¹ 1 Yeso da sǝkunyi dlamekshi rama i kun gagǝnawa, maya, ² Garva sǝku a gǝnawa na dəgəm ɗagai mi wara sapǝrratu ngumuru wǝn gəri. ³ Aci da wanyi gabayayin gəri da daure ndawa mi ndampekshi miya ngumuru zubagu.ma da nai. Amman akshu deu bai. ⁴ Sai dəgəmgu da wanyi gabayain dama wam, ma. a rami ne ndawa mi ndanpekshi miyau, "Aikina.na sapǝrratu na ngumuru ganai. Nda zidu kwaminga na gadǝbayak akshiyayinga, nda sapǝrratu na tamke. Anna baa i ri ngǝmuru zəbau. ⁵ Amman ndau ko shala dlambai. sai da rakǝnyinakshi. Ɗagai dayin gəri kamgəri, ɗagi ke iri asək gəri. ⁶ Ndau gafikai ke da jib gabayayn dəgəmgu. da barikshi bone,da rəbəna akshi. ⁷ Sai gəshi dəgəmgu da dlumacin gara. Da wanyi askarabaucingəri. da rəbi na nda rǝba gabayayingǝru, da baki na ɗa mi akshi a kunu. ⁸ Se da rami guzabcingəri. Nda damu na sapǝrra ngǝmuri dlamak zǝbau. amman ndiwa mi ndampekshi miyau kane akshibai. ⁹ Gada kasən. ade miya dəvu kwanpi miyau i ndawa tawanke wara kwa bau danai i ri ngǝmuri zəbau. ¹⁰ Guzabcin gu dayi i miyak dəvu da cacpe ndawa mi wara akshi bau mak.gabshu na bǝlalmin. zaure zəbau ke da niyingara cal na magərafcin. ¹¹ Amman,dəgəm gu deu gaɗa daiki magərafcin gu tin,se daiki ɗagai mi dawu kacum mi zada kǝ zəba bai. ¹² Se dəgəm gu, da rami warrau ma, "Manga, ka dlam nana katəfai i ritku, cina kare zəba bai? warau kuwa dǝma rama bai. ¹³ Se dəgəm gu da rami gabayayin gəru ma, A mǝɗina na aikwak nənangu na zəgir gəri cam,kwa vǝrkina aci i ayuwak rai. wara aca jǝba gaɗan na gada yanau gəri. ¹⁴ 'Atǝrro. ndawa gawa nda ɗaureu amman rrap ne da cikɗa.'" ¹⁵ Se Parisaucin ɗagai a maka dəvu warra akshi a jiba na Yeso da ri ramagəri. ¹⁶ Se akshi da dabi ci pukuraucinshi,na Hirudiyaucin.akshi da rami yeso ma,"malum,ja zəgadu ci baci jirewa,ka gugza dəvu məgənyi na jirewa ke. ka ma rama nən waambai, ka tatka ntu aɗa i gadava ndawa ke bai ¹⁷ To a ramija, kai ka nana? kalkal bi nda bari arrajo i Kaisar? ko nda bara bai? ¹⁸ Amma yeso zǝga na kəmangarshi, se da ram maya,"Kwa kaktla ga gaɗa gəmo kun munafaucin? ¹⁹ a tatkina zada dagwda nguma arajogu," se akshi dandi ci dagdau. ²⁰ Yeso da ramikshi ma," Aikina. jampel na dləgun gaye a tǝkau? ²¹ Akshi da rami ci ma,"kǝ Kaisarr''. Se yeso da ramikshi ma,"To a barine Kaisarr bee mi kǝ kaisarrr, i Səku ke bee mi kǝ Səku," ²² Akshi kəma kasən tin, se da ajabci biwu. akshi dayinakshi daivu na aci. ²³ I gafogu. se sadukiyaucin ɗagai,mi a ramau ma na tlayi da mutu bai,da nai i rigəri. Da jayaci ma ²⁴ ,"malum, nabi Musa ram ma,"Nən mutu gokutlai nin. dolle yaganagəri da zəbi amaa warrau da 'yawi kutli i yagana gəri gu. ²⁵ Na yaganaucin ɗagai gatkasa.Ki səkur dlam zəba se da mutəngəri.Buzu kutli bi tənu daivi na amagəri i yagana gəri. ²⁶ Se yagana gəri kə mashirən ke da dlam kasən, kǝ makwan ke kasən.har da nai ɗa yaganagəri kǝ maġatkasa. ²⁷ Daku makshi nabai,se amau ke da bakocingara. ²⁸ To i lakwtu tlayi da mutu,amau a dlaɓa ka ye i kunakshi gatkasa gu? Gaɗa akshi mak dlam zəba na atu''. ²⁹ AmmanYeso da ngumikshi maya,"kwa ɗayu nakun,gaɗa kwa zǝga kakkadi Sǝku bai ko kərmai Səku. ³⁰ Gaɗa i kun tlayi da mutu na zəba bai. nda bari zəba ke bai.Gaɗa kasən akshi a dlama nakshi gənawa malekaucin i kunuk dəsku. ³¹ Amman i ɗak tlayi da mutu, kwa kǝrratu bee mi wara Seku rami kun bai, maya ³² ''Seku Ibrahim rro nin iyu, na Seku Ishaku, na Seku Yakubu?'' Sǝku kakasǝku ndawa mi gamtak bai, amman kǝ ndak arro. ³³ Algi kema kasen tin,se da jabci gugzagəri. ³⁴ Amman Parisaucin kəma, ma yeso kurrumtu na na rama Sadaukiyaucin tin,se dacacpai aɗakshi. ³⁵ Gayi da kunakshi baci zigayak dumaya, da dlamikshi jaya a kaktlagəri ³⁶ "Malum. linokgu tawan rǝmana tawanke i kun dumaya?'' ³⁷ Yeso da ramici ma,"An ntuci Məgənyi kakasǝkwaci na gǝshaci mak,na aro ci mak,na ankalci mak. ³⁸ sutku atune marǝm linok na kǝ səkurr i kun dumaya. ³⁹ Linok kə shirən ke, kakǝ atu cam.A ntucmakapǝt ci kaki aɗa ci. ⁴⁰ I ɗak linok shirin tǝku ne dumaya na nabaucin mak, da dlǝgaya''. ⁴¹ Lakwtu mi Parisaucingu guskuyaye da cacpa a ɗa gayi, Yeso da dlamikshi jaya. ⁴² Da ramma.''Kwa tuman gəmo i ɗa masipu gu? Acu wən gaye?'' Akshi da rami ci ma,"wən Dauda.'' ⁴³ Yeso da ramishi maya,"To nda dlam nana Dauda i kun Nənwa Səku ɗaura ci məgənyi, a ramau ma. ⁴⁴ "məgənyi rami məgənyi ganai maya,a mbashi da amiga kǝ mata,se na kata nda kuraci da dlaɓi bi mpi zəgirci. ⁴⁵ Dauda ɗauru masihu,"məgənyi"nin nda dlam nana da dlaɓi wən Dauda? ⁴⁶ Go nən warra dəmau ngume ci ko tǝlam gayi.zam go nǝn mi sǝkuna dlameci jaya wam tin da gafogu.