¹ Labarr kadugum kǝ Yeso wǝn Dauda wǝn Ibrrahim kaasau: ² Ibrrahim afǝk Ishaku, ishaku afǝk Yakubu, Yakubu afǝk Yahuda na yaganaucin gǝri. ³ Yahuda afǝk Perresa na Zerra kutli Tamarr, Perresa afǝk Hesrruna, Hesrruna afǝk Arram. ⁴ Arram ke Afǝk Aminadab, Aminadab ke afǝk Nashon, Nashon afǝk Salmon. ⁵ Salmon ke afǝk Boaz wǝn Rahab, Boaz ke afǝk Obed wǝn Rrutu, Obed afǝk Jesi. ⁶ Jesi aci afǝk dǝgǝm Dauda, Dauda ke afǝk Sulemanu, mii 'yawa ci nən ama Urriya, ⁷ Sulemanu ke afǝk Rohoboam afǝk ke Afǝk Abija, Abija afǝk Asa. ⁸ Asa afǝk Yehoshafat, Yehoshafat afǝk Jorram, Jorram afǝk Azarriya. ⁹ Azarriya ke afək Yotan, Yotan afǝk Ahaz, Ahaz ke afək Hezikaya. ¹⁰ Hezikaya afǝk Manassa, Manassa afǝk Amon, Amon afǝk Yosiya. ¹¹ Yosiya afǝk Yekoniya na yaaganaucin gǝri, lakwtu mii nda ngwak shi ii nye larrdi Babila. ¹² Daku ngwak shi ii nye Babila, Yekoniya da 'yawi Sheyaltiyel, Sheyaltiyel ke da 'yawu Zarrubabel. ¹³ Zarrubabel afǝk Abihudu, Abihudu afǝk Eliyakim, Eliyakim 'yawu Azurru. ¹⁴ Azurru ke afǝk Sadiku, Sadiku da 'yawi Akimu, Akimu ke da 'yawi Aliyudu. ¹⁵ Aliyudu afǝk Elezar, Elezar afǝk Matana, se Matana da 'yawi Yakubu. ¹⁶ Yakubu afǝk Isǝbu, Isǝbu mǝsǝk Marryamu warra 'yawu Yeso mii nda ɗaurau Masipu. ¹⁷ Sutku tatku nda dlamu kadugum guuma ayawo fuɗu da lakwtu Ibrahim kapa ii nye kǝ Dauda, da lakwtu Dauda kapa ii nye lakwatu waarra nda ngwakshi nye Babila kaadugum guuma ayawo fuɗu, zam da lakwtu waarra nda ngwak shi ii nye Babila kapa lakwtu Masipu; kadugum guuma ayawo fuɗu. ¹⁸ Ɗi Yeso wakatu kasu tǝku: Lakwtu Isǝbu a ɗǝga maryamu mii Yeso ii patla, amman nda de naa atu ii susu gara bai, se nda duguratu naa madau, dari Nǝnwa Sǝku. ¹⁹ Baci ɗǝga garau, Isǝbu, aci baci adalta, amman acuu anci da zhirwa atu ii patata bai. Se aci da maki daivi na ɗǝga zǝbau da dǝɓsa. ²⁰ Aci a kunu kurraram ii ɗak biwu tǝnu, se maleika Sǝku da pake ci, ii kunu sǝwan, da ram ma; "Isǝbu wǝn Dauda, ka kalwa zǝba Marryamu dabakwa ci bai. Gaɗa madu kunu garau, bau dari Nǝnwa Sǝku. ²¹ Atu aye ɗi maayim, kaa ɗaura dləgungǝri Yeso, gaaɗa aci aye ra nda gǝri da kunu aipapin shi." ²² Bitku wakatu mak gaɗa niya bee mii Sǝku ramu, da miya nabi maya, ²³ "Aikina; dabaku mii zǝga gǝmsǝk bai, aaye bi madau, da 'yawi mayim , ndaa ye ɗaura dləgun gǝri Immanuwel", wato, "Səku aa ɗa gayi naa wa". ²⁴ Isǝbu gǝrradu da yiwan gǝri tənu, se da dlamu bee warra maleika Mǝgǝnyi ramicigu, da mi na Marryamu ii mbasu ama gǝri. ²⁵ Dǝk na kasǝn, amman ngalte Isǝbu zəga atu bai , se aku atu 'yawu mayim gǝmsǝk. Se aci da bari ci dləgun maa Yeso.