^{1 1} Se Yeso da dlam rama na algu na pukuraucin gəri maya ² "Ndak taran na parisaucin mbasu i ri mbasu musa. ³ Gaɗa kasǝn, tamke akshi ɗawu kun i dlamau nin a dlamina kwa ankaltau.Amman kwa ɗǝga dǝvu warra akshi a ɗǝgau bai.gaɗa akshi a ramma bee amman akshi a dlama gara bai. ⁴ Ama kakira dukshi,mi mau tita,dampidi gapta ndiwa. Amman akshi na aɗakshi a dumu dabu ko na gurbakshi. ⁵ Duk wana mi akshi a dlamau gaɗa ndiwa daiki.A dlam masparin shi marumamin,lipi zanikshi har dakufu. ⁶ Akshi ancu ri mbasu marumamin iri ngumuru,na ri mbasu ndiwa marumamin i wənduwa səku. ⁷ Zam nda ndumakshi i asək, nda jib ɗaurakshi "malum". ⁸ Amman kun tən, nda ɗaura kun"malum" bai,gaɗa mallum kun gaitak geri, kun duk kun ke gayi, kun dukun kuwa yaganaucin. ⁹ Kwa ɗaura tike "afək" bai i kun duniya, gaɗa kun na afək gaitak,mi a dəsku. ¹⁰ Kar nda ɗauri kun malamcin,gaɗa malam kun gaitak gəri, aci ne Masihu. ¹¹ Amman nən tlatla adagəri marum a kuna kun nən da dlamingəri gəzub. ¹² Duk nən a ma adagərin nda kacina aci i diɗa. Duk nən mi suktu adagəri bin nda sukta na aci. ¹³ Amman wadare kun mallam cin attaura na kə parisaucin, munafaucin, kwa dasina mavgi garva seku i ndiwa. kwa tufubai na aɗa kun, kwa buzu ndawa ke tufu bai. ¹⁴ Wadare kun mallamcin attaura na farisaucin munafaucin!, kwa mowana munduwa gudugamcin, kwa tatka gazibir magita kwa gən marəm Hagata. ¹⁵ kun mallamcin attaura na farisaucin munafaucin!, kwa digəna anku gaɗa kwa musci ndawa, mustenakshin da dlam nakshi matkam aka da dəki na kun zəgir shirən. ¹⁶ Wadare kun dluguyaucin ndak zaga, kun mi kwa ramau ma, tike ata yinda na wənduwa səku be ngum bai,amman duk nən mi ta yinda na dinar wənduwa səku nən sai ta yinda gəri da jib na aci. ¹⁷ kun dluguyaucin, kakaɓaucin!, ɗika di marəm nən tawan dinaru bi ko kuwa, munduwa səku mi ɗawu dinar gu blan. ¹⁸ Gaɗa kun ma," tike tana yinɗa na bagadik sanam nən be ngum bai amman, nən mi ta yinɗa na barik mi ndampe aɗau nən sai ta yinɗa gəri da jib na aci . ¹⁹ kun dluguyaucin!, dikadi marəm nən tawan barugu ko bagadik sanam mi na aibu bai?. ²⁰ Gaɗa kasən, duk nən tana yinɗa na bagadin,tana yinɗa na atu na duk be mi a aɗau. ²¹ zam duk nən tana yinɗa na wənduwa səku, tana yinɗa ndiwa mi a kunu ²² zam duk nən mi tana yinɗa na dəsku, tana yinɗa na gwajerek səku, na nən mi dam mbasu aɗagara. ²³ Wadare kun farisaucin,na mallamcin attaura, munafaɗiucin! kwa kwa di zakka na'a na'a na anase na laspər, amman kwa vurkina marumamin paida ki attaurat wato jirewa, na kanjino na bar jirewa. Ndagune kamatu kwa dlamikshi ko kwa dlam, gagizhin bai. ²⁴ Dliguyaucin ndak zara ndiwa, zam kwa dii kishakin gangamin, amman kwanta na dligəmau!. ²⁵ Wadare kun mallamcin attaura na parisaucin, munafaucin! kwa viya aku funa na gadakuwa,amman kunu daniya na zalim na mbaba. ²⁶ kaici dluguyu nən parisa! sai kwa jib ɓanda viya kunu funa na dawai gaɗa akugu ye da viyingara. ²⁷ Wadare kun mallamcin attaura na yahudaucin munafaucin! kaki auɗaɗin mi nda gwa gagi arawai kun kasən, da vuda nən kun blan, da kwakunu, sai awək gamtak na alɓa dama-dama. ²⁸ kasən ke i ndak ndiwa kun ndak Səku, amman kuna kun munafurci na munafuk wana. ²⁹ Wadare kun mallamcin attaura na parisaucin munafaucin! kwa lima iɗak auɗu nabaucin, kwa sukuna sirka i ndak ɗiga səku. ³⁰ kwa rama ka wambsa kaki zaman kakancin wa da watam bakshi na pi dədəm nabaucin bai? ³¹ Dari kasən kwa saidatu kunne kutli ndak tək nabaucin. ³² To sai kwa dlam wana afafkin kun!. ³³ Kun kutli mbikɗaɗin! kwa dlam nana kwa rawi da hagata wənduwa aka?. ³⁴ Gaɗa kasən ne na wanekun nababaucin, na ndak asəm na ndak zigaya attaura, kwaa dligə na jigab, kwa dlamdikshi kurpak i jigab i kun susu magita kun kwa da na akshi daɗa i nye ɗa. ³⁵ Gaɗa alaki dədəm ndak ɗiga səku mi nda pau i duniya da kalaktengara i ɗakun tən ndapa dədəm Habila nən jirewa har i nye Zakariya wən Berikiya mi kwa təku i gadava wənduwa Səku na bakak sanam. ³⁶ Jirewa, na ramekun, duk su a wakata i ɗak zamantuku. ³⁷ Urushalima, Urushalima, kun mi kwa təku nabaucin kwa virki ndiwa mi nda wane kun na guguyak! zəgir nawan nan cu na cacpai kun kaki mi gaza a cacpa na kutligara i diɗa gapta gara amman kwanci bai. ³⁸ So tai nda buzidikun wəndu kun gaɗau! Naramekun, kwa sukuna lawan ga bai, sai gafa mi kwa ramma. ³⁹ Barka da dlaɓa i ɗak baci ni i kun dlugun Məgənyi.