¹ Ilyo Israeli ali umulumendo nali mutemenwe, nali mwitile umwana wandi umwaume ukufuma mu Egupti. ² Mubwingi naleita kuli bena, efyo batalwike ukufuma kuli ine. Balepela amalambo kuli Baali no kutimwina ifye fungo ku tulubi. ³ Nangu cili ifi nine nasambilishe Efulemu ukwenda. Nine nabemishe ku mabokp yandi lelo tabaishibe ukuti nine nabaposeshe. ⁴ Nabatungulwile ne fikakilo fya buntunse, na ku myando ya kutemwa nalikuli bena kwati ni umo uusumbula ikoli kuncendwa shabo, nokukontamina panshi no kubalisha. ⁵ Bushe Bengabwelelela ku calo ca Egupti? Nga Ashuri takateke pali bena pamulandu bakana ukubwelela kuli ine? ⁶ Ulupanga lukaponena pa misumba yabo no konaula imipindo ya mpongolo shabo; lukabonaula pamulandu wa ma pange yabo abene. ⁷ Abantu bali abaipelesha ukufumako kuli ine, nangu line beta kuwa pulamo, takuli nelyo umo uuka bafwa. ⁸ Kuti nakupela shani iwe, Efulemu? Kuti nakulubwila shani iwe, Israeli? Kuti nakupanga shani nga Adma? Kuti nakupanga shani nga Seboimu? Umutima wandi walipilibwike muli ine; inkumbu shandi shonse nashifukaushiwa. ⁹ Nshakacite icifukushi ca bukali bwandi, nshakonaule kabili Efulemu. Pantu ine ndi Lesa nshili muntu; nine uwa mushilo mukati keni, lelo nshakashile mu bukali. ¹⁰ Bakakonka Yawe; elyo ali nokubuluma nge nkalamo. Ilyo akabuluma, abana bakwe baka baletutuma ukufuma ku masamba. ¹¹ Bakesa baletutuma kwati coni ukufuma ku Egupti, nge nkunda ukufuma ku calo ca Ashuri. Nkabalenga bakekale mu mayanda yabo-uku ekupampamika kwakwa Yawe. ¹² Efulemu nashingulukwa no bucenjeshi, naba nganda yakwa Israeli nokufutika. Lelo Yuda acili alebutukila kuli Lesa na bucishinka ku wa mushilo."