¹ Kwene ichi chikamukwiyiska Yona nakuti wakakalipa chomene.

² Ntheula Yona wakoromba kwa Yawe ndipo wakati, " Ah, Yawe , asi ichi ndicho chila nkhayowoya yayi para nkhaba ku chalo cha ku kwithu. Ndicho chifukwa nkhachita dankha na kuyezga kuchimbilira ku Tashishi - chifukwa nkhamanya kuti ndimwe Chiuta wa uchizi, chiulazi, wakuziurika kukalipa na wakuzura na kutemwa kwakukhalirira, nakuti imwe mukuwerako ku kutuma chiheni.

³ Pa chifukwa ichi sono, Yawe , - nkhumupemphani, tolani umoyo wane kufuma kwa ine, pakuti nchiwemi kwa ine kuti nifwe kuruska kuba wa moyo. ⁴ Yawe wakati , " Kasi nchiwemi kuti ukukalipa nthana?

⁵ Ntheula Yona wakafumamo mu musumba ndipo wakakhara pasi ku mafumilo gha dazi kwa musumba. kwenekura wakajizengera msasa na kukhala musi mwa msasa ula mu muthuzi mwakuti waone icho chiti chibengemo mu musumba ula. ⁶ Yawe Chiuta wakasankha kambeu ndipo wa ka kamezga kujumpha musinkho wa Yona mwakuti ube muthuzi pachanya pa mutu wake kumutaska ku kukwebeka kwake. Yona waka kondwera chomene chifukwa cha ka mbeu.

⁷ Kwene Chiuta wakasankha chibungu apo zuba likafumanga na machelo ghake. Chikarya ka mbeu kala ndipo ka mbeu kala kakafota ⁸ Chikachitika kuti apo zuba likatilafuma namachelo ghake, Chiuta wakauska mphepo yakocha ya ku mafumilo gha dazi. Nakuti zuba likamutimba pa mutu Yona ndipo wakafwabondi. Ntheura Yona wakachiona chiwemi kuti iye wafwe. Wakati kwa iye mwene, " Nchiwemi kuti ine nifwe kuruska kuba wa moyo.

⁹ Ntheura Chiuta wakati kwa Yona ," Kasi nchiwemi kuti iwe wakalipa chomene chifukwa cha mbeu?" Ntheura Yona wakati, " Nchiwemi kuti nakalipa na kufwa wuwo." ¹⁰ Yawe wakati, "Iwe ukaba na chiulazi a mbeu, iyo ukajitokatokelapo yayai, nesi kujimezga. Yikamera mu usika na kufwa mu usiku.

¹¹ Ntheula kwakuyana na ine asi nkhwenera kuba na Chiurazi yayi na Nenive, Musumba ukuru ula ,mweneumo muli banthu kufumpha 120,000 bene abo bakumanya yayi mphambano pakati pa boko labo lamunyero na boko labo la mazere, ndiposo na vinyama vinandi?"