¹ Ukufuma ku bakalamba ukuya kuli namayo uyo basala na bana bakwe, abo natemwa mu cine - lelo tenebo neka, lelo kuli abo bonse abaishiba icine - ² Pamulandu wa cine icaikalilila muli fwebo kabili cikaba muli fwebo umuyayaya. ³ Ukusenamina, uluse, no mutende fili nokuba na fwebo ukufuma kuli Lesa Tata no kufuma kuli Yesu Kristu, umwana wakwa Tata, mucine na mukutemwa. ⁴ Nasekelela pakalamba ico ndi sangile bambi abana bahoendela mucine, kubati fintu twapokelele ifipope ukufuma kuli Tata. ⁵ Nomba nkokupapata webo, namayo - tekweba ati nebo nkokulembela amafunde ayapya, lelo yamoyene nayo twakwete ukufuma ku kukutendeka ukwebati tufwile tukotemwana umo no munankwe. ⁶ Uku ekutemwa, tufwile tukoenda ukulingana ne cipope cakwe. Ici ecipope, kubati fintu mwaumfwa ukufuma fye kukutendeka, ukweba ati mulekwendela muli cena. ⁷ Pantu bakalufya abengi baliya mucalo, kabili tabasumina ukweba ati Yesu Kristu alishile muli bumubili. Ni bakalufya kabili niba mukanya Kristu. ⁸ Iloleshine mwebene, pakwebati mwilufya ifintu twabombele, lelo pakwebati mupokelela icilambu icituntulu. ⁹ Onse ukoya kuntanshi nomba takoikalilila mumafundisho yakwa Kristu takwata Lesa. Uyo ukoikalilila mu mafundisho, uyo alikwete bonse Wishi no Mwana. ¹⁰ Umfwa umo koaisa kuli mwebo nomba taletetele ili isambililo, mwimupokelela mu ng'anda yenu kabili mwi muposha. ¹¹ Pantu uyo ukolanda umutende kuli ena akoisanshamo mu micitile yakwe iya bubifi. ¹² Ndikwete ifyakulemba ifingi kuli webo, nomba nshikokabila ukufilemba pepela na inki. Lelo, nkofwaisha ukwisa kuli webo no kulanshanya amenso na menso, pakwebati insansa shesu shikapwililike. ¹³ Abana bankanshi Yobe abasalwa bakokuposha.