¹ Bulus da pǝk ɗa i ndak majalis dǝgǝm, se da rama maya, "Yaganaucin na mbasu na kalau Sǝku har gusku. ² Se marum pirist gu Ananiya nda rami ndawa mi aburam gǝri da kǝma ci i miya gǝri. ³ Se Bulus da rami ci maya, "Ci ke Kakasǝku a wana ci, munafuk" ci babu shariya zam ka ram ma nda kǝmi yu, ai kalkal bai. ⁴ Ndawa mi wara a baka da ramma, "Ka thlamta gǝshi marum pirist?" ⁵ Bulus se da ramma, "Ai nas gabai yaganaucin, ma aci marǝm ki piristaucin, Ai da tarnu maya, "Ka rama gabshi babǝ thlamekun garva bai. ⁶ Se Bulus i kau majalis ndo jǝgab sadukiyawa jǝgab parisawa, a ci da thlam rama na awayau i kun majalis. "Yaganaucin i parist, wun parasis. Gaɗak na samanu thlayi a kuwu mutu, atune nda thlam shariya i aɗau" ⁷ A ci ram kasau tunu se gamɗaya da thlan gara i gadava parisaucin na sadaukiyaucin se algu da bǝrnak shi. ⁸ Nda sadaukaucin maya nda thlayi bai da ku mutu, na malaika bai na Nǝnuwa Sǝku bai, ammman piristaucin ma dǝk wara. ⁹ Se rurau gawa i riu, nda taran jǝgab da kasaktinakshi parisaucin, se da thli dar'i i gamaɗaya maya, "Nangu thlam aibu bai thlam rama gabshu bai. Wate in rami ci Nǝnwa Sǝku ko malaiku nǝn wam. ¹⁰ Zam wam gamɗaya da thli wam rankata, se marum askarbaucin da kalwin gǝri kar nda thlinpiyan Bulus i mutu. Se da rami askarabaucin maya da fuwi i wunduwa diɗa da gumbe Bulus da ri nda majalis gu ndana ci dǝsku. ¹¹ Diviɗ thlam tunu se Mǝgǝnyi dar'i a bǝran gǝri da rami ci maya, "Ka kalwa be bai tunda ka bar na labar ga i Urshalima, ka ye i Roma ka barikshi labar ga." ¹² Da thlanu tunu, yahudaucin jǝgab da ci yinɗa maya, akshi a ta bǝk ta bai ko da shi am bai se akshi tuku Bulus. ¹³ Nda ma yinɗau rǝmana gumu-fuɗu na ayawa. ¹⁴ Akshi dayi i ri marmamin piristaucin na gasgaraucin maya, "Ja mana yinɗa ja ta be bai se jatku Bulus. ¹⁵ Gususku, majalis da rami i marǝm askarabaucin danna ci i ri ci, ka thlameci shariya ci. Ka kija ja sapiretina jat kina a ci. ¹⁶ Wǝn yagana Bulus kǝma na labar ma azaga mutu, se a ci da thli dayi riwu da rami Bulus. ¹⁷ Bulus da dauri babǝ ɗimai riwu da ramaya, "Ami mapǝndi tuku ka yi na ci i ri marum askarabaucin gaɗa a ci na rama a rame ci. ¹⁸ Se babǝ ɗimigu da yi na mapǝndu iri askarabaucin gu se da ram maya, "Bulus a kun dilo da daura ja ma nanna mapǝndu tuku iri ci. A ci na be da rami ci. ¹⁹ Marǝm askarabaucin gu da jǝbi ami mapindu da ɗibshi na ci iri mi wara nda lawan shi bai, da jaya ci, "Kancu rama nai tam? ²⁰ Mapǝndu gu da ramici maya, yahudaucin gu ardati nakshi ma kanna Bulus amzharu i kǝma majalis ka kaye jaya gǝri i ada abiwu gǝri. ²¹ Amman ka barekshi adacibai, gaɗa na ndawa gummu fuɗu na aya a zaga tǝk gǝri. Ndawa tana yinɗa akshi atak tabai ko sa am, se akshi tǝkacin. Gusku kasau ndau a zagau karamik shi." ²³ Se a ci da daure ndak dimai shirin se da ramikshi maya, "A makina askarabaucin danamak shirin da shiryaci i nya fak i Kaisariya, na nda dukakin gumu gatkasa cam, ndak ngas danamak shirin. Kwa thlai gadava diviɗ." ²⁴ A ci daramekshi ma da maki vaya mi Bulus agaya dainachi i ri Felis gwamna. ²⁵ Se aci da tarinyi kakkadi maya: ²⁶ "Claudiya lysias i ba ci martapa felis, na ndima ci. ²⁷ Nangu jǝbacin yahudaucin gaza rab da akshi tǝki na ci, na nukkaci askarabaucin, na ni na a ci, tǝn da nakkamau a ci nǝn Roma. ²⁸ Nan cu na zǝgi akshi a gaɗa gǝri gaɗa gǝmo? se nayi na a ci i ri garvakshi. ²⁹ Na kǝmi maya nda gada gǝri ga da jaya i dayin kilado shi, amman a ci na aibu bai wara batana tǝk ko nye dulo bai. ³⁰ Se ndarama ma ndanchu datkǝna warau, se na thlam kaɗe na wanne naci a ri ci. Na rame ci ndak gada gǝru akshiye na pǝrtǝk bai kǝ ramau i kǝma ci, ka thlap kilapiya. ³¹ Se askarabaucin gu daɗgi kaki mǝn daramikshi: da mi Bulus diviɗ dayi di Antipatiris. ³² Da thlanu tunu, askarabucin gu jǝgab daivi na dukakin daina a ci akshi gatukshi da kate nakshi i ɗakshi. ³³ Sartu nda dukakin gu ji Kaisariya tunu da barna kakkadu i gwamnau, zam da bardi ci Bulus. ³⁴ Sartu gwamanau karantatu kakkadi tunu, da ji ma Bulus vure da lardi tawan, a ci kǝma ma Bulus vure da Ciliciya. ³⁵ A ci da ramma, "Na kǝrǝmta na ci dǝk sartu nda gadachu nǝn. Se a ci ramma da dana ci i kun dilo wunduwa gwamana Hiridus.