¹ Se Agrippa da rami Bulus, "A dlamu rama gaɗa aɗaci." Se Bulus da sukci ami gǝri da dlamu rama kǝ lata aɗa gǝri . ² Na dlamǝn ga baci pǝrɗai ii kǝmaci, Dǝgǝm Agrippa, na dlabi ii kimaci gusku gaɗa karam mi Yahudauci dlamu, ³ gaɗa ci baci zǝgaya ii kunu aada Yahudaucin na be mi akshi a jayau. Nancu ka kǝmtayu na kǝmar. ⁴ Kǝ jirewa Jahudaucin mak zǝgana mbasu ga tǝn iyu mapǝndi i kunu lardi ga na Urshalima cam. ⁵ Akshi zigayu tun sukar gara, zam kasactǝ nakshi na mbasu ga kǝ Baparise, ndawa mi ɗawu na adini i gǝshakshi tlapar. ⁶ Gusku narɗu ii ritku gaɗa nda dlama kagala gaɗa naika alkawar mi Sǝku dlami afafkin wa. ⁷ Sutuku rro alkawar kǝ auɗawa guma ayo shirin mi tumantu da gǝnyi gaɗa a nakwana kǝ jirewa ii Sǝku dǝviɗ na afa. Atǝro gaɗa tuman tuku, Dǝgǝm Agrippa, Yahudaucin a gaada ga. ⁸ Gaɗa gǝmo go nǝn dakuna kun ardadatu ma Sǝku a tlatli ndawa wara gamtak? ⁹ I lakwtu ɗagai na kuraram i gishi ganai gaɗa na dlamu be gawa ki mbasta dlugun Yeso ki Nazareth. ¹⁰ Na dlamu du i kun Jerusalem. Na chimu na ndag ɗiga gawa i kunu dǝlo iɗak linok mi na gǝneu dari Maramcin Priǝtaucin, Luktu mi nda rǝbakshi ke, na ɗǝga akuk dlama kasǝn. ¹¹ Na tatkik shi butkǝna zǝgǝr gawa i kunu susuk dumaya na ɗawakshi da dlam rama gaɓshu. Gǝshi ga ga dlǝmatat tlapar gaɗak shi zam na ravǝnak shi har i lardaucin vǝda. ¹² Laktu mi na dlama sutku tǝn, na yin ga i Damaskus na linok na dokka dari Maramcin Piristaucin; ¹³ na ɗa duvu ga kǝ nya tunu, afa cit, Dǝgǝm, naiki wiɗa da dǝsku mi ɗǝkana afa i parak da ɓidli i baka ga na ndiwa mi a rakan na iyu. ¹⁴ Lakwtu mi ja mak ja dagamu naja i ɗaa tunu, se na kǝmi wura ɗagai da dlama ni rama da miya Ibraniyaucin, 'Shawulu, Shawulu, ka ravan gani gaɗa gǝmo? A dlaɓa tǝta i ci ka jib kǝma be wara piɗpiɗ na zǝgǝr ci.' ¹⁵ Sai na ramma; "Sucitai migiyi? miginyi daucin maya Yǝso mi ka gizatau tin. ¹⁶ Athlu darɗi zigirci, gaɗan pirtik tiku na vireci, ka thlabnaci guzub na be mi na tatkeci i kima; ¹⁷ na rana cidari ndo na dari ndiwa mizga sukubai mi naye wanaci i rikshi; ¹⁸ riptu dakshi tin sai damiste nakshi dari ayuwa iri wiɗa na dari iko lispir iri i kakasku, gaɗa akshi daginyi dari kakashi tubta aibabin nagadodin mi na barishi me wara napuri adaga dari bari jirewa kikunaga. ¹⁹ Gada kasin dagim Agrippa, namuwa be ne kau da dusku bai; ²⁰ amman I ndiwe a Dimaskus sukur, na me a Urshalima, daji lardi Judea, na diwa me zigo suku bai, na thla mikshi wazik akshi dathlan tubi damistenashi ri kakasku, da thlan be kakel na tubi. ²¹ Atu ne ɗawu Yahudaucin da Jiba yu dakun su magita da tǝlan kokari mi dat kani yu. ²² Kakasku da banati naju har guskiyaye, sai nathli narami talakaucin na marimamin ndiwa iɗa bebai mi ɗikana be mi nabacin na Musa ramu ma awakata; ²³ ma Yǝso aye sa bone, aye thlaɓa ki sukar babu thlayi da matu da thli dathlan wazik ɓayan i ndak Yahudaucin na ndiwa me ziga kakasku bai. ²⁴ Bulus damina ra aɗa giritin, Festu, darami na wura sosai, "Bulus cibaci zuwak, marum zigaya ci da tǝlan naci baci zuwak." ²⁵ Amman Bulus daramma, "I zuwak bai, marum anatakau Festue; amman na ramau na awayau rama jirewa na hankal. ²⁶ Digim ro zigana bituku dik, wate narameci na awaya, aturo ndamana hankal ga ma gobe mi da dibsa ari gǝri ndu dik dathlam da diɓsai bai. ²⁷ Kayarda tinaci nabaucin, Digim Agrippa? nazgadu ka yarda tina ci. ²⁸ Agrippa darami Bulus, i Laktu rap ka mista na yu i Kirsta bi? ²⁹ Bulus darammaya, "Na roɓatu kakasku, ma ko i laktu rap ka i laktu gazibir, ciruci bai, amman duk nin Kirimtayu gusku, a thlaɓa kakayu, amman kasinbin sai dilo na sarka. ³⁰ Sai digimgu dathli darɗi, na ngwamna, na Bernice cham, na diwa mi akshi dambasu na akshi aɗagayi; ³¹ laktumi akshi buze susgu, da tǝlam rama igadavakshi maya, "Nangu tǝlan be mi ndatik kaci ko daci yinɗa bai." ³² Agrippa darami Festus ma, "Nangu da ndatad naci inde ɗigu kadi iri Kaisar bin."