¹ Darii Bulus mawanak Masipu Yesona intu Səku na Timoti yaganawa. ² I nyee rii ndak iman na jirewa yaganaucin ii kunu Masipu mii a Kolosiya. Herr na salam Səku afaawa da dlaɓa a ɗa kun. ³ Fatawanke jaa sambarkata Səku Afawa, Məgənyawa Yeso Masipu,dǝk lakwtu mii ja dla me kun magita. ⁴ gaɗa Ja kəma labarr jirewa kun ii kunu Masipu Yeso, na ntau mii kun na atu ii ndawa waarra barr na aɗakshi ii Səku. ⁵ gaɗa ɗawa gǝshi waarra ndampe kun ii dǝsku.kwa kǝma na labarrgu ii kunu rama jirewa ⁶ Atu ne labarr wagǝrma mii dekun, kaki mii dew ii duniya mak aa tlǝpapǝna, zam atu aa sǝkuna pǝtlayu, kaki mii a dlamau ii gadavakun tǝn gafa warra kwa kǝmau, kwa yakintu na rama herr Sǝku kǝ jirewa. ⁷ Ka sunu ke kwa gugzu dari Afaburus, mantau baci gǝzapuna wa. Aci baci aaman, baci wana kǝ Masipu ii sǝrrǝm wa. ⁸ Aci ramdija ntu mii kwa dlamu ii kunu nǝnwa Sǝku. ⁹ Gaɗa bee ɗawu tǝn gafa waarra ja kəmau labarrgu ja bəzə dlame kun magita bai, Ja wiila nda niyi kun na zəgayak ntu Sǝku na aasǝm na zǝgyak nǝnwa Sǝku. ¹⁰ Gaɗa kwa dlam mbasu waarra kalkal na gǝzapǝna Mǝgǝnyi kwa parraktici da dǝvǝ tawanke, kwa barr paida ii kunu wana tawanke, kwa sǝkunyi na zǝgayak Sǝku. ¹¹ Kasku da ɗauzatu kun na awayau, tlaparr da rii awayu martapa gǝri, gaɗa warii tǝrr ii kunu kanadi na arawai gǝshi. ¹² Kwa sambarkate Afǝk,wararra ɗawu wa wa bacii bii nuba ii kunu gado kǝ ndak kalu gǝri mii a kun ɗa ayuwa bai. ¹³ Aci danawa da kunu ayuwak garva, da kaci nawa ii kunu garva wǝngǝri waarra aci ntutu. ¹⁴ waarra wa ba rra da rigǝri tǝnu, da tǝbtidiwa aipawa.. ¹⁵ Wun gəru aci ne gənawa Səku wara wa lawan gu bai aci ne matkam kə sukur da kunu be wara nda dlamu. ¹⁶ Atəro nda dlam tanke dari gəri, be wara a dusku na be wara aɗa gagiwak, wara nda lawan gu na wara nda lawan gu bai . Ko nda aɗa gwajere nda nta ndawa , ko nda garva ko kərmai, jandu təku dlamən aci gaɗa aɗa gəri. ¹⁷ Aci a kəma na tanke, kuru be tawanke ga jibak i kunu gəri. ¹⁸ Aci aɗa i təka ikilisiya gu, aci ne kə sukur kuru matkam sukur i kunu ndak mutu, aci ne rai kə sukur i kunu be mak, ¹⁹ Gaɗa Səku a pərɗai iɗa be ga jibak tawanke a dlaɓa i kunu gəri. ²⁰ Kuru aci saloti tanke dari Wungəri, be tawanke aɗa gəri. Səku dlam salam darik dədəm kə dləga gəri. Səku kalakte na be mak iɗa gəri, ko be wara aɗa ko wara a kunu dəsku ²¹ A sartu ɗagai kun cam kun magərafcin i Səku na nda kuri gəri i gəshi na gaɓshu wana. ²² Amman gususku aci kalakte na kun da rik təka gəri wara nda lawangu da duvu mutu. Aci dlam kasən gaɗa daiki kun ga vuyak go aipu, go bik ngupta i kəma gəri. ²³ In kwa tana kəma i kunu iman, arɗina tərr kwa dlagda da ɗa duvu kə awayu tuman jirewa wazək wara kwa kəmau. Sutku ne wazək wara nda bari labar gu i nən wara nda dlama ci i dusku. Sutku ne wazək wara iyu Bulus, na dlaɓən ga guzuɓ. ²⁴ Gususku iyu na pərɗai i kunu bone ga gaɗa kun, na niyi na təka ga wara mbotu i kunuk sa bone kə Massipu gaɗa təka gəri wara atə ne coci. ²⁵ Atəro gaɗa coci təku na dlaɓə guzuɓ dari wana wara Səku baranai gaɗa kun gaɗak jibka təlam Səku. ²⁶ Sutku ne ashir kə jirewa wara nda dəɓsu du zaman na ndak tlayi. Amman gususku nda paraktu du i dək ndawa wara dlam na iman na aci. ²⁷ Akshi ne Səku ntutu da tatkik shi bərəɗ kə kərmai kə ashir jirewa təku da gadava ndawa wara a ɗəga bai. Atəro Masipu a kunakun, tuman kərmai kəma. ²⁸ Sutku aci ne wara wa barə labarr gu, wa gaɓ'i nən tawanke, wara wa gugza wu na asən mak gaɗa da tatki nən tawanke canduwa i kunu Masipu. ²⁹ Gaɗa sən ne na dlam gənpu na ɗawa aɗa darik awayu gəri wara a wana i kunu ga i kunu kərmai.