¹ Paulo, umubomfi wakwa Lesa kabili umutumwa wakwa Yesu Kristu umwabele citetekelo ca bantu salwa bakwa Lesa no mwabelo kwishiba cine ico ica suminishinya na bukapepa, ² pamo ne subilo lya mweo wa muyayya uo Lesa, uutabepa, alaile ilyo shitalabako inshita sha muyayaya. ³ Na pa nshita yakulinga alisokolwele icebo cakwe ukupitila mu kubila uko nebo na lashikwe ukulingana ne funde lya kwa Lesa Umupusushi wesu. ⁴ Kuli Tito, umwana wandi uwa cine mu citetekelo cesu bonse. Ukusenamina no mutende ukufuma kuli Lesa Shifwe na Kristu Yesu Umupusushi wesu. ⁵ Pamulandu uyu nakushile webo mu Krete, ukweba ati webo kuti wabike fintu bwino ifishilapwa no kusala abakalamba mu misumba yonse nakwebele. ⁶ Umukalamba afwile ukuba uutatungwa kabi, umulume wa mukashi umo, na bana bakutetekela abashaba nakushininwa kwa kuiposaika nangu bucintomfwa. ⁷ Calilinga kuli cilolo, nga kangalila wa mung'anda yakwa Lesa, ukubo uwabula akalema. Tafwile kuba na matutumuko, tewa cipyu, tecakolwa, teupuma, tewa lwinso lwa bunonshi bwa nsoni. ⁸ Lelo, afwile ukuba uwasekelela abeni, kabili uwaishibana no busuma. Alingile ukubo wateko mutima, umulungami, uwa mushilo, no waiteka. ⁹ Alingile ukuba uwaikatisha icebo ca cishinka icasambilishiwe, pakweba ati, abe na maka yakukoselesha bambi fisambilisho fisuma no ku lungika bonse abakomupililika. ¹⁰ Pantu kuli abantu abengi bacisanguka, abalandile na bafutika, ukucilisha abo aba mukusembululwa. ¹¹ Nacilinga ukuba kanya. Bakofulunganya ndupwa shituntulu pa kusambilisha ifya bunonshi bwa nsoni ifyo tabafwile ukusambilisha. ^{14 12} Umo uwa muli bakasesema wabo alilandile ati, "Abena Krete lyonse fye babufi, ifiswango fya bubifi, bana mwelepete babulili." ¹³ Ubu bunte bwa cine. Eco, ubulungike mu bukali, pakweba ati, babe abatuntulu mu cicetekelo, beba bakwangwa milumbe yaba Yuda nangu ku mafunde ya bantu abafutatukako ku cine. ¹⁵ Kuli abo abasanguluka, ifintu fyonse fyakusenguluka. Lelo kuli abo aba kowela na basha tetekela, takuli icasanguluka, lelo fyonse amano yabo na bakampingu babo bakukowela. ¹⁶ Balanda kweba ati twalishiba Lesa, lelo bali mukana mu ficitwa fyabo. Ba muselu, bacintomfwa, kabili abashalinga kukucita mulimo onse uwabune.