¹ Apa nkhiza kwa imwe,mwababali,kuti nkhiza nakayowoyelo kaku nyoloka chala panyake vinjelu apa ine nkhaphalazga vya muchindindi vavnenesko va mwa Chiuta.**Malemba ghanandi ghanyake ghakubazgika,naumu nkhaphalazgila ukaboni wa Chiuta**. ² Pakuti nkhachipanga kuleka kumanya kanthu kalikose apa nkhaba pakati kwene Yesu Khristu waka,ndipo iye wakupayikika. ³ Ndipo nkhaba na imwe mukufoka ndipo mu mantha,ndipo mukumbwambwanta chomene. ⁴ Ndipo ntheula wane uphalazgi wane kuti ukaba na mazgo ghakunyengelela chala gha vinjelu.Kwene mwapandela,ghakaba gha kulongozgeka na mzimu ndipo na nkhongono, ⁵ Mwakuti chipulikano chinu chileke kuba muvinjelu va banthu,kwene mu nkhongono ya Chiuta. ⁶ Sono tikuyowoya vinjelu mukati mwa abo mbakufikapo,kwene kuti vinjelu va chalo ichi chala,panyake va balamulili ba nyengo izi yayi, abo bakumala. ⁷ Mwapadela,tikuyowoya vinjelu va Chiuta mu unenesko wakubisika,vinjelu vakubisika ivo Chiuta wakavibika panthazi pa zinyengo za uchindami withu. ⁸ Palije bakulamulila ba zinyengo izi aba bakapulikiska ichi,pakuti iwo bapulikiskenge, kuti mphanyi bakayipaika yayi Fumu ya Uchindami. ⁹ Kwene naumu kuli kulembekela, "vinthu ivo jiso lililose lindawonepo,panyake nkhuti kupulika,maghano-ghano gha ndaganizilepo,vinthu ivo Chiuta wali kunozgela abo iyo wakumutemwa." ¹⁰ Ivi ndivo vinthu ivo Chiuta wali kuvumbula kwa ise kupitila mu mzimu. **Pakuti mzimu ukusanda-sanda vinthu vose,na vinthu uwo va muchindindiva kwa Chiuta.** ¹¹ Pakuti ni njani uyo wangamanya maghano-ghano gha munthu kwene mu zimu wenkha wa iye munthu uwo uli mukati mwake?Ntheula,palije uyo wakumanya vinthu vamuchindindi va kwa Chiuta kwene waka Mzimu wa Chiuta. ¹² Kwene ise kuti tikapokela mzimu wa chalo chala kwene mzimu uwo ukufuma kwa Chiuta,Mwakuti timanye vinthu ivo vapelekeka mwa ulele kwa ise kufumila kwa Chiuta. ¹³ Tikuyowoya za vinthu ivi mumazgo kuti mahala gha munthu ghangasambizga chala,kwene ivo mzimu ukutisambizga ise.Mzimu ukulongola mazgo gha uzimu na mahala gha uzimu. ¹⁴ Munthu wambula mzimu kuti wakupokela yayi vinthu ivo va kwa mzimu wa Chiuta,pakuti va waka waka kwa iye,wangavimanya yayi pakuti ivo vikuvumbukwa mu nthowa ya uzimu. ¹⁵ Uyo ngwa uzimu wakweluzga vose vinthu,kwene iye kuti ngwa kweluzga na banthu chala. ¹⁶ "Pakuti ninjani uyo wangamanya maghano-ghano gha Fumu,mwakuti iye wamusambizge?Kwene ise tili namaghano-ghano gha Khristu.