¹ Sartu mi Yeso na pukurraucingəri deu i damtu Urrushalima tənu, se da nai i Betaji mi a gəre guguyak Zaitun. Se Yeso da wanyi pukurraucingeri shirin. ² Da ramikshi ma, "A təfina i kun ɗa mi a kəma təku, kwa launa kwarra ɗagai da takwsa,na matkam gara. A fətkinanai akshi , kwa ni da nai. ³ dlami kun rama i ɗau nin, a ramineci ma, 'Məgənyi ne a merradakshi." Warrau kuwa a wanayi na kun kaɗe- kaɗe." ⁴ Suktu gu wakatu i niya bee mi Kakasəku ramu tin kade, da miya nabi gəri, ma, ⁵ "A ramine wunya Sihiyona(Israila), so dəgəm kem ani ri kem, baci səna aɗa, a rakan iɗa kwara, iɗa matkamgu." ⁶ Pukurraucingu dayi da dlame bee mi Yeso ramishigu. ⁷ Akshi da nina kwarrau na matkamgarau, da pərrci kacumshi iɗa kwarrau, Se Yeso da mbashi i ɗau. ⁸ Ndawa gawa da jəb pərta kacumshi i ɗa dəvu gu. Ndau jəgab da jəb kətlayi gabtatin wakakakin, da jəb perrtau i dak devu gu. ⁹ Algagin warra a kəma Yeso, na warra a akau da jəb kurwa, a ramau ma, "Husana i Wən Dauda! Baci barka ne aci mi ani i kun dləgun Məgənyi. Husana i Kakasəku Mula. ¹⁰ Sartu mi Yeso təfeu i kun Urrushalima tənu, se tike i kun ɗa marəm da gu a pərrdai, a ramau ma, "Su gu wam tai?" ¹¹ Algagin gu da ngumi ma, "Sutku aci ne Nabi Yeso, da Nazarrat kə Galili. ¹² Se Yeso da tefi i Wənduwa Səku, da rarki na ndak ɗəbət na masa mak, da kun Wənduwa Səkugu. Da jəmbəli na tebərr nda məsta dagwdadin, na gwajerarin ndak ɗəbət tatabararin. Da ramikshi ¹³ ma, "Atərro da tarrna ma, 'Nda daura wənduwa ganai ma ri magita,' amman kun kwa kata du i gərəɗ kə ndak bəmbəɗa." ¹⁴ Se dluguyayin na ɗukdadin da nai i ri gəri, i kun Wənduwa Səku gu, aci da ngaci na akshi. ¹⁵ Amman marəm pərisaucin na malamcin dumaya ika bik ajab mi aci dlamu tin, mamau ke a tlatli wurakshi i kun Wənduwa Səku a ramau ma, "Husana i wən Dauda," se akshi da shitini nakshi. ¹⁶ Da ramici ma, "Ka kəmu bee ndangu a ramau kuwa?" Yeso da ramikshi ma, "Auwo! Amman ngalte kwa kərratu bai, ma, 'Da miya mamau na kulababin ndak sa anyi, ka ɗawu gədləɓ da wakaci?" ¹⁷ Se Yeso dabzhi na akshi i kun ɗa maremgu, dayi Betanya, da wunyingəri riwu. ¹⁸ Da tlanu aca təka katayi marəm ɗagu tənu. se da kəmna maya ́ Se daki waka ayawu i baka dəvu.da yirəwi amman aci bau bee bai se awai i wakau. Se da rami wakau ma. ''KAye dlama ɗi wambai'' Na tasəna bai se waka ayawu da wu'yingara. ²⁰ Pukurraucingu ika kasən tənu se da dlam ajap.da ramma,"Nana waka ayawugu wuɗəngara go-tasənaʔ" ²¹ Yesu da ngumi da ramikshi ma, "Jirre na rame kun, kun na iman , ke go-shakka nin, kwa dəmu na dlama bee mi rəma na mi nda dlami waka awayu təku ngum, harr kwa dəmu na rame guguyak təku ma, ' Apci na kəm da sau, ka vəgi kun anku tiwu,' a pətangara. ²² Zam tamke kwa wilu i kun magita na iman nin, kwa bi du." ²³ Sartu mi Yeso təfi kun Wənduwa seku a gugza tənu, se marmamin perisaucin na gazgaraucin ndawa danai, da jayaci ma, "Na izni(kərrmai) gaye(tawan) ka dlama bangu?" ²⁴ Yeso dangumikshi ma, "Iyu ke na jaya kun, kwa ramdanai nin, i ye na rama dikun, ko na kərrmai tawan na dlama bayangu. ²⁵ Baptismak Yahai vəreu da rawan, da dẹsku rra da ri