¹ Shawulu cam muɗikshi akau tǝk Istifanus. I gafautin marum dakinekine davigai in ɗa ndak niga Yǝso ikun Urusalima; gid dawayina akshi ku ɗa Yahudiya na Samarisa, se gazin mawanaucin rukshi. ² Sai dawa ɗadai dak kalau suku da ni da dabgina guvu-Istisanus Akshi dan pi mavum kima auɗu. ³ Aman Shawulu dlam marum ɓana in dǝk ɗiga suku, atufa waduwawin a jiba dǝk ɗiga a matin na gamsaɗin mak, da ɗawuna akshi ikun dilo. ⁴ Gidna kasau, dak niga miwara da wayakshi tun at ka wazik kǝn her suku. ⁵ Filibus dingǝri ɗa Samaria da da dlamikshi wazik her kǝk Yǝso. ⁶ Lokwtu miwa ra algi kɖmau da-ki wam bi ajab miwara Filibus dlamautin se da dlam nakshi shasharau kirumta gǝri. ⁷ Ndawa gawa mi kǝrimtakshi, se zuwawin da viri da kunakshi na kurwa, ndak ranu na ɗukdadin gawa dan da gatinaleshi. ⁸ Gaɗa su na kuno tlapar i ɗagu. ⁹ Amman na nin ɗagai i ɗagu baci dlugun Saminu, aciu baci gompi, dǝk Samariya ajabta na bimiwara aci a dlamau, aramau ma aci marin nin ɗagi. ¹⁰ Ndak Samariya mak, tun da daɗa marun inye gangam gid, akirimta gǝri, aramauma, "Nin tuku kirmai suku marum ikunu gǝri." ¹¹ Akirim ta gǝri gaɗa dlam dikshi bik jabtagawa na gompigiriu kǝ gasbir lokwtu. ¹² Amman lokwtu miwara akshi kasaktinakshi na rama Filibus iɗa gara suku na tlugum Yǝso, sai da dlamikshi baptisma, gid amatin na gamsaɗin. ¹³ Simon can na aɗagǝri barna jirewa: daku da dlameci babtismatin, da jib ɗiga Filibus, lokwtu miwara ikau wanami nunu-wasuku adlamau dari Filibus tun, sai da jabti biwu. ¹⁴ Lokwtu miwara muwanaucin i Urusalima ma Samariya cam gin na rama suku, sai dawanikshi Biturus na Yohana. ¹⁵ Lokwtu miwara akshi zade tun, se da dlamekshi magita, gaɗa da bi nunuwa suku. ¹⁶ Gaɗa her lokwtugu, akshi babtisma ikun dlugun Yǝso. ¹⁷ Biturus na Yohana danpi amikshi i aɗakshi, sai dabi na nunuwa suku. ¹⁸ Lokwtu miwara Saminu ikan, da ri piamai kǝ muwanaucin dabi nunuwa suku, sai aci da barikshi dakda. ¹⁹ Daran ma, "Abarina kǝrmaituku cam, gaɗnin ta wanke nan pici aminin da bi nunuwa suku." ²⁰ Aman Biturus darnici ma, "Ciu na dagda ciu, kwa kambetanaku gaɗa katumangu, dabi nunu wasu da rimasa. ²¹ Cina nubabai ikun bitku, gaɗa gishaci bilanbai ikǝma suku, ²² Gada sutku a dlam tubi i ɗa kimangarciu, a dlum magita i mǝgǝniyi, koda a tubtadici kimangor gishaciiu. ²³ Gaɗa neika gishaciu ɗugwagwak ciu da takwsa ikun ipu." ²⁴ Simon dauri ma, "I dlamanai magita i mǝgǝnyi ga gaɗa, gaɗa bitkumiwara karam tunu dawakatinabai." ²⁵ Lokwtu miwa ra Biturus na Yohana damina dlam wazik i Samariyatun sai dakatai i Urushalima; atka wazik in ɗa tawan ke kǝk Samariya. ²⁶ Se malaika suku da dlam rama na Filibus ma, "Atlu kayi dari Aɗau i miya duvu mi vire da Urushalima in ye Gaza." ²⁷ Se da tli da yi riwu. Na tasinabai, sai so nin ɗagai nin Habasha, aciu nin gasgara, babu marum gwajere i kum garva kanda katu digim Habasha acine babu inpi ɗagu, deu Urushalima gaɗa da dlam nakwana. ²⁸ At ka kaci danbasu ikun keke dukagǝri, at ka kirata kakkadu nabi Ishaya. ²⁹ Se nunuwa suku darami Filibus ma, "Aji karɗi i dan tu keke dukatiu," ³⁰ Filibus da rawi i gǝri, dakǝrimtaci kirata kakkadu nabi Ishaya, da ramici ma, "Kasgana biwara ka kirataubi?" ³¹ Nin Habashau da ram ma, "Na zigiwunana, se ɗagai tatkanainin," sai da wili Filibus datfai dan basi na aci ikn kakagu. ³² Ri wara a ciu a kiratugu ram ma, da iyawa ci katumatu niwara da yedu iri zayad; kaki matkam gwamak iri da wuda yadgǝri dakwuyi gǝri, aci rubti maya gǝribai. ³³ Da dlam dawu muwa, dak gwasidirici jiregǝri. Taiwa adumu da bar labar zaman gǝri? gaɗa da bmana a rogǝri da dusku gagai. ³⁴ Se nin habashau da jayi Filibus ma, nabitku arama iɗa tai? I ɗagǝri ko nin ɗagai?" ³⁵ Filibus da rubci miya, dabanji da ɗa kakkatu nabi Ishaya, da dlamawu wazik Yǝso. ³⁶ Akun rakan sai da tase am; nin habashagu da rammi Filibus ma, "sotai am adaftaunin tam dlama babtisma." ³⁷ Filibus darama wu maya, "kabarna jirewa na gishaci gid nin, da dlama dici babtisma nin habashau da ramma, "Nabarna jire Yǝso wun suku." ³⁸ Nin habashau dan darina keke dukai, se datfi nakshi ikun amgu aci na Filibus, sai Filibus da dlamawu babtima. ³⁹ Da virenakshi dakun amgutun, se nuwa suku damina Filibus; nin habashau ika ci wambai, dajib rakan ngǝri atka npivdai. ⁴⁰ Filibus se da pakai iazotus se vaiki lardiu a wazik her i ɗa ta wanke, se da aci deu kaisarisa.