau. ³¹ Lakwtu miwara wǝn gǝnin ani i kun kǝrmai gǝri na malekawaɗ guid i ɗa gayi no aci , lakwtu ke aci aye mbasui gwjere garva gǝri mi kǝrmai . ³² Nda cicpa na duniyabu guid i kǝma gǝri,a bara na ndawo gayi gayi kamiuala nda bǝra tumamkin do gadava gawau ³³ aci ampi na tumankin i amai gǝri ki mata ,amman ganau iami gǝri kǝ madlawai. ³⁴ Laktu gu dǝgǝma rame kǝ amai mata gǝri 'Anina kun miwara acukga barkawatu ,agadotina garva miwara na shiyati kun tun nda dlam duniya bai . ³⁵ Atǝro na kǝma mayatǝn kwa bai da bikta ;na kǝma gǝji kwa bai da amgǝsa. ,Na dlam magǝrafkwina kwa barda rin mbasu . ³⁶ Tǝka ga gaɗau kwa barda kacum, Nadlam cuwua kwa nkatu nayu. ,Na kundǝlo kwa nɗǝme iyu., ³⁷ ndao adalta aye wureci maya ,''mǝgǝnyi, jai kaci fatawan kakǝmu maya ja barici bikta? koka kǝmu gǝji ja bari am so ? ³⁸ fatawan wam jaikaci a magǝrafkwina ja bai ci rin mbasu ? ko tǝka ci gadau ja bari kawm? ³⁹ fatawan wam jai ka ci nga bai ko kakum dǝlo jayi ja ndǝmeci? ⁴⁰ dǝgǝ aye ulurek shi maya. Jirewa na rame kun, gwid be miwara kwa dlami gangamin i kun yaganin ganai i rit ku to kwa dlama i iyu. ⁴¹ Se aci a same daua mi wara a ami gǝri kǝ madlawai, " Ada dasau kun miwasa da tlasuyai ada i kun wunduwa aka miwaso nda shisiyatu gaɗo lisfǝr na malekawaɗ gǝri. ⁴² Gaɗa na kǝma maya kwa bara ru bikta bai, na kǝma gǝji kwa basa nai am sa bai. ⁴³ Na dlam magǝrafkuina amman kwa basin ni ri mba su bai, tǝka ga gaɗau kwa basa ni kacum bai na dlam fusa na kun dǝlo ke, ku nkaltu na i bai. ⁴⁴ Akshi ke aye wuke ci maye, 'mǝgǝyi, jai ka ci fataulan ka kǝ maya, ko ka kǝmu giji, ko ka magǝrafkwina, ko tǝka ci gaɗau, ko ci nga bai, ko ka kunu dǝlo, ja nkaltu na ci bai? ⁴⁵ Aci a wurekshi maya " Na slame kun jirewa be miwara kwa dǝma dlama i ndawo gangamin tǝku bin kwa dlama bai. ⁴⁶ Ndangu aya nakshi i kun bene miwara go daddgǝri amman nda adalta aya nakshi i kun aslo mi wara go daddgǝri.