¹ Iye, ku musumba waisulamo umulopa! Mwaisula ubufi ne fipe fya kwiba; abasanswa bali muli ena. ² Nomba muli iconbgo ca fikoti ne ciunda cakukolonkonsha kwa mipeti, ukupontauka kwa ba kafwalo, kabili nokutolauka kwa maceleta. ³ Balepuma aba pali bakafwalo, ukuselebesha amapanga nokubengeshima kwa mafumo, ukufula kwa ndase, ne mipili ya fitumbi. Takuli mpela ku fitumbi; bakepaya baletoloka pali fyena. ⁴ Ici cilecitika pa mulandu wa misango yabipa ubwa wayemba cilende mwanakashi, inkomekome ku buloshi, uushitisa icalo ku buloshi, na bantu ukupitila muli ena batampa ubuloshi. ⁵ "Moneni, nikwalulikila-cisemo cakwa Yawe wa milalo-ndebula ifisempe nokubika ku menso yobe kabili nokulanga ubwamba bobe ku nko, na kuba mabufumu nkalanga insoni shobe. ⁶ Nkaposa pali ifya busali no kukusalula, kabili nkakucita nge cakutamba. ⁷ Cikaba cakuti bonse abakakumona bakabutuka ukufuma kuli iwe nokutila, 'Ninife naonaulwa; nani akamulililako?" nkaya kwi pakusanga umo uwa kukusansamusha." ⁸ Ninife, bushe waliwama ukucila Tebesi uwaikala pa mumana wa naelo, na menshi ukucinguluka, uyo amenshi e linga lyanko? ⁹ Kushi na Egupti e maka yakwe, takuli nempela kuli ici; Puti na Libya emo babelele. ¹⁰ Wene Tabese balimusendele; bamusendele muli bunkole abana banono bakwe bafwatawilwe imitwe mu ndutwe sha misebo; abalwani abasole bashimucindikwa abengi sana, nabakankala bakakilwe mu mwando. ¹¹ Iwe naiwe ukakolwa, ukafwaya ukufisama, kabili ukafwaya ukwakufisama ku balwani bobe. ¹² Amalinga yobe yonse yalinge mikunyu iili na makunyu yakubalilapo: nga baisunkanya, yaponena mukanwa ya wakuilya. ¹³ Moneni uli nabo banakashi; ne mpongolo sha mu calo cobe nashiswilwa ku balwani bobi; umulilo naoca ubucingo bwayako. ¹⁴ Tapa amenshi uli mu bwafya; kosha amalinga yobe; kabiye kwi bumba nokundila indaka; bula icikombola ca matafwali. ¹⁵ Umulilo ukakoca iwe kulya, no lupanga lukakonaula, lukakulya ngafilya utwana twa makata tulya fyonse. Ifusheni ngo twana twa makanta, kabili ubwingi nga makatanta umukulu. ¹⁶ Wafusha aba makwebo bobe ukucila intanda intanda sha mulu; baba nga makanta umunono balonaula icali no kupupuka baya. ¹⁷ Abakankala bobe baba nga icikunka ca makanta, na ba mushika baba nga makanta ukwikala ku cibumba pa bushiku ubwatalala. Nomba lilya akasuba kaima ya butuka, ne ncende yaiko tayaishibikwa. ¹⁸ Imfumu yaku Ashiri, abacemi bobe nabalala; abakankala bobe nabalala panshi baletusha. Abantu bobe nabasalangana mu mpili, kabili tapali wakuba kolonganika. ¹⁹ Tapali ubundapishi ku filonda fyobe. Ifilonda fyobe nafibipisha. Onse uuleumfwa ilyashi pali iwe uletota ne ndupi mukutemwa pali iwe. Ni pali ano apashapita ububi bobe ukutwalilila?