¹ 1तुमाहामे लोडाया ने भाणगुड्या किहिने आवतेहे? तुमा आवयवाम ज्या खाराब वासना हाय तीयाकी लोडाया केतेहे तियामने का नाय का? ² तुमा लोब तेताहा पेन तुमाहाल मिलतो नाहा, तुमा मायटाकताहाने हेवो केताहा, पेन तुमाहाल मिलवुता आवतो नाहा तुमा भाडगड ने लोडाया केताहा तेबी तुमाल मिलतो नाहा, काहाका तुमा मागता नाहा ³ तुमा मागतेहे आने तुमाहाल मिलतो नाहा. काहाका तुमा खाराब वासना राखीन मागतेहे, तेहेकी आपु चैनीखातोर खोर्चो तियाहाल मागतेहे ⁴ इं देवा आरी हारो व्यवहार नेय केणारी पीडी जगा आरी चालुलो काहाका देवा आरी दुष्मणी हाय इं ता जाता नाहा का? काहाका जो केडो जगाआरी चाला इच्छा केएहे तो देवा आरी वैरी दुष्मणी हाय ⁵ काहा आपुमे रेणारो पवित्र आत्मो मोना इच्छा ऐहेकी तुमाहाल वाटेहेका? ⁶ पेण तो खुबूज कृपा केअह, काहाका शास्त्रलेख ऐहेकी आखेहे का, “देव गोर्वो केणाराहा विरोध केहे, पेन नम्रहाय तियावे कृपा केहे ⁷ तियाहान देवा आरी ऱ्याहा आने पुथाल ओडकावा ताहा तियाल तो तुमाहायने दुर नाहा पोडी ⁸ तुमा देवा पाही आवा ताहा तो तुमापाही आवी ओ पाप्याहा, तुमा आथ चोखो केरा ओ बेनमोना माआहा मोने चोखे केरा ⁹ दु:खी व्या, शोक क्या आणे रोडा, तुमा ओहवुलो शोकाम व्ये, तुमा खुशी नाराजीम व्ये ¹⁰ परमेश्वरा हुबूर नोमीन ऱ्या, ताहा तो तुमाहाल उच्यो केरी ¹¹ पावुहू, एकबिहीरा बोद्दल खराब गोगाहा नाहा जो पावुहू बोद्दल खाराब गोगेहे ने आपु पावुहूल दोष लागवेहे नियमशास्त्रा बोद्दल खाराब गोगतेहे आने नियमशास्त्राले दोष लागवुतो. पेण जाहा तु नियम शास्त्रल दोष लागवुयो ताहा नियम पालणारों नाहा पेन न्यायाधिश हाय. ¹² जो तारणकेरुलाम ने नाश केरुलाम ताकोत हाय ऐहेडो नियमशास्त्र देणारो ने न्यायाधीश एकुज हाय ताहा शेजाऱ्याल दोष लागवुनारो तु केडो ? बोढाय मारुलो नाय इया खातोर इशारो ¹³ ओ! तुमा जो आखताहा का, “आजे नेता हाकाल आपु इ गावाल जाटु तिही वोरोह पोय रिहु आणे वेपारो किहुने कामावुहू. ¹⁴ पेण हाकाल काय वेरी इ तुमाहाल मालुम नाहा रेतो. तुमा उमोर कोती तुमा काय वाफी होच हाय ती एक घेडी देखाही आने देखाती नाहा ¹⁵ तिया बोद्दलाम तुमा एहेकी आखा का, “परमेश्वरा इच्छा वेरी ताहा आपु जिवते रिहु आने इं किहु का तो किहु ¹⁶ आमी तुमा आपु योजना अभिमान (सोताहाल मोडो होमजुलो) देखावताहा ऐहेडा प्रकाश बादा अभिमान (सोताहाल मोडो होमजुलो) वायबार हाय ¹⁷ ताहा हारो केरुलो होमजायनेबी जो तो केअतो नाह तियाल तो पाप हाय.