¹ Mwe bashikulwibo, mupele ababomfi icilungeme kabili icakulingana, pakwishiba ati namwe mwalikwata Shikulu mu mulu. ² Twalilileni ukukosa mukupepa. Mukepepa mwine mulekulola kabili abakutotela, ³ ukutupepelako na fwebo, ukweba ati Lesa engesula ukwakwingila icebo, pakweba ati tulekulanda ifya nkama fyakwa Kristu. Pa mulandu wa co nabela mu minyololo. ⁴ Mupepe ukweba ati ncilenge ukumoneka, ngefyo mfwile ukulanda. ⁵ Mulekwenda abamano kuba kunse, no kubomfye nshita. ⁶ Lekeni ifyebo fyenu fyonse fibe no kusenamina. Lekeni filungwemo umucele, pakweba ati mwishibe ifyo mufwile ukwasuka umuntu onse. ⁷ Nomba pa fintu fyonse ifikumine nebo, Tukiki akamishimikila. Ni munyinefwe uwatemwikwa, umubomfi wa cishinka, kabili umusha mu nensu muli Shikulu. ⁸ Ico na mutumina kuli mwebo ni pali fi, ukweba ati mwishibe palwa ifwe, kabili pakweba ati amikoseleshe ku mutima. ⁹ Nabatuma pamo na Onesimu, munyinefwe uwatemwikwa kabili uwa cishinka, umo uwa muli mwebo. Bakomishimikila fyonse ifyacitikile kuno. ¹⁰ Aristarki, umufingwa munandi,akomicelela, pamo pene na Marko, umufyala wakwa Barnaba (uo mwapelelwepo ifipope; umfwa aisa kuli mwebo, mukamupokelele), ¹¹ na Yesu uwitwa Yusti. Paba sembululwa aba beka eba bomfi banandi ku bufumu bwakwa Lesa. kabili babe cisansanushi kuli nebo. ¹² Epafra amicelela. Ni umo muli mwebo kabili umusha wakwa Kristu Yesu. Aliba uwa ku pikintika muku mipepela, pakweba ati mube abakwiminina bakupwililika kabili abaishibisha muli fyonse ifyo Lesa afwaya. ¹³ Pantu nkomubela bu kamboni ati akobombesha sana pali mwebo, pa ba mu Laodikea, na pali abo abamu Hierapoli. ¹⁴ Luka shang'anga watemwikwa na Dema bamicelela. ¹⁵ Mucelele ba munyinane bamu Laodikea, na Numfa, no lukuta lwa ng'anda yakwe. ¹⁶ Ulo inkalata iyi bakabelenga pakati kenu, bakabelenge naku lukuta lwaku Laodikea, na kabili mukabelenge inkalata ya kufuma ku bena Laodikea. ¹⁷ Mu mwebe Arkipi, "Lolesha kuli bukapyunga ubo wapokelele muli Shikulu, ukwebati ukoselele ukubufikisha. ¹⁸ Uku kucelela kwaku minwe yandi - ne Paulo. Ibukisheni iminyololo yandi. Ukusenaminwa kube nemwe.