¹ Masipu dlǝdu nawa dlǝgdau kǝ jire.gaɗa kasunu sai kwaɗi blǝlan kwa sukuna kaci da kau bai ii kunu guzapina wam bai. ² To iyu Bulus na rame kun kwa yardatu nda dlami kun wuda, Masipu a banata kun na be wambai ke nan. ³ Na sukuna nana te kun duk nǝn mii yardatu nda dlamici wudan, iɗa jibǝngara da ɗigǝ sheria. ⁴ Kun mii kwa maka rra da ri Sǝku dari ɗiga sheria, kwa dlagdina kun dari Masipu ke nan, kwa kurna herr Sǝku. . ⁵ Gaɗa wa dari kǝrmai Nǝnwa Sǝku, wa ɗawa gǝshi iɗa wabi adalta Sǝku gaɗa barr jirewa. ⁶ Wa kunu Masipu Yeso nin, wuda na buka wuda a akshi a miya be bai.Barjirewa mii tattka intau atu ne be. ⁷ waci kwata kǝma rankata.Dabtu kun na ɗiga jirewan tai? ⁸ saksakta mii nda dlame kun da rii nǝn mii ɗauri kun bai. ⁹ Gangam yeasti a ɗawa be fincik da tlatlari. ¹⁰ Na ardatunga na kun i kunu Mǝgǝnyi, kwa ɗiga rama ɗagai dama na ka bai,sutku mii a tlatli ankal kun a saa hagata ko acin tai. ¹¹ Amman yaganaucinga, da gusku yaye na dlam wagǝrma wudan, to gaɗa gǝmo gusku yaye nda boneta ga? da ka sunu nin da nda dabana kuri na dǝm dlǝga Masipu mii a ɗawau! ¹² da nda ramma ndak tlatli ankal tunu da dlamnakshi dǝgurarin! ¹³ Yaganaucin nda ɗauren kun gaɗa rra, kwa ma dlǝdda mii nda dlami kun iɗa haal Nǝn gaiwa bai, sai dai kwa ɗǝgǝ tǝka kun na intau. ¹⁴ Gaɗa nda kwabtuna sheria i kunu tǝlam gaitaik atu ne " Antuci makapukci kaki aɗa ci" ¹⁵ Amman kwa ngubta tǝka kun nin, aa ma ankal gaɗa ɗayu aɗakun. ¹⁶ Ramaga nin atu ne a dlamina mbasu Nǝnwa Sǝku amma kwa ɗigǝ haal Nǝn gaiwa bai. ¹⁷ Gaɗa haal Nən gaiwa aa gaba na Nǝnwa Sǝku, Nǝnwa Sǝku ke a gaba na haal Nǝn gaiwa. Akshi shirin tuku aa gaba na tǝkakshi harr kwa dǝmu bee mii kwan cu bai. ¹⁸ In Nǝnwa Sǝku aɗa gayi na kun nin, kane sheria a kǝrmai na kun bai. ¹⁹ Wana haal Nən gaiwa a patata, akshi ne, wana tapai na wana maka aamatu, na bik dlǝamatu, ²⁰ Na gusapuna na garvamcin, na aasirr na kurri na gam,ɗaya na gurru, na ma gǝshi, na inntu aɗa, na rabata aɗa, na, gamɗaya, na ma gəzhi, buka nibka aɗa. ²¹ Na ta gǝshi, na kuyo, na wana vatku, na kakǝni zadakshi. Na gabaɗ kun kakǝ mii na gabɗikun waci, na ramekun maya ndak dlama jandau, akshi na nuba bai ii kunu garvak Sǝku. ²² Barka Nənwa Sǝku atune, inntau, kunno, na salam, na kanadi, na dlama be bǝlan, buka kǝmangar, na tatka jirewa, ²³ Na kasakta, na jiba aɗa. Ndak dlama zadak wana tuku, ngalte sheria a jibakshi bai. ²⁴ Nwawa mii kǝ Masipu Yeso nin, akshi dlǝgǝ na haal nǝn gaiwa na gabshi intau dama-dama. ²⁵ In lamar mbasawa kǝ Nənwa Sǝkun, sai wa rakǝni na lamar wa dari kǝrmai Nənwa Sǝku. ²⁶ Wa dlaɓa ndak ruburubu bai, wa maka miya tǝkawa, wa kǝman gar ii tǝkawa.