¹ Lokwtu akshi dikgu da kun alkariya Amfipolis na Apoloniia, akshi danai I kun alkariya Teslonica, ri mi wara na susu cakpa Yahudaucin. ² Bulus dai rikshi kakimi aci kawangǝri dlamau. Dayin gǝri rikshi, har sabduwakwan akshi a rama dakun kakadu labar Herr. ³ Aci da rupci ramak seku da jib ramakshi ma dlamum gara kiske I Yǝso, da shi bone, zam da tlin gǝri da kun mutu. Aci da rama, "Su Yǝso mi na barikun labar gǝri aci ne Kristi." ⁴ Ndau jǝjap da kun Yahudaucingu, aci da zimakshi dainakshi na Bulus na Silas, a kunakshi ke na Helinaucin mi bar na aɗakshi na marumamim amatau na aligi gawa. ⁵ Yahudaucin mi kurna bar jirewa, da jib ta gǝshi, damin ndawa dǝgai babu kimangar da miyak asǝk, da cacpai ndawa na algi da tlatli na ankal alkariya na ifu. Da jib nanga munduwa Jason akshi ancu danna Bulus na Barnabas I vǝda i ri ndawa. ⁶ Amma, akshi bakshi bi tunu, akshi daji na Jason na Yahudaucingu ikama marmamin alkariyau akshi a aɗan ma, "Ndangu, mi Birtinuna Duniya kalkalbai zam de nakshi ritǝku." ⁷ Akshi ne mi Jason gǝnakshi da kurna Dumayak Ceasar; Akshi ma na, dǝgǝm dama, ma-Yǝso. ⁸ Lokwtu mi Algu na marumamin alkariyau kima biwu tǝnu, da Jigti nakshi. ⁹ Akuk akshi gǝnna dag da ri Jason na ndau jǝgab tǝnu, dai vunakshi dayi nakshi. ¹⁰ Divǝd tǝnu yaganaucingu da wanyi na Bulus na Silas I kun Berea. Akshi zadanakshi, riwu tǝnu dai nakshi kun susu cacpa Yahudaucin. ¹¹ I ritǝnu. ndau na ankal ɗǝka dak Tesalonica gaɗa akshi gǝna tliamgu na gǝshak shi mak, akshi ɗǝga kakadu fatawanke gaɗa daiki ko be nda ramikshigu kasǝnbi. ¹² Gaɗa kasan gawakshi da bar na jirewa, a kunakshi har na, ndak zigaya da kun Helinaucin Gamaɗ na Gamsak gawa. ¹³ Amma, sartu mi Yahudaucin kun Tesalonica, zigadu, ma Bulus jina rama seku ikun Berea tǝnu zam da ɗǝgi na aci riwu dayi da shikshikti na ndak dagu da Jigci na algu. ¹⁴ Se Yahudaucin riwu da wanyi na Bulus dayi gǝri miya anku, daivǝna Silas na Timotawus i ɗagu. ¹⁵ Ndwa mi gurvu Bulus dayi na aci har kun akariua Athens. Akshi i ve na aci i riwu tǝnu, ashi da jib gǝn gabaɗ dari gǝri da ami Silas na Timotawus, i ɗa akshi danai i rikshi kaɗe-kaɗe. ¹⁶ Lokwtu mi Bulus a zagakshi ikun Athens, se aro gǝri da jigti na aci gaɗa aci ika ɗagu na garamcin gawa. ¹⁷ Se da jib samana na Yahudaucin i kun susu cacpakshi na da dlam Nakana i sǝku zam na ndawa mi akshi a ndagǝmi fatawanke i kun a sǝk. ¹⁸ Amman ndawa jigab da kun Epikurawa na stok ndak zigaya da ndagm na aci. Jigab da rami ma, "Nanangu anci da ram ma tam?" Jigab da rama, "Aciu dlam gǝnawa na baci wa'azik sǝkumi nda zigabai," gaɗa aci a wa'azik i ɗa Yǝso na tlayi da mutu. ¹⁹ Akshi dami Bulus dai nakshi na aci i kun Areopagus, a ramau ma, "Jǝgina gugza karara mi ka ramau bi? ²⁰ Gaɗa ka de dija, be karara i kun aguɗja, Gaɗa kasǝn jan ci ja zǝgi ko tam gugzau a kunu." ²¹ (Se ndak Athans dǝk na magǝrabcin mi a mbasu I ɗagu a dlumta lokwtashi i be wambai sei i ramau na kǝrunta be karara). ²² Se Bulus da tli i gadavak dak Areopagus da ramma, "Kun dak Athens, nai ka kwancu addini thlapar i kin dǝvu tawanke. ²³ Sartu na bǝnta naika be mi kwa dlameci nakwana; se naki garum na tarna guva teku, "I kakasǝku mi nda zǝgaci." Be mi kwa dlamici nakwana i kun rashik zǝgaya na rame kun sau. ²⁴ Aci kakasǝku, mi dlam duniya tǝku, na tamke a kunugara, gaɗa, aci Mǝgǝnyi dǝsku na ɗa, A mbasu i kun susu cacpa bai, mi nda tlamu na aikwak. ²⁵ Ngalte nǝn gayuwa dinaci na ami bai, kaki aci na jigtu be ɗagai, gaɗa aci ne a bar aro i ndawa, na mafiya na be tawanke. ²⁶ Zam da ri nǝn gaitak aci da dlam ndawa in kin lardi dam mbasu aɗagai da dlamdik shi lokwtu duman na bigǝla na dadigərik ri mbasakshi. ²⁷ Gada kasen, akshi da maka seku, da wanange akshi a zajinakshi i rigǝri Akshi dabi na aci, kuru zam aciwu pǝɗəm bai, da ri nən tawanke wam. ²⁸ Gaɗa i kun geri, wa na aro, wa dabi wayi rawanke wabi be wacu. Kaki zəgi rama kun gayi ramma, "Gaɗa waye cam zuriya gəri." ²⁹ Gaɗa kasen tənda wa zuriya kakasəku, wa mai gəshi wa bai ma, aci dlamingəri ka, azurfa ko zinariya ko guguyak ko dəm mi nda yau na wanak nən ko asim nən gaiwabai. ³⁰ Gada kasen, səku a lawam lokwtu aɗa ayubai, amman, gususku, aci a gaɓad ndawa i rawanke da dlam tubi. ³¹ Aci dlam kasen, gaɗa aci impa na lokwtu, ko yuwan mi aci a jaya duniya i kun adalta da ri nən mi aci cikɗu; kakasəku bar na shaida iɗak warau da ri tlatligəri da kun dawa mi mutu." ³² A lokwtu ndak ɗa Athens kuma rama tlai da mutu, njiggaɓ da ngarumci Bulus; amma, jigab da ramma, "Ja kirum ta ci wam adak rama təku." ³³ Dakuk sen, Bulus dayigəri. ³⁴ Amma ndau jigab dai nakshi rigəri, da barna jirewa, a kunakshi na, Dionussius nən Areopagite, na ama mi nda ɗaura gara ma Damaris na ndawa jigab na akshi.