¹ Israeli, bwekela kuli Yawe Lesa wenu, pantu mwali ipununa pamulandu wamampulu yenu. ² Sendeni namashiwi yenu nokubwekela kuli Yawe. Ukulanda kuli ena ati, "fumyenipo amampulu yenu yonse nokucita icisuma, pakuti tumupele ifisabo fyamilomo yesu. ³ Asiria takatupusushe; tawakanine pali bakabalwe kubulwi. Nangu twingalanda ifingi ku kubomba kwamaboko yesu ati, 'niwe imilungu yesu,' pantu muli iwe abana banshiwa basanga inkumbu." ⁴ "Nkondapa ukupondoka kwabo, nkaba temwa umupwilapo, pantu ubukali bwandi nabufumapo pali ena. ⁵ Nkaba ngo mutonshi kuli Israeli; akabengeshima ngo buluba nokukwaya imishila n ga Keda mu Lebanoni. ⁶ Imisambo shakwe shikasalangana; ukuyemba kwakwe kukaba ngefimuti fyamiolife, kabili ukununkila kwakwe ngaba Keda mu Lebanoni. ⁷ Abantu abaikala mucinshingwa cakwe bakapilibuka; bakabukululwa ngoluseke nokubalula nge myangashi. Ululumbi lwakwe lukaba ngomwangashi waku Lebanoni. ⁸ Efulemu, finshi ifyo nalacita kutulubi? nkamwasuka nokumusunga. Ndi ngo mukupiri uo amabula ayalelema lyonse; muli ine mukafuma icisabo cobe." ⁹ Ninani uwamano ukuti engeshiba ifi fintu? Nani engeshiba ifi fintu pakuti engafishiba? Pantu inshila shakwa Yawe shali lungama, kabili abalungama bakendamo muli shena, nabacisanguka bakaipununa muli shena.