¹ Ti liyan guni ka paaro, paaroigale kan Yamma, nang paaroi Yamma. ² Shii ka shaayi kan Yamma ti liyan guni. ³ Yuuna we ding tipiree kan shi, moda shim, da do wee yuwaam ye yuwaaroi. ⁴ Ti taani ka kerang, nang kerang teerei aaro memme. ⁵ Aaroi in ti eena ti ta dil, pene dilii lummo kwim. ⁶ Ka manni niyoi wanna shunna ti jeleno Yamma, shommoni Yuwana. ⁷ Shii wanna ka an jimro ti ku aaroi, kaa te ti piree kan shii memmegbe ta kumani kan shii. ⁸ Yuwanai po kuuni a aaroim, shii wannai jimro po aaroi. ⁹ Aaron kulli, ye ti min aaro ti niyo ding ta waru kubuk. ¹⁰ Shii ti kubuk, kubukki yunaai ti piree kan shi, nang kubuk a jemlo shiim. ¹¹ Wanna shik weeni, pene weeni a yiu shiim. ¹² Nang ti me ding yikka shi, ti me kunnga kan shoomni, shii minan kumen shiwo shiboni. ¹³ Shibo ye pattaa a ka dom niyom, a ka nyimmo lo-shikkum, a ka peen nyimmo niyon dingum, pene pattan we Yamma. ¹⁴ Paaroi in shiwoni niyo nang in deni ti shakkimu kama. Kama weya shik shokranni, shokran mara shii ye la dok mo wanna ti shikno Fowi Yamma, kemii kan kunngu kan yen kulli. ¹⁵ Yuwana jimraa shii. shiin shoppo foki ya, ''Tenei shii mo ne teka ma na,'shii mo ta waru ti biino yeka no ta shii, longku shii benano' '' ¹⁶ Longku gbe kunnguni ye liyamu kama kunnguni gbe ti kuumu kama. ¹⁷ Longku minaa shoroi ti Muuja. Kunngu kan kulli wanna ti kirano Yeesho Kiriti. ¹⁸ A do mo naka we shikno Yammam; Yamma dokni, mo ti jeleno Fonni, liya in pen Yamma. ¹⁹ Tenei jimrono Yuwana koddi ye Yahudawa me ti Urshalima shuran me an kpaa kan lewiyawa mo telo shii,'' kei nong?''. ²⁰ A jimrom - shii a yu jiram tewanim, pene in tewi ya- ''nei Kiritiim,''. ²¹ Nang shinui in tel shii ya, '' kei wenpenei? kei Ilya?'' in tewi ya, ''nei shim'' shinui ya, ''kei an kpaai ya?'' in tewi ya, ''ongngoo'' ²² rang in tewon ti shii ya, '' kei nong, longku minin me po shuran ti me shunnamu? ke ta tewani wen ti kuugei? ²³ in tewi ya, '' nei ele, ye ti ku ya yee ti ta shwee:'ma shuppo shi kokono Fomina dob,' kaa ye Ishaya an kpaa teka.'' ²⁴ Wende in shur peddi parisawai, ²⁵ in tel shii ta shinui ya, ''penei longku wen ye ke ti ya yulmai ke ma Kiriti, koo Ilya koo an kpaam?'' ²⁶ Yuwanan liginnon ti shinee, ya, ''Netiyayulmaika doo. pene ka mo sheeri ti shakkima ye ma penom. ²⁷ shii mo ta waruti biino ye nei foro nen piddo fwaala taanim.'' ²⁸ yuuna we te ding ti Betani ti awo shiruk Jordan, pirinnee Yuwana ta yuun yulmai. ²⁹ Pirbong Yuwana in we shikno Yeesho ti ku war jeleni nang ya, '' ma gee la galmano Yamma, mo shari kan shasshalau kubuk! ³⁰ tene mono teka na, 'mo ta waru ti biino yeka no, longku shii benano.' ³¹ Ne peno shiim, pene ne ti yulma longku shuglo shii ti Ishereila.'' ³² Nang Yuwana in min jimro, ya, ''Ne weyaa shik shoom ta sharu ti ku-dang kaa amaluk in dungon ten ti kwi. ³³ Ne peno shiim, pene mo shunnano ya no yu yulma ka doo tekano ya, 'mogo weyaa shoom in ti shaaru in dunkonten ta kwi, teerei mo ti ya yulma ka shoom yen shaana.' ³⁴ Nang ne weya shikki nen jiminna we ye yuwaro ka te shii laano Yamma.'' ³⁵ Birang,ka pirbong, Yuwana sherii kan ti po tere kan shiboni palau me an yiu shubet, ³⁶ in we shikno Yeesho ti ku koni, mo Yuwana ya, '' ma gee, la galmano Yamma!'' ³⁷ Bara me an yiu shubet nii yara we ye teka in yiwoju biino Yeesho. ³⁸ Yeeshon shiwo dooni in we shinui yinna biini in tel shinui ya, '' ma lekai wen?'' in liginno ta shinui ya, ''Rabbi'' ( ye ti tewi ka ''An shubet''), '' ke degoi tong?'' ³⁹ in liginon ya, '' ma waru ma gee.'' Nang in wanna wa geeru po diyoi; in diino ka shaayi darangii, longku koddi an kpumui. ⁴⁰ Dok ti shakki men palau ye yara koddi ye Yuwana yuwa paaro in yiwoju biino Yeeshoi Andarawus, molno shimon peter. ⁴¹ Ka toom in we molni ta shimon in tewon ya, ''Min weena an markui''( ye ti yei ka:Kiriti). ⁴² In warin shii jeleno Yeesho, Nang Yeeshon gee shii in tewi ya, ''kei shimon laano Yuwana. Ta yiu yekoi ka Kebas''(ye ti yei ka Peter). ⁴³ Pirbong, Yeesho in li shikni ka we war Galili, in we Philip in tewon ya, ''yiu biino'' ⁴⁴ Philipi niyo Bethsaida, minama Andarawus kan Peter. ⁴⁵ Philib in weru Nathaniel in tewon, ''mo Muuja yuwan balla ti kwii, kan an kpaa, min weena shii: Yeesho laano Yusubu, mori Nazaret.'' ⁴⁶ Nathaniel in tewon ya,"ka we on kpang ta Peru to Nazeret ya?" Philip in liginno ya, "Wary me gee." ⁴⁷ Yeesho weya Nathaniel ta waru jeleni in yun paro to kwi ya, "gee, la ishreilan kulli, mo a don ding ti posheriim!" ⁴⁸ Nathaniel in liginno ya, "Duma ke penanoi ka yaa?" Yeeshon liginnon ya,"Koddi ye Philip yiyaangen, ye me sherii to gun Biro dugni, he weya shikko." ⁴⁹ Nathaniel in dewina,"Rabbi, kei lano Yamma! kei an gup Israel!" ⁵⁰ Nang Yeeshon liginnon to shii ya, "longku ye me tekkako, 'Ne weya shikko to gun Biro dugni,' ke kungha? ke ta we wene ye yega te gbee." ⁵¹ Nang in tewi, "paron kpang, yene tegako, ke ta we kudang ta aworo, birang me an shuranno Yamma ti ammina in ti gbollu ti Ku la niyon ding."