¹ I lakwtu a coci kǝ Antiyok na nabancin na malamcin jəgab. kaja Barrnabas, Saminu, mi nda ɗaurau, 'Ayuwa' na Lukiyas kən kurane, na manaya wa a nda gudvaci i dagayi na dəgəm Hirridus na shawulu cam. ² Lakwtu wara akshi a kun magəta i məgəyi, a sham cam, se Nənwa səku da ramma, "A bərina da Barrnabas na shawulu, gada wana wara na daureshi gadau." ³ A kuksən sen, akshi da dlam asham, na magəta, da mpi aikwak i adak n dawa shərin gu, nda wa'nyi na akshi. ⁴ Barrnabas na Shawulu da dlam na nakwana i Nənwa səku, da yi nakshi i sawkiya, da sən, dayi i kunu suwa wa am har i jəgam kə Kubrus. ⁵ Zada ɗa marəm kə salamis tənu, akshi da dlam wagərmak tə lam səku i ku ləma cacpa Yahundaucin. Akshi yi nakshi na Yahai Markus da banacakshi ⁶ Lakwtu akshi jinakshi jəgam tawanke har kə papinus, se da bi baci dagwar dagai Bahusa nabi papiya kə Yahudaucin, nda daura gəri Ba Yəso. ⁷ Baci dagwar gu a mantaukuna na baci barvariwu, Saryi yas Bulus, Nanne baci asəm/zəgaya. Baci garvau da daure Barrnabas na Shawulu, gada ancu da kəm təlam səku. ⁸ Alimass Baci dagwar da makə da dabci da ci dlama man i gamau. ⁹ Amma Shawulu wara da daurau Bulus, ga nəyak na kərmai Nənwa səku, da pi dagəri i ɗa baci dagwarigu; ¹⁰ da ramma, "Ci wən ləspər gəshaci niyin gara na gu be, na munafəkwəna. Ka gaba na bək adalta tawanke. Kaiva ɗlagda dəvu tərr kə məgənyin be ko? ¹¹ aiki aikwak məgənyi aɗa ci, ka dlugutanaci, ka dlam lawanbai kə yuwan gəgab." Na tasəna bai, se bee ka gabantino, ayawa, da vəge ɗa Alimas, da mɓanji ramka a vayak riwu, a jaya nda wa dajəb amigəri, da tatkici duvu. ¹² Baci garvau ika bee wakatutənu, da dlamna Iman, gada gugza i ada məgənyi baridici jabta. ¹³ Bulus na mangaucin wana gəri da tli i kin suwa am da Kubrus da nai i perriya a Pampiliya. Amma yahai dai ve na akshi da katen gəri Urrushalima. ¹⁴ Bulus na mangaucin gəri da rakənai da perriya, danai i Antiyak kə pisidiya. Ariwu akshi dayi ikun ləma ri cacpa Yahudaucin gafa putu ndan mabashi. ¹⁵ Aku kərrata kakkadi dumaya na kə Nabaucin, se ndawa gasgara ucin ke ləma ri cacpa Yahudaucin da wanekshi sautu ma, "Yaganaucin, kunna sautu dauzata ndawa wara a ritəku nin, a rama." ¹⁶ Se Bulus da tli da sakci amigəri, da ramina, "Kun ndak Isiraila na kun wara a saksak ta kakasəkun, a kəmina. ¹⁷ Kakasə ndangu, Isiraila akɗu afətkənwa da dlamu nawa ndawa gawa lakwtu wara wara basi lardi Masar, na awuyak amigəri. ¹⁸ I dantuk ama gunu fudi aca kanadi na akshi in fanfara pata. ¹⁹ Aku aci kambetuna larddin gatkasa kə lardi Ka'ana, da barna lardu gado i ndaawa. ²⁰ Bətku cakcak wakatu i kun lakwtu wara dəka na aman danamak fudu na gumu vad. Kakasəku dan na nda garva kə lariya har Laktu Samaila, nabi. ²¹ Se ndau, da maki nda barikshi dəgəm, Kakasəku da barrikshi Shawulu, wən kish, nən da auduk Bilyami nu war dlam garra kə aman gumu fudu. ²² Dasən, Kakasəku dajinaci da garva, da tla tdai Dauda da dlamin gəri dəgəm shi. I adak Dauda ne Kakasəku da ramma, "Na bana Dauda wən Jesso nən kə gəshiga wara a dlama na bee mak wara nancaci dadla mi." ²³ kadugun nənangu, Kakasəku bacima i Isiraila; Yəso, kakə mi Kakasəku dlamu alkawar dlamau. ²⁴ Sutku ɓandu wakata lakwtu lapən ni Yəsu; Yahai səkur dlam wagərmak tubi i nɗak Isiraila. ²⁵ Yahai a dama