¹ Paulo, umutumwa wakwa Yesu Kristu umwabele funde lyakwa Lesa umupusushi wesu na Yesu Kristu isubilo lyesu, ² kuli Timote, umwana wacine mucitetekelo: ukusenamina, uluse no mutende ukufuma kuli Lesa Shifwe na Yesu Kristu Shikulu wesu ³ Ifyo nakupapatile ukucita ilintu nalikuya ku Mekedonia, ukwebati wikale mu Efese pakwebati webo ukonkomeshe bamo abantu ukwebati tabakosambilisha ifisambilisho fya kuibela. ⁴ Nangu ukwangwa imilumbe no kupende nkulo ukwa mushipela. ifiteyanya amepusho ukucila amapange yakwa Lesa, aya mucitetekelo ⁵ Nomba icingafuma mwifunde twapelwa kutemwa ukufuma mu mutima uwa sanguluka, ukufuma muli kampingu wabune, na mu citetekelo icabula bukamfutu. ⁶ Bamo abantu balifumine kuli ifi fintu kabili balyalukile kukulanda kwa buwelewele. ⁷ Bafwaya ukuba bakasambilisha wa malango, lelo tabaishiba ifyo bakolandapo nefyo bakonkomesha. ⁸ Lelo twalishiba ukwebati amalango yabune umfwa umo akocitila umwalola amalango. ⁹ Pakwishiba ici, ukwebati amalango taya citilwa umuntu mulungami, lelo kano abatasakamana amalango, na batanakilako, ku bantu abatapepa na babembu, na kuli abo abatashila na bakukowela, kuli abo abepaya bashibo na banyinabo, ku abamisoka, ¹⁰ ku bantu ba bulalelale, ababembuka na baume banabo, kuli abo abeba abantu ukubacita abasha, ku babufi, kuli ba kambone wabufi, na kuli conse icapusana ne fisambilisho lituntulu. ¹¹ Umwabele mbila isuma ya bukata iya kwa Lesa we shuko iyo iyasekeshiwa kuli nebo. ¹² Natotela Yesu Kristu Shikulwifwe. pakwebati ankoshe, apo alintungile ukuba uwa cishinka, kabili alinsontele mu kupyunga. ¹³ Nelyo nali uwa miponto, kalamata, kabili umuntu wa fyongo. Lelo nalibelelwe uluse pantu nalikucita ici mu kukanaishiba mukubula ukutetekela. ¹⁴ No kusenamina kwa kwa Shikulu kwalifulisha ukucilamo ne citetekelo no kutemwa ukwaba muli Kristu Yesu. ¹⁵ Iyi mbila ya cishinka kabili yakuliga ukusuminishiwa, ukwebati Yesu Kristu alishile mu calo mukupususha ababembu. pabo nebo nacilapo. ¹⁶ Lelo pamulandu wa ici nalibelelwe uluse, pakwebati muli nebo, ne wakucilamo, Kristu Yesu enga langilemo ukutekanya kwakwe ukutuntulu. Alicitile ici pa kuba icilangililo kuli abo bonse abale mutetekela kukuba no mweo wa muyayaya. ¹⁷ Nomba ku mfumu ya muyayaya, iitafwa, iitamoneka, iyaba Lesa fye eka, kube umucinshi no bukata umuyayaya no muyayaya. Amen ¹⁸ Nkobika uku kukonkomesha pali webo, Timote, we mwana wandi, ukulingana no busesemo bwa pelwe kunuma pali webo, ukwebati wingalwa ubulwi bwabune, ¹⁹ ukwikate icitetekelo na kampingu wabune. Pakukana ifi, bamo babunshishe ubwato bwa citetekelo cabo. ²⁰ Bamo aba muli bena ni Humenai na Alekesandere, abo napele kuli Satana pakwebati bafundwe ukuleka ukuponta.