ndiwa?" Se akshi da dlam shawarr i witakshi, ma, "Wa ram ma, 'Da dəsku nin,' a rame wa ma, 'Gaɗa gemo wa dlam iman na atu bai?' ²⁶ Amman wa ram ma, 'Da ri ndawa nin,wa kalu algu gada akshi mak ma na yahaigu nabi." ²⁷ Se akshi da ngumi Yeso da ramma, "Ja zəga bai. Aci ye da ramma, " Iyu ke na ramekun bai, ko na izni(kerrmai) gaye(tawan) na dlama bayangu. ²⁸ Amman kwa tuman gəmo? Nən ɗagai na kutli shirin, se da yi gayi, da ramma, 'Wənganai, aci ka dlama wana gusku i kun kam ganai.' ²⁹ Se wungu da ngumi da ramma, 'Na dlamau bai,' amman daku gu, gəshi gəri da palcingara i ɗa bee mi aci ramu, se dayi. ³⁰ Se warrau da yi iri wəngəri ke mashirin, acu kuwa da ramma.' baci wənduwa ga. na ya' amman da kurna nya. ³¹ Tai i kun mamau shiringu ɗəgu na bee mi afku rami ci?'' Akshi da ramma. ''Kə səkurr gu.'' Yeso da nguni da ramikshi ma. ''Katanas. Jirre na rame kun. a dəmu na dlaɓa i nda gən arrajo na nda gawa tapai da təfi nakshi garva Səƙu da wərmi na kun. ³² Gaɗa Yahai baci Baptisma deu gaɗa kun. da gugzhi dəvu adalta. amman kwa dlam iman bai. Nda gən arrajo na kəlakawaɗn ƙuwa dlam na iman na aci. Kun kuwa kwaika na bee wakatu amman kwa dlam tubi wəmbai balle kwa dlam lman. ³³ A kəramtina rama gagənawa dama wam; nda dlam nən ɗagai na kam marəm, da zəgəm i kamgu, da bədli vək kə yayi am inabi, da ɗalmi dababərak kə ra/gadi kamgu. Se da bar na haya kamgu i ndak rəwai inabi ɗagai. Se dayingəri i Lardi ɗagai. ³⁴ Lakwtu ngwa ɗi inabu dlamingara tənu, se da wanyi gabayayin gəri jəgab i ri ndak riwi kam inabigu gaɗa da barici kurak ɗigu kəri. ³⁵ Amman ndak rewi kamgu da jəb gabayayingu da dadgi gayi, da təki na gayi, vərkaki gayi na guguyayin. ³⁶ Se baci gayi da wanyi wanyi gabayayin dama wam, mi ɗəka na kə səkur gu, amman ndak rəwi inabi gu, da dlamikshi kakə warra dlami gabayayin kə səkurr gu. ³⁷ Da kuk sən, se baci kamgu da wane wəngəri kə aɗagəri i rikshi, a ramau ma, 'Akshu a bari na martapa i wənga nai' ³⁸ Amman ndak rəwi kam inabi gu ika wən baci kam inabu tənu, se da rami gatukshi ma, 'Sutku aci ne baci gado gu, Anna wa təki na aci, wa bi na gadogu.' ³⁹ Se akshi da maci, da vərki na aci da kun kamgu, da təki na aci. ⁴⁰ To baci kam inabi gu deu nin, aca dlam gəmo i ndak hayagu?" ⁴¹ Se akshi da ramma, "Aci a kambeta na kəlaɗoɗin ndiwa təku, da bari na kamgu i haya i ndak riwi inabi ɗagai wam, warra a bari na dagwda gaɗa inabu lakwtu mi ɗi gu nawa nakshi nin." ⁴² Yeso da rami ndau ma, "Kwa kərratu bai i kun Kakkadi Kakasəku? ma, 'Guguyak warra ndak ləma kuru du, dlamingara guguyak mi rəmadu i kərrmai." Sutku rro da ri Məgənyi, ke bik ajap bi ko i daa kun?" ⁴³ Gaɗa kasən na rame kun , nda gen na gava Səku da ri kun, nda baridi ndak lardi warra a bari ɗi bəlan kə garva Səku. ⁴⁴ Tike mi dagami ɗa guguyak təku nin a rukɓangəri. Amman tike mi guguyak təku vəgi ɗa gəri nin, a naya na aci." ⁴⁵ Marəmamin pərrissaucin na Parrisaucin kəma rama na gagənawa təku tənu, se akshi da sanuciduma Yesogu a ramau na akshi. ⁴⁶ Amman sartu tawamke akshi ancu jəba gəri nin, se da dlam nakshi kalu ndawa, gaɗa ndawa ma na aci nabi.