¹ Aku yeso damuna ramatku, seda tlai da Galili da nai lardi yahudiya da pala anku Urdun. ² marǝm algi dǝge aci, acu ke da ngatakshi i riwu. ³ Parrisaucin da nai i ri geri, da kaktlaci, maya, ''Kalkal bi, nen da ta'yi ama geri gada hal tawanke?'' ⁴ Yeso da ngumi da ramma, ''Kwa kerratu bai, ma aci mi dlamakshi tin sekurr gara ,dlamakshi, gemsek na gama? ⁵ Aci mara dlamakshi ram wam ma, gada kasǝn nǝn gǝmsǝk ai vai na afǝkgǝri na migǝri, datlibɗǝngǝri na amagǝri, shiringu da dlabnakshi be gayi? . ⁶ gususku akshi tǝka shirin wambai amman tǝka gayi. Gada kasǝn, kakasǝku nǝbkǝdǝn, nǝngaiwa da ɓura bai. ⁷ Akshi rami ci ma, "Gaɗa kəmo nabi Musa barija linok ki bari kakkadi ta ta'yi na kə rarka?" ⁸ Se a ci da ramikshi ma, "Gaɗa gauɗak gəsha ku ne, nabi Musa aivu kun kwa ta'yi amatən kun, amman tən səkur kasən bai. ⁹ Na rame kun, nən tawanke tadu ama gəri, amman gaɗa tabai nin, da zəbi dama to a tapai. Nən tawanke mi zəbu ama gataɗak, a tapai." ¹⁰ Pakuraucin gu da rami Yeso ma, "Tlabin gara kasən nin, a tlaman gara bəlan nən da dlam zəba bai. ¹¹ Yeso da ramma, "Nən tawan ke bai a gən na gugza tuku, se ndawa mi ardatu nakshi da gənyi. ¹² Na ndawa mi da'yawakshi, i mbasu gamsak bai, mi tun da kun mikshi da 'yawakshi ka sunu. Na ndawa mi dlaɓu gamsak bai gu, dawakshin ndawa da dlaɓ kasunu. Ke na ndawa mi dlaɓu gabsak bai dawu aɗakshi da dlaɓ ka sunu gaɗa garva dəsku. Nən wara a dumana gənyi gugza tuku, a ci da gənadu. ¹³ Se ndawa dani di ci mamau gangamin gaɗa aci dampikshi aikwak i aɗak shi da dlamikshi magita, amman pukurraucingu da dapci nakshi. ¹⁴ Amman Yeso da ramma, "Aivina mamau gamgamin, dani ri ga kwa daptakshi bai, gaɗa garva Səku kə zadakshi." ¹⁵ Dampi aikwak gəri iɗa mamau gu, se dayin gəri da riwu. Se nən ɗagai da nai iri Yeso da ramma, "Maləm, na dlam be bəlan tawan, na bi aro mi go dadəgeri?" ¹⁷ Yeso da rami ci ma, "Gaɗa gəmo ka jayaga, iɗa be bəlan? Gayi ne bəlan, kan cu ka təfi garva Səku nin, a ɗəgi dumaya." ¹⁸ Warau da ramici ma, "Tawan da kunu dumayau." Yeso da rami ci ma, "Katka nən bai, ka dlama tapai bai, ka dlama kəra bai, ka wuda ngadar i nən wambai, ¹⁹ a bari martapa i afək ci na mi ci, a ntuti makapət ci ka aɗa ci." ²⁰ Se mapəndu da rami ci ma, "Na dəgəna bayangu mak. Na maka gəmo wam?" ²¹ Yeso da rami ci ma, "Kan cu ka dlam na ci go aipu nin, a ji ka dəɓji na be tawanke mi ci na atu, ka bari na dakwdau i ndak tluwa, ka bi na bərəɗ i dəsku. Se ka nai ka dəgayu. ²² Lakwtu mi mapəndu kəma be Yeso ramu tənu, Se da kalakcin gəri na dləmit gəshi, gaɗa avci baci ləman gawa. ²³ Yeso dca rami pakuraucin gəri, "Jire na rame kun, a dlaɓa təta i baci ləman da təfi i garva dəsku. ²⁴ Zam na rame kun, a rəmudi 'yale i dləgəmau, da təfi da məzba alibram, damiya baci ləman da təfi garva Səku." ²⁵ Lakwtu mi pukuraucin gəri kəma kasən tunu, da dlam ajab tlaparr da ramma, "To tai abi ra?" ²⁶ Yeso dai kakshi, da ramma, "Iri ndawa nin, su təku a dlama bai, amman i ri Səku nin, go be mi a ɓədamu." ²⁷ Se Bitrus da ngumi da ramma, "Aki, jaivina be tawanke ja dəga ci. Ja bi gəmo?" ²⁸ Yeso da ramikshi ma,"Katanas jire na rame kun, i duniya mi ni lakwtu mi wən gənin dan mbasu iɗa kwajere garva kə saksakta gəri, kun ke kwa dəgə na iyu nin kwaye mbasu iɗa gwajere guma ayuwo shirin kə garva, kwa dlam shariya i zaɗak guma ayawo shirin kə Israila ²⁹ Nən tawanke mi bəzu na wənduwa gəri, na yaganaucin gəri gamsak na gamaɗ, afək na mai, mamau, ko kamin gaɗa dləgun ga nin, a bina atu har kurak danamak har a bina arro mi go dadəgəri. ³⁰ Amman ndawa mi kə səkur a dlama nakshi i akau, ke akau a dlama nakshi kə səkur