¹ Parrisaucing na Sadukiyaucin da nai gaɗa da kaktlaci, se da jaya cima, da tatkikshi bik ajap/alama/bee dagai i guva desku. ² Amman aci da ngumi da ramikshi ma, "Lakwtu dagaduwau dlamin gara nin, se kwa ramau ma, 'ndaye lakwtu belan i ɗaagu, gaɗa guva desku dlamingara bau.' ³ Pəɗək nin ke, kwa ramau ma, ɗagu aye dlaɓa gabshu gusku, gaɗa guva dəsku gəɗ bau, ke cimna rawanke.' Harr kwa dəmu na parrakta tamke da ri pakaye alama/genawa da guva desku, amman kwa dəmu parrakta bee bai da alama/genawa lakwtatin. ⁴ Kelado zaman ndak tapai a maka alama/genawa, amman go genawa/alama mi nda baritu, se genawak Yunusa." Se Yeso dabzhi nakshi, da yingəri. ⁵ Pukurraucingu da nai da baka tiwu, amman akshi tuwayu na mayi burrodi. ⁶ Yeso da dlamikshi rama, ma, "A ankaltina, zam kwa dlam ankal na yist ke Parrisaucin na Sadukiyaucin." ⁷ Se pukurraucingu da banji rama i gatukshi ma, "sutku gaɗa wa me burrodi bi rro." ⁸ Yeso zega sau tənu, se da ramikshi ma, "Kun nda gangamin iman, gaɗa gemo kwa təka rama i gatukun, kwa ramau ma, sutku rro gaɗa kwa meu burrodu bai? ⁹ Biwu kwa yankintu bai, ko kwa tanu bai, dəgul burrodi kə dubu vaɗ tənu, na daɓərr nawan kwa cacpuu? ¹⁰ Ko dəgul gatkasa kə dəbu huɗu, na daɓərr nawan kwa ngwau? ¹¹ Nda dlam nana kwa sanutu bai, ma, rama warra na dlamikungu, game na burodu bai? A ankaltina, cam kwa dlam ankal na yist kə Parrisaucin na Sadukiyaucin." ¹² Se akshi da ganecidu, ma acu, a ramekshi,bai ma akshi da dlam ankal na yist mi akun burrodigu, amman, da dlam ankal na gugza warra Parrisaucin na sadukiyaucin a dlamau. ¹³ Lakwtu mi Yeso deu i kun palla Kaisarriya Pilipi tenu, se da jayi pukurraucingəri, ma, "Ndawa a ramau ma wəngənən gu nin tai?" ¹⁴ Akshi da ramma, "Ndau jəgab ma Yahai Baci Bptisma, jəgab ma, Iliya, ndau ɗagi ke ma Irrmiya, ko gayi da kun nabaucin." ¹⁵ Aci da ramikshi ma, "Amman kwa ramau ma iyu gu tai?" ¹⁶ Se Simon Bitrrus da ramma, "Ci ne Masihu, Wən Kakasəku Babu Arro" ¹⁷ Yeso da ngumi da ramici ma, "Baci barrka ne ci, Simon wenə Inusa, gaɗa tatki ci sau nin tləwai na, dədəm bi rro, amman Afək, mi a dəsku. Cam iyu na rameci, ci Bitrrus , i aɗak guguyak təku, na ləma coci ganai. Mi mavgagin hadis a dlama kenasarr i aɗa gara bai. ¹⁹ Na barici shurram/mabuɗi kə garva dəsku, ke betawanke mi kwa təpu/taksu i duniya, dlamingara be mi nda tepudu/takwsudu, i dəsku. Zam betawanke mi kwa fətku i duniya, nda fətkədu i dəsku." ²⁰ Se Yeso da gab'i pukurraucingu ma , akshi da rame nənwambai ma aci ne Masihu. ²¹ Da lakwtu tənu, Yeso da ɓanji ramau i pukurraucingəri ma, dolle a ci da yi Urrushslima, da shi bone gawa, i ami ndawa gazgaraucin, na marəmamin perisaucin, na malamcin dumaya, nda təki na aci, nda tlati na aci wam na arro, i gafa yuwan kə makwan. ²² Se Bitrrus da yi na aci, i baka, da ramici ma, "BItku da dlaɓa pəɗəm na ci, Məgənyi; bitku ngalte, a wakata na ci bai." ²³ Amman Yeso da məstai da rami Bitrrus ma, "A kaci akuga, ləspərr! Ci tumtum dasaga, gaɗa ci, ka dametu bai ,na bayangu, kə Kakasku, amman se bayangu kə ndawa. ²⁴ Se Yeso da rami pukurraucingəri, to, nən tawanke anci ɗəga ga nin, dolle da dlam gamɗaya aɗageri, da mi na dəm dləga gəri, dan da ɗəga yu. ²⁵ Gaɗa tike, warra ra arro gəri nin, a bukadu, tike ke buku arrogəri gaɗa ga nin a bi du. ²⁶ Gaɗa ribau tawan, nən a biwuu, da bi na duniya mak , amman da bukəna arro geəri? To tam, nən a dəmu na baru, da palci na arrogər? ²⁷ Wengenen aye ni, i kun saksakta Afəkgəri n maleikaucin gəri. Se da biyaci warrau tawanke iɗa wanagəri. ²⁸ Katanas, jirre na ramekun, na ndau jəgab da kuna kun mi darr'yi, i ritku, mi warra a tamba mutu bai, se akshi ika wəngənən a təka ni, i kun garva gəri."