Capítulo 17 21

14 Jitä ucu, ttö̧ja̧sa̧ i̧tti̧, Ttö̧ä̧na̧hua̧ pä'ö ji'ähui ja̧'hu̧a̧ta̧'a̧nö̧ cu̧mu̧ to̧mu̧rȩcue'ö cuä'i, ¡Curä'chumä rä̧bȩhuä̧cua̧jä̧ huäbodäcuänä päi'önä! ¡ji'chute curä'chumä cuä'ö tticuäcuotörö! Jahuä'chu curä'chunä recuätö totte'äcuotö, ¡ppurahui'äcua'a o'catoi'önärö̧! 15 Rö̧'ä̧nö̧ yettecunä ja̧tö̧ pä'ömä yabocu rö̧'ä̧nä̧tä̧ cuä'äu tticuäcuotö, ttojusode apate ä'camä kö̧nä̧ji̧sä̧ ttä̧rö̧ cuähuä'chu! ¡Äyo! ¡Jua'amä adicua'a cu'cupä örohua̧'a̧ 'cua̧rö̧nä̧, sa̧huȩcua̧'a̧ tto̧ja̧ro̧ cuättähua pä'ö! 16 ¡Ucu, curä'chu! ¡Cuu̧huo̧jua̧'a̧nä̧ cuä'i! ¡Cu'ohue ja̧'a̧nä̧ cuä'i! Tä'i ucuru cui̧'cha̧ pä'ö hueähuomecu̧. 17 Ja̧'hua̧ta̧'a̧no̧ ttö'inä chu̧mu̧ to̧mu̧rȩcue'önä cuä̧dä̧du̧a̧sä̧, ja̧u̧nu̧ o'ca'atä chö̧'a̧i̧mä̧ 'cuächi'äcua'a! ¡TTÖ CU̧RU̧HUA̧TU̧ pa̧'a̧nö̧ta̧ pä'ösä! 24 Ja̧'hua̧nö̧ ja̧'a̧nä̧ CU̧RU̧HUA̧ CUÄ̧NA̧HUÄ̧MÄ̧ pa̧'a̧nö̧ pä'ösä: Dä̧bö̧ surojönä jȩcu̧'i̧nö̧ chamucuädönä jȩcua̧'a̧jä̧ttö̧, ¡huedo'cö ji̧nö̧ jȩcui̧na̧'a̧mä̧ i̧jȩcuä̧chä̧cua̧'a̧! ¡Surojönä jjȩcu̧'u̧mä̧ jȩcu̧'u̧nä̧tä̧ i̧jȩcuä̧chä̧cua̧'a̧! ¡Ja̧'hua̧nö̧ ja̧'a̧ tottä'attö o'catoi'önä 'chuttädäcuottöjä cuabo'iyotötä! 25 Ja̧'hua̧ta̧'a̧nö̧ ucu, jarodäcuähua i̧sä̧ su̧ro̧pa̧ Israelttö ruhuo hue'ö, tä'cö tö'cöhuächa'a ucuru röji ro̧ȩhuä̧, surojönä jȩpö̧ cu̧jä̧'i̧jö̧mä̧ pȩnȩbutä beipäcujä, 26 CU̧RU̧HUÄ̧ CU̧Ä̧NÄ̧HUA̧MÄ̧ Pa̧'a̧nö̧tä̧ pä'ö: ¡Cunä juä̧o̧cuä̧ta̧ jȩpä̧cuä̧u̧ icui ja̧'hua̧ta̧'a̧nö̧ cunä pötähuä'inä ȩmä̧u̧'i̧cui̧! ¡Jitämä koro'inä yorätehuoca'a jä̧cua̧'a̧! ¡Usurä i̧sa̧rö̧mä̧ ucuounä jȩpi̧ ucuounä kö̧rö̧mä̧ ucuou juiyönätä! 27 ¡Usurä isotö!¡Usurä isotö! ¡TTÖtä jȩchä̧cua̧sä̧ usurä isotö juocuätucunö! Ya̧tȩ'i̧nä̧ pä'äjita'anömä adiu juo'epo'cö jä̧cua̧ yate ro̧ȩpa̧cua̧rö̧ ttö huedomejubu. 32 ¡Gasolina cuoa'a jä̧'i̧nö̧'a̧nö̧ cuo'ö cui̧cuä̧cua̧jä̧! Cucuojamä pi̧jä̧ o'cajuiyönä pperecuächäcua'a. ¡Amucuädäcuähuo'cö cuä̧cua̧jä̧, TTÖ CU̧RU̧HUÄ̧MÄ̧ pa̧'a̧nö̧tä̧ pä'ösä.