¹ Bulus, Sila na Timoty ii nye iklisiya kǝ Tassaloniyaucin ii kunu Sǝku Afǝk wa na Mǝgǝnyi Yeso Masipu. ² Herr da dlaɓi ii ri kun na salam da ri Sǝku Afǝk wa na mǝgǝnyi Yeso Masipu. ³ Fatawanke jaa dlama sambarka ii Sǝku gaɗa kun, yaganaucin. Kasau dlamən gara kalkal, gaɗa iiman kun aa sǝkuna tlapar, zam ntuk tike dlaɓən gara aa wita kun. ⁴ Ja na aɗa ja jaa pariya na kun ii kunuk iklisiyayin Sǝku. Jaa rama iiɗa kǝmar kun na iiman kun ii kunu dakənekəne mak wara kwa kunu na aiwa gǝshi wara kwa sau. ⁵ Sutku atune gənawa kagala jirewa kə Mǝgǝnyi. Sutku atune be wara aa ɗawau kwa dlaɓa nakun ii kunu garvak mǝgǝnyi gaɗa kabine wara kwa sau. ⁶ Atəro a kalaktayi na sa bone kun i aɗa nda bari kun ravan nən adaltak Səku. ⁷ Zam da dlam dikun rama ravan mi kwa sau aaɗa gayi na ja. Aci a dlama na sutku ii pakayi Mǝgǝnyi Yeso da dǝsku na Malekaucin kə kərmai gǝri. ⁸ Aci a ngumu di ndawa wara zǝga Sǝku bai na ndawa wara kurna wazik Yeso Masipu ii kunu marnyi aka. ⁹ Akshi aye sa butkǝna ki bakota har dumaro mi pəɗəm darik Mǝgǝnyi na saksakta kə kǝrmai gǝri. ¹⁰ Aci aa dlama sutku ii gafa mi aci zadeu gaɗa nda ɗǝga gǝri da saksakta ci kuru aci da dlaɓə bik jabta ii rik ndawa wara barna jirewa. Atəro kwa barna jirewa iiɗa be mi ja rami kun. ¹¹ Gaɗa kasən fatawanke ja magita gaɗa kun. Ja magita gaɗa Sǝkwa wa da gənyi kun kalkal na ɗaura mi nda dlami kun. Jaa magita gaɗa aci da jəbki na be tawanke mi nda dlamau ii kunu jirewa na wanak iiman na kərmai. ¹² Ja dlamak magita gaɗa dlugun Mǝgənya wa Yeso daa bi saksakta iiri kun. Ja magita gaɗa kun ke kwabi saksakta da ri gǝri, gaɗa herr Səku na mǝgǝnya wa Yeso Masipu.