¹ Kulangula za Ninive buku la mboni woni ya Nahum, mwina Elikoshi. ² Yawe ni Chiuta wa sanje na wa kuwezgera nduzga; nakuti wakuwezgera ndazga nakuti ngwakuzura na ukali, Yawe wakuwezgera nduzga pa barwani bake, nakuti iye wakulutilizga ukari wake pa barwani bake.

³ Yawe wakuchelwa kukalipa nakuti nimukulu mu nkhongono; Iye kuti wazamukuleka kulanga baheni chara, Yawe wakupanga nthowa yake mukavumba na muchimphepo ndipo mabingo ndilo fuvu la kumalundi ghake. ⁴ Iye wakuchenya nyanja na kuyikamuska; Iye waku womizga madambo ghose. Bashani ngwakufoka, na ngamira nayo njakufoka; Maluba yaku lebanoni nayo yafoka.

⁵ Mapiri yakugwedezgeka mu ubapo wake , na tumapiri tukusungunuka, chalo cha pasi chikutenthema mu ubapo wake, nadidi, chalo na banthu bose abo bakukhala mwene mumo. ⁶ Kasi ninjani wanga yimilira pa nthazi za ukali wake? Kasi ninjani wangazizipizga Ukali wake ukulu? Ukali wake malibwe yaku phwanyika mu viduswa na iye. ⁷ Yawe ni muwemi ni linga lakukhora mu zuba la suzgo, nakuti iye wakubamanya bose abo bakubisama mwa iye.

⁸ Kwene iye wazamukupanga bakwani bake kumara petu na chigumula chikulu, iye wazakubachimbizgara mu mudima. ⁹ Kasi nchifukwa uli imwe mwa banthu mukupanga chibembu kwimikana na Yawe? Iye wazamukumumarani petu suzgo lizamukuwukaso chara pa nyengo yachibiri.

¹⁰ Nga ni minga zakuzingika zingika na nga ni vyakumwa vya bakulobereska; bazamuku wotcheka nga ni mapesi yakomira.

¹¹ Kufumira kwa iwe, ninive mwafuma yumoza uyo wakapangana uheni kwimikana na Yawe, musambizgi muheni. ¹² Ichi ndicho Yawe wakuyowoya, Nanga uli bangaba bakuzura na nkhongono na baku zula mu unandi bazamuku komeka ndinthu, banthu babo bazamu kufwa. Kwene iwe, Yuda; Nanga uli naku suzga, nizamukuku suzgaso chara.

¹³ Sono nditi ni phyorenge goliwoli lira la banthu kufumyapo pa iwe; nditi nidumurenge ma tcheni ghinu." ¹⁴ Yawe wapeleka languro pa iwe, Ninive : "Kuzamuku bevyeso mphapo yako kunyamura zina lako. Namukudumura vikozgo vyakubaja na vyakusungunura kufuma mu manyumba ya ba Chiuta ngoza binu. Ndamukunozga dindi lako, pakuti ndiwe waku kazuzgika." ¹⁵ Labiska pa mapiri pali marundi ya uyo wakwiza na uthenga uwemi, uyo wakupharazga muthede ! Sekerera iwe Yuda na viphikiro vyako, nakuti kwaniliska mapangano yako pakuti muheni wati wizengeso kulwa nawe chara wadumulikako petu