¹ Paulo, Silbani, na Timote ku lukuta wa bena Tesalonika muli Lesa Tata na Shikulu Yesu Kristu. Ukusenaminwa no mutende fingaba kuli mwebo. ² Fwebo lyonse tulatotela kuli Lesa palwa mwebo bonse elo tumilumbula lyonse mu mapepo yesu. ³ Tulebukisha kuli Lesa wesu kabili Tata imilimo yenu iya citetekelo, ukubomba kwa citemwiko, no kushipikisha mukutekanya mwisubilo muli Shikulu wesu Yesu Kristu. ⁴ Ba munyinane abatemwikwa na Lesa, twalishiba alimisala, ⁵ pantu imbila nsuma yesu te mucebo mweka yaishile kuli ba mwebo, lelo na mu maka, mu Mupashi wa Mushilo, na mukusubila ukukalamba. Mu nshila imo ine, nakambi mwalishiba umusango wa bantu uyo twabelelemo muli ba mwebo pamulandu wa mwebo. ⁶ Mwebo mwalisakuba abapashanya fwebo na Shikulu ulo mwapokelele icebo mu bwingi bwa kucululuka ne nsansa ukufuma ku Mupashi wa Mushilo. ⁷ Palwa ico, mwebo mwalisakuba icaku mwenako kuli bonse mu Makedonia na Akaya aba sumina. ⁸ Pantu ukufuma kuli mwebo icebo cakwa Shikulu na cilunduluka, kabili te mu Makedonia na Akaya mweka, lelo icitetekelo cenu muli Lesa cilisalangene konse. Eco tatukofwaya kulanda akantu nangufye kamo pali ici. ⁹ Pantu abene beka babila ulwa fwebo pa musango wa kupokelelwa twakwete muli ba mwebo, nefyo pilibukile kuli Lesa ukufuma ku tulubi kuku pyungila Lesa wa mweo kabili uwa cine, ¹⁰ no kololela Umwana wakwe ukufuma mu mulu, uyo abushishe ku bafwa - Yesu, uutupokolola fwebo ku bukali ubukoisa.