¹ Paulo, umutumwa wakwa Yesu Kristu ukupitila mu bufwayo bwakwa Lesa, na Timote wabo wesu, ² ku bantu bakwa Lesa abamushilo na ba wesu abacishinka muli Kristu abali ku Kolose. Lekeni ukusenaminwa kube kuli mwebo no mutende wakwa Lesa Tata. ³ Tukototela Lesa, Wishi wakwa Shikulu Yesu Kristu, elyo lyonse tulamupepeplako. ⁴ Twalyumfwa alwa citetekelo cenu muli Yesu Kristu ne citemwiko mwakwatila bonse abantu bakwa lesa abashila, ⁵ pantu isubilo muli mwebo ilyo bamisungila mu mulu, ico mwaumfwile palwa cebo ca cine, ⁶ imbila nsuma iyo iishile kuli mwebo.Munshila imo ine iyi imbila nsuma ikotwala ifisabo kabili ikokula mwi sonde lyonse- kubati fintu icita pali mwebo ukutendeka ubushiku mwayumfwile no kusambilila ukusenaminwa kwa kwa Lesa mu cishinka. ⁷ Iyi embila nsuma ngefyo mwaisambilile kuli Epafrasi munyina wesu kabili umubomfi uwatemwikwa, uyo uuli umubomfi wa cishinka kulubali lwesu muli Kristu. ⁸ Epafrasi alitweba pa citemwiko kuli fwebo icitemwiko cesu mu mupashi. ⁹ Pamulandu waici citemwiko, ukufuma ubushiku twaumfwile ifi tatwalekelepo ukumipepela. Twalipepele ukwipusha ati mube aba kwishiba fyonse mu bufwayo bwakwe mu mano yose na ukwishiba ifyakumupashi, ¹⁰ Pakwebati mwingendela mu musango uwalingwa na Shikuku iyakumusekesha mu nshila ili yonse: Mukutwala ifisabo fya milimo ya bune yonse no kwebati mulekukula mubwishibilo bwa kwa Lesa, ¹¹ mukukoseleshiwa na maka yonse, umwabela amaka yabukata bwakwe, pakwebati mukwate ukushipikisha ukukalamba no kutenkanya, na pakusangalala ¹² Ukupela ukutotela kuli Tata, uyo uwamulengele ukukwata icakaniko mu fyabupyani bwa bantu ba kwa Lesa abamushilo mu lubuto. ¹³ Alitulubula ukufuma ku kutitikishiea kwa mfimfi no kututwalila mu bufumu bwa mwana wakwe uwakutemwikwa, ¹⁴ umo twakwatila ukulubulwa, ukwelelwa kwa membu. ¹⁵ Wene cimpasho cakwa Lesa uutamoneka, ibeli pa fibumbwa fyonse. ¹⁶ Muli ena emo fyonse fya bumbilwe, mu mulu ne fya pano isonde, ifimoneka ne fitamoneka. Nangu amabufumu, nangu bucilolo nangu bakamfullumende, nangu abansambu, fyonse fya bumbilwe muli ena kabili kuli ena. ¹⁷ Umwine ewaba pa ntanshi ya fyonse, kabili muli ena emo fyonse fyaikatilwa pamo. ¹⁸ Emutwe wa mubili, icilonganino. Entendekelo, ibeli ukufuma kubakufwa, eco alikwata icifulo ca ntanshi pa fintu fyonse. ¹⁹ Pantu Lesa alisekelemo ukukwata umwisulo wakwe waba mu Mwana , ²⁰ kabili ukupitila mu mwana no kuwikishanya ku fintu fyonse ku mwine , pakukwata umutende ukupitila mu mulopa wa pa musalaba wakwe, Lesa awikishe nangu fintu fya pe sonde nangu mu mulu. ²¹ Pa nshita imo namwebo mwali abeni kuli Lesa na balwani bakwe mu mano ne micitile iya bubi. ²² Nomba alimiwikishana ukupitila mu mfwa yakwe iyakumubili ku kumilenga abamushilo,abakubula akalema,kabili ukucila ukusekwa kuli ena, ²³ umfwa mwatwalilila mu cicetekelo, abashimpwa ndi kabili abakukosa, abatengafuma kwi subilo lya mbila nsuma iyo mwaumfwile. Iyo embila nsuma iyabililwe ku muntu onse uwabumbwa pe samba lya mulu. Iyi embila nsuma iyo nebo, ne Paulo, nabelele umubomfi. ²⁴ Nomba nkocankwa mukuculila mwebo, na mu mubili wandi nkoisushisha ifya bulila mukucula kwakwa Kristu pa mulandu wa mubili wakwe, uyo uli lukuta. ²⁵ Ni pali ulu ulukuta nabela umubomfi, ukulingana na bukangalila ukufuma kuli Lesa napelwe pali mwebo, ukufikilisha icebo cakwa Lesa. ²⁶ Ici eca nkama icafishilwe pa nshita ntali naku nkulo shingi nomba cilisokolweke ku bantu bakwa Lesa abamushilo. ²⁷ Nikuli bena uko Lesa alikufwaya ukwebati beshibe ubucindami bwa bukata bwa ifi ifya nkama kubena fyalo, uyo uli ni Kristu muli mwebo, isubilo lya bukata. ²⁸ Eco tulamubilisha, ukusoka no kusambilisha umuntu onse na mano yonse, pakwebati twiminike umuntu onse uwakula muli Kristu. ²⁹ Pamulandu wa ici ndatukuta no kupikintika umwabela imilimo muli nebo ku maka.