wanagəri tənu, se da jami ma "Kwatuma i gu tai I ro acu bai. Amma a kərənta dagai mi aye ni da ku ga zayi sono zəgərgəringun na bata na fətki bai." ²⁶ Yagonaucinga, kə kadugu Ibrahim na ndawa da kunaku wara a nakwana i Kakasəku, i wane nda wane sakwtu rratəku. ²⁷ Gada akshi wara dambasu a Urrushalima na nda sanuta ci bai har akshi da dlamna bee nda kərratu gafa putu Yahudaucin tawanke, daru kambe tagəri. ²⁸ ko da akshi ba ci na wala bai, akshi da Bilatus datkə naci. ²⁹ Lakwtu akshi da muna bee na tarnu i adagəri cak-cak tənunda fuwe na guvu da dəm tləgau, nda dapgina aci. ³⁰ Amma Kakasəku da tlatli na aci dat mutu. ³¹ Ndawa wara deu na aci da halili i Urrushalima ika ci ki yuwan gawa. Nadagu dlamu nakshi sa da gəri i dumiya bu. ³² To sau jade dukun labarr herr kə alkawar wara nda dlami afafkənwa. ³³ Kakasəku jəbna alkwartəku i wa, kutli khsi, gada watla Yəso na aro da mutu. Satku ye bee nda tarnu i sura shərin kə zabura: 'Ci wənga, gusku Na dlaminga afaci. ³⁴ Zam i da rama ma aci tlatli na aci mutu gaɗa təkagəri du təraɓa Kakasəku ramu kasau.' Na barici barka na takci bar ka kə Dauda.' ³⁵ Gada kasən, da rami kun Zabura na, 'Kaiva nənci wara go aipu da tərabu bai.' ³⁶ Gada Dauda i kun zaman gəri dlam nakwana i səku, da muturgəri, da dabgina a ci iri afat kəngəri, grvugəri gatə raɓak a gagai. ³⁷ Amma aci wara Kakasəku tla tli da mutu təraɓu bai. ³⁸ Kaɗa kasən, yaganaucinja tike dazadu i ma dari Nənangu nə nda dlame kun agərma kə təpta aiba binkun ³⁹ Nən tawan ke wara dlamina Iman na aci, nda dlabanaci akun go aipu, be wara dumaya Musa dəma dlamo bai. ⁴⁰ Se kura dlam ankal, gada bee wara nabanci ramagu gaɗa wakutu nakun bai. ⁴¹ launa, kun nda muwa, kwa jabti se kwa ɗayi: Gada na wana i lakwta kun. Wana wara kwa dlama Iman na atu bai; ka ɗagai dlami kun labargu yage." ⁴² Bulus na Barrnabas alva kiwutən, se ndau da makak shi da dlamkshi ramau wam i gafa putu Yahudaucin ⁴³ Lakwtu cacpak kə lema ri cacpa Yahudaucin damingara tənu, Yahudaucin ga wa na ndawa wara Yahudaucin bai amma adəga aadakshi da ɗəgai Bulus na Barrnabas, akshi da dlamikshi rama, a dauzatakshi i dak ta kəma na mbasu ikun herr Kakasəku. ⁴⁴ Yuwan putu Yahudaucingu de tuna, ɗan tuk nda ɗa gu mak da cacpi nashi rigaya gada kə mu təlam məgənyi. ⁴⁵ Yahudaucin ika algu tənu se da dlaminakshui guru, i ɗa bee ware Bulus ramu, a dləmtaci gəshigəri wam. ⁴⁶ Amma Buls na Barrnabas da dlam rama i patata parak da ramma, "Dlamingara kəske nda dlamikun rammak səku səkur. Gada kwa dabadu da rikun tənu kwa mana aɗa kun kwai bata bai aro mi go dadgəri gəri bai, a kina ja məstinaja ri kərdadin. ⁴⁷ Kada kasən məgənyi ɗawuja, aramau ma. 'Nampa kun ka pitulla iri din gada kwanna ra pallalin duniya mak.'" ⁴⁸ Kərdadən kəma sutku tenu, da jən pərdai, a nakwana təlam maəgənyi. Gawak ndawa wara barrina adakshi i bi aro bi go dadəgəri, da dlamma iman. ⁴⁹ Təlam məgənyi dayi gara i lardu mak. ⁵⁰ Amma Yahudaucingu da shəkshəkci Amati ndak martapa na gamsak nda dagu. Sugu danna gizata i Bulus na Barrnabas; har ɗausu ndaji na'akshi da kun ɗagu; ⁵¹ Amma Bulus na Barrnabas da saspəna bərbər dagu da zəgərshi da dlamigara sai da i a dakshi. Dasən dayi nakshi marəm ɗa ikun Ikoniya. ⁵² Se pukurraucingu da niyi pər na Nənwa səku.