¹ "Ilyo Efulemu asosa, kwaleba ukututuma. Aisansabike umwine mu Israeli, lelo aishileba uwamulandu pamulandu wku shinshimuna Baali, kabili alifwile. ² Nomba balelundapo fye ukubembuka. Bapangile icimpashanya kuli silfere wabo, utulubi ukulingana na mano yabo, fuonse fine ne milimo ya wa cenjela. Abantu basosa kuli Fyena abati. 'aba baume abapeela ilambo abatomone fyabaswa.' ³ Eico bakaba nga makumbi yalucelo, ngo mume uukuntika lucelo celo, ngo musungu uululwa ku mwela ukufuma pa cipailo, kabili nge cushi icilefumina pa cipunda camu mutenge. ⁴ Lelo nine Yawe Lesa wenu ukufuma ku calo ca Egupti. Tamufwile ukwishina Lesa umbi kano ine; mufwile ukwishiba ukuti kulubali lwaine, takwali umbi umupashi. ⁵ Ine nakwishibe mu matololo, mu mpanga iyaumisha. ⁶ Ilyo mwakwete umulemfwe, ely mwakwite; kabili ilyo mwaisushiwe, imitima yenu yalitutuma pa mulandu waifyo mwalindabile. ⁷ Nkaba nge nkalamo kuli bena; nge mbwili mumbali yanshila efyo nkalelolesha. ⁸ Nkabasansa nga bere uo uwalufya abana bakwe. nkalepaula ififuba fyabo, kabili kulya eko nkabalya nge nkalamo, nge ciswango camumpanga cibalepaula mu tumpimfya. ⁹ Nkakonaula, we Israeli; Nani ali no kukwafwa? ¹⁰ Ili kwi nomba imfumu yobe, ukuti imipusushe mu musumba yenu yonse? Shili kwi intungulushi sheni; isho mwasosele kuli ine ati, 'Mpeleni imfumu nabacilolo?' ¹¹ Nakupele imfumu mu bukali nkaipoka mu cipyu candi. ¹² Icilubo cakwa Efulemu nacikakwa; ulubembu lwakwe nalusungwa. ¹³ Ubutanshi bwa pakupapwa kwa mwana bukamwishila, lelo umwana mwaume uwabula amano, pantu ilkyo inshita iyakufyalwa yafika, takafume mu cisa. ¹⁴ Bushe nkabapokolola mu kuboko kwa ku mbo? Bushe nkabapokolola ku mfwa? Cili kwi, we mfwa, icikuko cobe? Buli kwi, we mbo, ubonaushi bobe? Inkumbu nashifisama ku menso yandi." ¹⁵ Nangufye Efulemu atunguluka pali ba munyina bakwe, umwela wakukabanga ukesa; umwela wakwa Yawe ukapupilamo ukufuma ku matololo. Akamfuku mfuku kakwa Efulemu kakoma, necishima cakwe tacakakwate amenshi, umulwani wakwe akatapa inganda yakwe iyakututilamo fyonse ifipe fyamutengo. ¹⁶ Samaria akaba no mulandu, pantu na sangukila Lesa wakwe. Bakawa kulupanga; abana babo baputaulwa mutupimfya, kabili abanakashi babo abaimita bakalepulwa.