¹ Bakasesema wabufi balishile kubantu, naba kafundisha wabufi bakesa kuli mwebo. Bakaleta mu nkama amasambilisho aya bonaushi, bakakana na cibinda wabo uwabashitile. Bakaleta ubonaushi bwangu palwabo abene ² Abengi bakakonka ifya bupulumushi fyabo, ukupitila muli bena inshila ya cine ikapontelwa. ³ Mulunkumbwa lwabo bakaminonka ku mashiwi ya bucenjeshi ukusekwa kwabo kwaliba pakwisa pa nshita iyitali no konaulwa kwabo takwalala. ⁴ Pantu Lesa talekele fye bamalaika ababembwike. Lelo alibaposele ku Tartari ukweba ati basungwe mu minyololo mu cilindi umwakufita mpaka napakupingulwa, ⁵ kabili umfwa Talekele icalo cakale, lelo alipuswishe Noa, uwali uwa bulungami, pamo na bambi cinelubali ulo aletele ilyeshi pe sonde pa bashipepa. ⁶ Kabili umfwa alilengele imisumba ya Sodoma na Gomora ukuba imito no kuipingula ukonaulwa ukweba ati ibe cilangililo cafikesa kucitika kubashipepa. ⁷ Kabili alipuswishe Loti umulungami, uwali uwa nkumba bulili pamibele ya bucilende bwa bampula mafunde babantu - ⁸ pali ulya muntu umulungami, uwalikwikala pakati kabo akasuba na kasuba, alikucushiwa mu mupashi wakwe uulungami pa mulandu wabu mpula mafunde bwabo - ⁹ umfwa Shikulu alicitile ifi fintu, ninshi alishiba ifyakupususha abantu bapepa mufya kweshiwa fyabo ne fyakwikata abantu abashalungama mukalyati pakwebati bakakandwe pa bushiku bwa bupingushi. ¹⁰ Pali bufi abakonke fya lunkumbwa fya mubili nokusula bukateka. Abakupama nabu kaitemwe, tabatina nangu bapontela uwa bukatami. ¹¹ Ba malaika balikwatapo ukukosa na maka, lelo tababaseba ukuseba kwa miponto palwa bena kuli Shikulu. ¹² Lelo aba bantu kubati finama ifya kubula kampingu, babeleleko ukwikatwa no konaulwa. Tabaishiba nefyo bapontela. Mukonaulwa nabo bene bakonaulwa, ¹³ Ukucula ubucushi ecilambu cabu ncitatubi. Batontonkanya ati ukuipakisha inshita yakasuba e sansa. Bafitatilo no bulema. Basaminwa imibele yabo iyabu mitebeto. ¹⁴ Amenso yabo yaisulamo ubulalelale; tabekushiwa no lubembu. Balabeleleka imipashi iitashipa ukubatwala mukucita ububi, ne mitima yabo yalisambilishiwa bukaitemwe. Bana abatipwa! ¹⁵ Balisula inshila sha bololoke no kuya mukuluba, ukukonka nshila yakwa Balaamu umwana mwaume wakwa Beore, uwatemenwe ukupoke cilambu icitali cabulungami. ¹⁶ Lelo apokelele ukukalipilwa pa lubembu lwakwe - kabalwe uutalanda alandile mwishiwi lya muntu calengele ukulesha nonbushilu bwakwa kasesema. ¹⁷ Aba bantu bumfukumfuku bwakubulwamo amenshi na fubefube uwa ndululwa kwi bimbi. Abo ukufita kwa mfifi kwasungile. ¹⁸ Balalanda na matutumuko ayakubula ubuyo. Balongola abantu nefya lunkumbwa fya bu mubili. Balabeleleka abantu abo abafwaya likufulumuka kuli abo abekala mukuluba. ¹⁹ Balalaya ubuntungwa kuli bena, lelo bena basha babupondamishi. Pantu umuntu musha wa conse icimucimfya. ²⁰ Umfwa balifulumuka ubupondamishi bwa calo ukupitila mukwishiba Shikulu kabili Umupusushi Yesu Kristu na kabili baikofyanisha kabili bacimfiwa, imibele yakulekelesha yaba iyakubipishapo ukucila iyapakubala. ²¹ Nga caliwemepo ukuteshiba inshila ya bulungami ukucila ukwishiba no kupilibukako ku mafunde ya mushilo ayo babashilile. ²² Ili pinda lya cishinka kuli bena: "Imbwa ilabwelela ku malushi waiko, na kapoli uusambilwe ala bwelela muku yalanganya mu matipa."