¹ Su Bulus muwanak - Muwanak da dari nən bai amman mawanak ganai dari Yeso Masipu na Kakasəku Afək, waara tlatla ci da mutu. ² Na duk yaganaucin mii waara aɗa gayi na 'iyu, Na tarnau I kilisiya kǝ Galatiya. ³ Herr Yeso Məgənyi na salama məgənyi afawa da dlaɓi i aɗa kun. ⁴ Mii barr aɗa gəri gaɗa aibawa gaɗa dariwa da kun gabshi zaman tuku, i dak intau kǝ Afawa. ⁵ Saksata da dlaɓi kǝri harr dumara.Amina. ⁶ Na jabtu be waara ɗawu kwa kalakcina kun kaɗe i nye zadak labarr herr dama. Na jabtu iɗak məsta kun dari nən Waara ɗaure kun da rii herr Masihu. ⁷ Na labarr herr dama bai, amman na ndawa ɗagai dedi kun tlatli ankal gaɗa da dlǝmcina labarr herr Masipu. ⁸ Amman, ko ja ko Malaikawaucin da dəsku dlamikun wagərma dama ii labarr herr dama na mii ja dlam nǝn, Məgənyi da tlarya na aci. ⁹ Ka kǝ mii ja rami kun tǝn waci gususku zam na sukna rame kun, "I ɗagai ani dikun wazərma dama kǝ labarr herr dama na mii ja dedi kun nǝn, Məgənyi da tlarya na aci." ¹⁰ Na maka saida ndawa ko kǝ Kakasəku? nan cu ndawa dakǝmi karak gabi? zam gusuku nan cu ndawa dakəmi karak ga nǝn, zam i gǝzub ki Masipu bai. ¹¹ Nancu kwa zǝgi, yaganaucin, labarr herr mii na wagərma garau dari nən gaiwa bai. ¹² Na gǝne atu da ri nən bai, na nən gugza atu bai, I sərum kasənu, dari tatka Yeso Masipu ii riga. ¹³ Kwa kəma na labarr mbasu ii kunu yahudaucin, ka kǝ mii na tatku bone ii Ikilisiya Kakasəku, kuru na dlǝmtu na atu. ¹⁴ Na kəma-kəma i kunu Yahudaucin na ii kunu nda ganai ii Galatiya. Na ɗawa aɗa gawa ii kunu kǝlado Afafkin ga. ¹⁵ Amman dlamin gara bəlan ii rii Kakasəku da cikɗa 'yu da kunu ma 'yawu ga. Da ɗaura 'yu da rii herr gəri. ¹⁶ Tatkǝ wən gəri da kunu ga, gaɗa na dlam wagərma gəri ii kunu ndawa mii zǝga Səku bai go tasina, na maki shawar nən bai. ¹⁷ Na ji Urshalima bai ii rii ndawa mii dlamnakshi mawanaucin kafin 'iyu. I sərum kasənu, se na yinga ii Arebiya, da sunu se na ninga ii Damasku. ¹⁸ Aku aaman kwaan na yinga ii Urshalima gaɗa na zǝgi Kefas, nan mbashi na aci kǝ 'yuwan guuma ayawa vaaɗ. ¹⁹ Amman naika ko gayi bai da kunu mawanaucin bai sai Yakubu rugeri, yagana Məgənyi. ²⁰ ii kunu be natarne kun ii kəma Səku, na dlam ngadar bai. ²¹ Da sunu se na yin ga ii cidi Siriga na Silisiya. ²² I sartu na nən mii zəga 'iyu da na da bai ii kunu Ikilisiya Yahudaucin mii a kunu Masipu. ²³ Amman se akshi a kumu labarr ga, "Nən mii waci a barikshi bone gususku a tǝka wagərma barr jirewa mii waci aci a tǝka rǝbgau." ²⁴ Akshi a gədləɓ Səku gaɗa ga.