¹ Ntheula,apo tikatodeka kuzizipizga tikaghana ghana kuti chikaba chiweni kulekela kumanyuma ku Ateni tenkha. ² Tikatuma Timote,mubale winthu ndipo mutebeti munyinthu kwa Chiuta mu uthenga wuwemi wa Kristu,kumukhozgani na kumupembuzgani kulingana na chipulikano chinu.**Mabuku ghanyake ghakuti,ise tikatuma Timote,mubali winthu ndipo mutebeti wa Chiuta mu uthenga wuwemi wa Kristu.** ³ Tikachita ichi mwakuti pabavye nayumo wakusukhunyika na visuzgo ivi.Pakuti mwabene mukumanya kuti ichi tilikusankhikila. ⁴ Unenesko,pala tikaba na imwe,tikamuphalilani apo vindachitike kuti tikaba pafupi kunjila muvisuzgo,ndipo ichi chikachitika,nga niumo mukumanyila. ⁵ Pa chifukwa ichi,pala ine nkhaba wakuti ningakwaniska yayi kwimilila ichi,nkhamutuma kuti nimanya za vya chipulikano chinu.Nyengo zinyake muyezgi mukabiro kanyake wamuyezgani imwe, ndipo kutokatoka kwinthu kukaba pa waka. ⁶ Kweni Timote wakiza kwa ise kufuma kwa imwe ndipo wakatizira na makani gha wemi gha chipulikano chinu na Chitemwa.Wakatiphalila ise kuti imwe nyengo zose muli na chikumbu mtima chiwemi pa ise,nakuti mukukhumbisiska kuwonana nase nge niumo ise nase tikukhumbisiskila kuwonana namwe. ⁷ Pa chifukwa ichi,babale tikaba bakupembuzgika na imwe chifukwa cha chipulikano chinu,muvisuzgo vinthu vose na mukukomwa. ⁸ Pakuti sono tikukhala,usange mukuyimilila nganganga mwa Fumu. ⁹ Ntheula tingapeleka viwongo wuli kwa Chiuta,za imwe,pa chimwemwe chose icho tikaba nacho panthazi pa Chiuta winthu pa za imwe? ¹⁰ Usiku na muhanya tikuromba nkhanira kuti panji tingamuwonani pa visko na kupeleka icho chi kusobelwa mu chipulikano chinu. ¹¹ Lekani Chiuta winthu ndiposo Dada yekha na yekha, na Fumu yinthu Yesu,walongozge nthowa yinthu kwa imwe. ¹² Lekani Fumu yimupangeni imwe kwa ndana na kuzura muchitemwa yumoza na kumunyake na kubanthu bose,nga niwumo nase tikuchitila kwa imwe. ¹³ Lekani iye wakhozge mitima yinu,mwakuti babenge bambula lkalema mu utuba panthazi za Chiuta winthu na Dada, pakwiza kwa Fumu yinthu Yesu pamoza na batuba bake bose.